Nokkur aðildarfélög SGS á landsbyggðinni héldu óformlegan fund á Sauðárkróki í gær 6. júlí. Fundurinn var í framhaldi af fundi sem haldinn var á Egilsstöðum í byrjun júní sl. Eftirfarandi tilkynning var send úr í kjölfar fundarins:

Sauðárkróki 6. júlí 2007

Fullrúar 10 stéttarfélaga innan SGS komu saman á Sauðárkróki  í dag og ræddu framkomnar hugmyndir ASÍ/SA um breytingar á veikinda- slysa og örorkurétti sem og önnur sameiginleg hagsmunamál.

Fram kom að Starfsendurhæfing Austurlands verður stofnuð upp úr miðjum júlí að frumkvæði stéttarfélagsins þar. Aðrir formenn eru að vinna að svipuðum hugmyndum á sínum félagssvæðum.

Í því sambandi horfa menn til reynslu Starfsendurhæfingar Norðurlands.

Fundarmenn ákváðu að hittast aftur í lok sumars á Akranesi til að ræða framhald mála.

Formaður Verkalýðsfélags Akraness sat fundinn.

Formaður félagsins ásamt hagfræðingi ASÍ áttu fund með forsvarsmönnum Norðuráls í morgun. Þeir sem sátu fundinn fyrir hönd Norðuráls voru Ragnar Guðmundsson framkvæmdastjóri og Skúli Skúlason starfsmannastjóri. Tilefni fundarins voru hin ýmsu réttindamál sem lúta að félagsmönnum Verkalýðsfélags Akraness. 

Félagsmenn Verkalýðsfélags Akraness sem starfa hjá Norðuráli eru nú orðnir rétt tæplega 360 og er Norðurál orðinn langstærsti vinnuveitandinn á Vesturlandi. Því er gríðarlega mikilvægt fyrir stéttarfélagið að halda vöku sinni yfir réttindum starfsmanna Norðuráls. Er óhætt að segja að þessu fundur hafi verið einn liður í þeirri vinnu. 

Fundurinn var nokkuð góður og var til að mynda ákveðið að funda aftur föstudaginn 13. júlí.