Segja má að sú öfluga samstaða aðildarfélaga SGS í kjaraviðræðunum við ríkið hafi skilað þeim árangri sem raun ber vitni. Áratuga barátta verkalýðshreyfingarinnar fyrir jöfnun réttinda almenns verkafólks hjá ríkinu við aðra starfsmenn ríkisins eru í meginatriðum í höfn. Þeim mismun sem verið hefur í kjara- og réttindaumhverfi starfsmanna ríkisins er rutt úr vegi. En það var ekki einungis samstaða aðildarfélaganna sem skilali þessum árangri, heldur hin virka samstaða félagsmannanna um land allt meðan á samningaferlinum stóð. Á öllum þeim starfsmannafundum sem haldnir voru á vinnustöðum kom fram skýlaus vilji félagsmanna til að ljúka þessu verkefni um jöfnun réttindanna. Það var það bakland sem gaf samninganefndinni styrk. Því verður með engum rökum haldið fram, að verkalýðshreyfingin séu úr tengslum við grasrótina, það sannar sú samningalota sem nú er lokið.
Kjarasamningurinn verður birtur í heild hér á vefsíðunni eftir páska.
Nýr heildarkjarasamningur aðildarfélaga Starfsgreinasambands Íslands við ríkið, var undirritaður á miðnætti kvöld 8. apríl 2004. Samningurinn sem gildir til 31. mars 2008, kemur í stað 14 mismunandi samninga einstakra félaga, sem áður giltu.
Ný launataflaLaunatafla verður á bilinu 96.000 kr. til 187.608 kr. frá 1. mars 2004. Tekin er upp ný 20 flokka launatafla með sex starfsaldursþrepum. Sameiginlegt mat samningsaðila á kostnaðaráhrifum innfærslu í launatöflu er, að frá undirritun samnings sé kostnaður að meðaltali um 2,%. Auk þess kemur til almenn launahækkun sem getur ekki orðið lægri en 3,25%. Miklar væntingar eru bundnar við þessa nýju töflu. Taflan gefur möguleika á auknu svigrúmi í launahækkunum við gerð stofnanasamninga. Stofnanasamningar.Til viðbótar við aðalkjarasamning verða gerðir fjölmargir stofnanasamningar þar sem tekið er á sérmálum viðkomandi starfsgreinar eða vinnustaðar. Gert er ráð fyrir að gerð stofnanasamninga verði lokið í meginatriðum fyrir 15. maí 2004. Grunnkaupshækkun á samningstímanum:1. janúar 2005 3,00%, 1. janúar 20062,50%, 1. janúar 2007 2,25% og 1. janúar 2008 til 31. mars 2008 0,5% . LífeyrissjóðurFrá 1. janúar 2005 hækkar mótframlag ríkisins í sameignarsjóð í 9,0%. Frá 1. janúar 2006 verður iðgjald ríkisins 10,25% og þann 1. janúar 2007 verður það 11,5%. Auk framlags starfsmanna verður framlag í lífeyrissjóð því alls 15,5%. Áfram á launamaður rétt á allt að 2% mótframlagi atvinnurekanda í séreignarsjóð ef launamaður sparar sjálfur 2% af launum eða meira. Starfsmenntamál treyst til framtíðar – framlag atvinnurekenda samningsbundið,Þróunar- og símenntunarsjóður verður að veruleika.Með þessum samningi innsigla samningsaðilar mikilvægi þróunar- og símenntunar með því að festa starfsmenntasjóð almenns launafólks hjá ríkinu í sessi. Atvinnurekandi greiðir mánaðarlega framlag er nemur 0,57% af heildalaunum félaga SGS í sérstakan sjóð, Þróunar- og símenntunarsjóð. Hlutverk sjóðsins er m.a. að efla símenntun starfsmanna til þess að þeir verði færari til að takast á við fjölbreyttari verkefni og að auka möguleika stofnana á að þróa starfssvið sitt. Gert er ráð fyrir að 0,35% af launaupphæðinni fari í sameiginlegan sjóð til að auka möguleika stofnana til að þróa starfsvið sitt og hins vegar 0,22% til félags- og einstaklingsstyrkja. Réttur til launa í veikindum verður aukinn.Réttur til launa í veikindum er jafnaður við rétt annarra starfsmanna ríkisins. Slysatryggingar eru bættar verulega og bótafjárhæðir auknar og samræmdar við kjör starfsmanna ríkisins. Samið var um sólahrings frítímaslysatrygging sem er nýung.Desemberuppbót.Persónuuppbót í desember verður kr. 38.500 árið 2004, kr. 39.700 árið 2005, kr 40.700 árið 2006 og kr. 41.800 árið 2007. FatapeningarM.a er gert ráð fyrir að þar sem borgaralegs fatnaðar er krafist á heilbrigðisstofnunum eða sambýlum skuli starfsmenn fá 1458 kr. á mánuði til fatakaupa. Einnig skulu starfsmenn á heilbrigðisstofnunum fá hentuga vinnuskó sér að kostnaðarlausu. Aukinn réttur foreldra í fæðingarorlofiM.a. er gert ráð fyrir að starfsmaður í fæðingarorlofi njóti réttinda til greiðslu sumarorlofs. OrlofsrétturOrlofsréttur er jafnaður á við rétt annarra starfsmanna ríkisins OrlofsuppbótOrlofsuppbót verður kr. 21.100 á orlofsárinu sem hefst 1. maí 2004, kr. 21.800 á orlofsárinu sem hefst 1. maí 2005, kr. 22.400 á orlofsárinu sem hefst 1. maí 2006 og kr. 23.000 á orlofsárinu sem hefst 1. maí 2007. Takmörkun verkfallsréttar og sameiginleg atkvæðagreiðsla.Samið var um takmörkun verkfalsréttar til samræmis við starfsmenn ríkisins. Einnig er gert ráð fyrir sameiginlegri samninganefnd aðildarfélaga SGS að endurnýjun samningsins og sameiginlegri atkvæðagreiðslu um þann samning. SamningsforsendurVitnað er til sömu forsenda og gert er ráð fyrir í samningi SGS við Samtök atvinnulífsins frá því í mars s.l. Annars vegar að verðlag þróist í samræmi við verðbólgumarkmið Seðlabanka Íslands en hins vegar að sú launastefna og þær kostnaðarhækkanir sem í þeim samningnum felast verði almennt stefnumarkandi fyrir aðra í samningagerð á vinnumarkaði. |
Stíf fundarhöld hafa verið alla helginna vegna ríkissamningsins
það eru nokkur atriði ennþá sem eru ókláruð. Boðað hefur verið til fundar í dag kl 17:00, og er næsta víst að það verður reynt til þrautar að klára samninginn fyrir páska.
Verkalýðsfélag Akraness skrifaði undir samkomulag við samninganefnd ríkisins, vegna þeirra sérmála sem starfsmenn sem vinna á Sjúkrahúsi Akraness hafa. Eftir mikinn þrýsting frá þeim félögum sem sérákvæði hafa þá tókst að landa þessum sérmálum.
Það var krafa frá samningarnefnd ríkisins, að félögin skildu afsala sér öllum þeim sérmálum, sem þau höfðu ef þau ætluðu sér að vera með í þessum nýja sameigilega samningi sem gerður verður við öll félögin. Það er því gríðalegur sigur að hafa tekist að halda nánast öllum þeim sérákvæðum sem eru í kjarasamningi starfsmanna sem starfa við Sjúkrahús Akraness.
Farið var yfir stöðu mála í kjaradeilu milli Starfsgreinasambands Íslands og Samninganefndar ríkisins f,h fjármálaráðherra. Formaður félagsins sagði eftir fundinn að þetta hafi verðið mjög góður fundur, og fram hafi komið í máli hjúkrunarforstjóra og framkvæmdstjóra Sjúkrahúsins, að þau hefðu fullan skilning á þeirri óánægju sem ríkti meðal okkar félagsmanna sem starfa á Sjúkrahúsi Akraness með sín launakjör.
Fundur var haldinn með starfsmönnum síldarverksmiðjunnar, á skrifstofu félagsins á s.l þriðjudag Var þetta afar góður fundur, en nokkur gömul ágreiningsmál sem lúta að túlkun á kjarasamningi voru til umræðu. Reynt verður eftir fremsta megni að leysa þessi mál eins fljótt og verða má. Til umræðu var líka sérkjarasamningur starfsmanna en hann rennur út 30. apríl.
Samninganefnd Sjómannasambands Íslands fundaði þriðjudaginn 30. mars í Reykjavík. Á fundinum var farið yfir stöðu mála í viðræðum sambandsins við LÍÚ. Hjörtur Júlíusson formaður Sjómannadeildar sat fundinn fyrir hönd félagsins. Formaður Sjómannadeildar sagði lítið sem ekkert hafi þokast í samkomulagsátt, en menn væru samt sem áður að ræðast við. Hjörtur sagði að margir væru því miður orðnir nokkuð svartsýnir á framhaldið.
Mjög mikið ber í milli í samningaviðræðum Starfsgreinasambandsins við ríkið. Upp úr samningum slitnaði í síðustu viku og er allt útlit fyrir að til verkfallsaðgerða komi.
"Við höfum ekkert rætt saman síðan það slitnaði upp úr viðræðunum. Staðan hefur verið metin í félögunum og þar verða ákvarðanir teknar," segir Halldór Björnsson, formaður Starfsgreinasambandsins. Að sögn Halldórs verður verkfallsheimildar aflað á næstu dögum. "Ef það gengur eftir má gera ráð fyrir að aðgerðir hefjist um miðjan mánuðinn," segir Halldór. Ef til verkfallsaðgerða kemur munu þær í fyrstu beinast gegn heilbrigðisstofnunum en talið er að þannig sé hægt að hámarka áhrif aðgerðanna. Halldór segir að vonlaust sé að reka sjúkrahúsin án ófaglærða starfsfólksins. "Það er lunginn í starfi sjúkrahúsanna. Það er alveg vonlaust að reka sjúkrahúsin án þessa fólks," segir hann. Deila Starfsgreinasamningsins og ríkisins snýst bæði um launatöflur og lífeyrissjóðsmál og segir Halldór að mikill munur sé á deilendum í báðum málunum. Hvað varðar lífeyrissjóðsmálin segir Halldór að tækifæri hafi verið til þess að ganga í þau mál árið 2001 en það hafi ekki verið gert og því standi þeir nú frammi fyrir svo erfiðri deilu núna. Halldór segir samningaviðræðurnar vera í hnút og því séu ekki aðrir kostir í stöðunni en að undirbúa aðgerðir. "Við teljum að það sé búið að reyna allt sem hægt er að gera og því þurfi að nota þrýsting ef við ætlum að ná þessu. Um annað er ekki að ræða," segir hann. "En við vonum að þetta leysist áður en til slags kemur."
Niðurstaða:
Á kjörskrá voru 436, alls greiddu 99 atkvæði eða 22,71% félagsmanna.
Já sögðu 61 eða 61,62%
Nei sögðu 33 eða 33,33%
Auðir og ógildir seðlar voru 5eða 5%
Niðurstaða liggur fyrir, kjarasamningur Samtaka atvinnulífsins og Starfsgreinasambands Íslands frá 7. mars er samþykktur í Verkalýðsfélagi Akraness.
Tugir félagsmanna nýttu sér framtalsaðstoð sem félagið bauð uppá, og fór aðstoðin fram á skrifstofu félagsins. Var það Hugrún Guðjósdóttir starfsmaður félagsins sem sá um að aðstoða félagsmenn við að fylla út framtölin.
Stjón VLFA vil þakka Hugrúnu kærlega fyrir vel unnið starf við framtalsaðstoðina því töluvert álag var á henni um tíma. Ennfremur mun stjórn félagsins ákveða það fljótlega hvort að sú framtalsaðstoð sem veitt var í ár verði gerð að árvissum viðburði, en allar líkur eru á að svo verði.
Hugsanlega hefur þetta framtak stjórnar Verkalýðsfélags Akraness sparað félagsmönnum á þriðjahundrað þúsund krónur, og miðum við þá við þann fjölda sem kom og óskaði eftir framtalsaðstoð,og þá gjaldskrá sem bókhaldsfyrirtæki eru að taka fyrir að gera einfalda skattaskýrslu.
Viðræður hafa verið í gangi þessa vikuna á milli Samtaka atvinnulífsins og Samiðnar og er komin þokkalegur gangur í málin. Aðallega er rætt um uppstokkun á taxtakerfinu. Ákveðið hefur verið að halda vinnu áfram á mánudag og ætti fljótlega að koma í ljós hver niðurstaðan verður.
Fundur var haldinn í húsakynnum ríkissáttasemjara í dag til fundarins fóru að hálfu félagsins formaður félagsins ásamt þeim Jónu Birnu og Önnu Signý, en þær eru fyrrverandi og núverandi trúnaðarmenn á sjúkrahúsi Akraness. Tilefni fundarins voru þau sérákvæði sem í gildi eru í kjarasamningi milli heilsugæslu Akraness og Verkalýðsfélag Akraness.
Kom skýrt fram í máli samningarnefndar ríkisins að verði gerður sameiginlegur ríkissamningur við öll félög innan Starfsgreinasambands Íslands þá verða starfsmenn viðkomandi félaga að láta frá sér þau sérákvæði sem eru í gildi . Það er sameiginlegt mat okkar sem sátum þennan fund að til að geta sagt eitthvað til um það hvort við séum tilbúin til að láta eitthvað af þeim sérmálum sem við nú þegar erum með, þá verðum við að fá að sjá hvað þeir hafa fram að bjóða, en það verður að segjast alveg eins og er, að það sem við náðum að toga uppúr samninganefnd ríkisins í dag þá lofar það ekki góðu. Það er mitt persónulega mat að eftir þennan fund í dag að þá geti hugsanlega komið til átaka. Því ófaglært starfsfólk á heilbrigðisstofnunum landsins hafa því miður setið langt á eftir öðrum hópum sem starfa innan heilbrigðiskerfisins en nýleg skýrsla ríkisendurskoðunar sem lögð hefur verið fram staðfestir það svo ekki verður um villst.
Félagsfundurinn um nýja kjarasamninginn var haldinn í gærkvöldi frá kl. 20:00 til 22:30. Á fundinn mættu um 40 manns og tókst fundurinn í alla staði vel. Kristján Bragason útskýrði fyrir fundarmönnum hvernig þeir raðast í nýja launatöflu og hvernig hún er uppbyggð. Svaraði Kristján fjölmörgum spurningum á fundinum.
Í kvöld kl. 19 mun stjórn og trúnaðarráð Verkalýðfélags Akraness koma saman til að yfirfara nýgerðan kjarasamning Starfsgreinasambands Íslands og Samtaka atvinnulífsins sem félagið er aðili að. Jafnframt verður ákveðið hvernig staðið verður að atkvæðagreiðslu um samninginn. Síðan kl. 20 hefst opinn kynningarfundur félagsins á ný gerðum kjarasamningi. Kristján Bragason fyrrverandi framkvæmdastjóri SGS mun sjá um að kynna samninginn.
Verkalýðsfélag Akraness
Kt. 680269-6889
Til skrifstofunnar geta félagsmenn leitað eftir
upplýsingum og annarri aðstoð.
300 Akranes
4309900
skrifstofa@vlfa.is
Mánudag-fimmtudag kl. 08:00-16:00 og föstudaga kl. 8:00-15:15. Utan afgreiðslutíma félagsins er hægt að ná í formann félagsins, Vilhjálm Birgisson, í síma 865-1294.
