Opinn kynningarfundur sem Verkalýðsfélag Akraness stóð fyrir  um árangursríka aðferð til að takast á við lesblindu var haldinn miðvikudaginn 8. febrúar og tókst mjög vel í alla staði.  Vel á þriðja tug manna sóttu fundinn og hlýddu á þær Erlu Olgeirsdóttur og Ástu Guðmundsdóttur Davis ráðgjafa fara yfir hvernig hægt er að hjálpa fólki sem er lesblint með Davis aðferðinni.

Fundarmönnum var boðið að skrá sig í greiningarviðtal þar sem kannað er hvort Davis aðferðin henti viðkomandi einstaklingi.  Þó nokkrir skráðu sig í greiningarviðtal á fundinum.   Í greiningarviðtali kemur í ljós hvort Davis aðferðin hentar viðkomandi.  Ef Davis ráðgjafar telja að Davis aðferðin henti þá er hægt að fara í Davis leiðréttingu.

Þær Erla og Ásta fóru mjög vel yfir hvernig Davis leiðrétting fer fram.  Hún felst í 30 klst. vinnu maður á mann, sem oftast er dreift yfir 5 daga í röð.  Þá hefur viðkomandi fengið í hendurnar þau tæki sem hann þarf til að leiðrétta lesblinduna og finnur strax greinilega breytingu.  Að 5 daga leiðréttingu lokinni þarf um 80 klukkustunda heimavinnu á 1-2 árum, til að tryggja þann árangur sem náðst hefur og leiðrétta lesblinduna til fulls.

Formaður Verkalýðsfélags Akraness vill minna fullgilda félagsmenn á að starfmenntasjóður félagsins veitir styrk til þeirra sem fara í Davis leiðréttingu og einnig fyrir þá sem fara í greiningarviðtal hjá Davis ráðgjafa. 

Formaður Verkalýðsfélags Akraness hefur ákveðið að senda formlegt erindi til forsvarsmanna Íslenska járnblendifélagsins, þar sem óskað verður eftir að mæliákvarðar í nýtingabónusnum verði endurskoðaðir. 

Það eru þættir í bónusnum sem hafa því miður alls ekki verið að virka sem skildi.  Þó er einn þátturinn af þremur í nýtingabónusnum sem er sýnu verstur og er það í hreinsuðum málmi, sá þáttur í bónusnum hefur ekki skilað þeim ávinningi sem samningsaðilar voru sammála um að hann gæti gert.

Í kaflanum um endurskoðun á bónuskerfinu kemur fram að í febrúar ár hvert er hægt að endurskoða mælikvarða í bónuskerfinu.  Sú endurskoðun getur átt sér stað ef mælikvarðarnir liggja í efrimörkum eða neðrimörkum til langs tíma litið.  Núna hefur d liðurinn í nýtingarbónusnum legið frá byrjun kjarasamningsins í neðrimörkunum og ekkert sem bendir til að þar sé að verða nein breyting á. 

Formaður félagsins telur það afar brýnt að breyta mælikvarðanum í d lið nýtingarbónussins því allt bendir til að hann sé alltof hár.

Þar sem endurskoðun og breyting á mælikvörðum getur einungis átt sér stað í febrúar ár hvert, þótti formanni VLFA nauðsynlegt að senda formlegt erindi um málið. 

Verkalýðsfélag Akraness er aðili að starfsmenntasjóðum Landsmenntar,Ríkismenntar og Sjómenntar.  Á síðasta ári fengu félagsmenn greiddar rúmar tvær milljónir króna úr þessum starfsmenntasjóðum sem félagið er aðili að.  Það voru um 120 félagsmenn sem fengu styrki á síðasta ári, 71 kona og 48 karlar.

Loðna hefur loksins borist til Akraness eftir langa bið.   Víkingur Ak er þessa stundina að landa um 1400 tonnum.  Formaður félagsins fór og hitti starfsmenn síldarbræðslunnar áðan.   Reiknuðu starfsmennirnir með Svanurinn myndi jafnvel landa líka hér á Akranesi í kvöld eða á morgun og væri Svanurinn með um 800 tonn.  Þannig að það ætti að geta orðið bræðsla í verksmiðjunni í nokkra daga sem er gleðiefni fyrir starfsmenn síldarbræðslunnar.  Tekjur starfsmanna bræðslunnar hafa dregist verulega saman í kjölfar þess að nánast engum uppsjávarafla hefur verið landað í verksmiðjunni í heilt ár. 

Síðast var brædd í síldarverksmiðjunni hér á Akranesi 15. mars 2005 og því er mikið fagnaðarefni að loksins hafi verið tekin ákvörðun um að landa uppsjáfarafla hér á Akranesi.  Síldarbræðslan á Akranesi er ein fullkomnasta verksmiðjan á landinu, en það voru gerðar gríðarlegar breytingar á verksmiðjunni fyrir nokkrum árum síðan.

Eins og fram kom hér á heimsíðunni fyrir ca. tveimur vikum þá hafa eigendur HB Granda tekið ákvörðun um leggja aflaskipinu Víkingi Ak 100 eftir núverandi loðuvertíð, og verður skipinu lagt  a.m.k fram í janúar á næsta ári. 

Búið er að landa um 3.500 tonnum til síldarbræðslunnar hér á Akranesi.  Það verður að teljast afar rýrt miðað við að loðnuvertíðinni fer senn að ljúka.  Aðalskýringin á því hversu lítið hefur verið landað á Akranesi er eflaust að leita í því hversu litlum kvóta hefur verið  úthlutað.

Þessa stundina er verið að landa upp úr Sunnubergi NS 70 en Sunnubergið er með um 1.100 tonn af loðnu.  Til stendur að megnið af þeim afla fari í hrognatöku. 

Föstudaginn 17. febrúar var sagt frá því á heimasíðu HB Granda að það virðist vera loðna á stóru svæði meðfram Suðurlandi. 

 Einnig kom fram á heimasíðunni að  miðað við núverandi úthlutun aflaheimilda í loðnu mega skip HB Granda einungis fara tvo fullfermistúra í viðbót.  Hins vegar standa vonir til að rannsóknaskipin Árni Friðriksson og Bjarni Sæmundsson nái nógu góðum mælingum til þess að hægt verði að gefa út viðbótarkvóta. 

Verkalýðsfélag Akraness tekur heilshugar undir vonir forsvarsmanna HB Granda um aukningu á loðnukvótanum.

Þessa stundina er Ingunn Ak 100 að landa um 1400 tonnum hér á Akranesi.  Formaður félagsins fór rétt áðan og tók bræðslukallana tali og reiknuðu þeir með að um 1100 tonn myndu fara í bræðslu af aflanum hjá Ingunni og um 300 tonn myndu fara í hrognatöku.  Í gær landaði  Færeyska skipið Saksaberg til bræðslu um 247 tonnum. 

Þegar löndun úr Ingunni Ak verður lokið þá hafa um 6000 tonn farið í bræðslu hér á Akranesi.  Þau skip sem landað hafa til síldarbræðslunnar á yfirstandandi loðnuvertíð eru eftirfarandi:

Formaður Verkalýðsfélags Akraness var með vinnustaðafund í fyrirtækinu hjá Jóni Þorsteinssyni ehf. en þar starfa um 22 starfsmenn.  Vinnslan hjá fyrirtækinu byggist aðallega upp á lifrarbræðslu. 

Formaðurinn fékk þó nokkrar spurningar frá starfsmönnum um kaup og kjör.  Einnig var töluvert spurt um hvernig fyrirkomulagi skuli háttað þegar vaktir eru settar á í fiskvinnslu og fór formaður ítarlega yfir þann þátt.  

Forsvarsmenn fyrirtækisins hafa ákveðið í samráði við stéttarfélagið og starfsmenn að setja á tvískiptar vaktir í fyrirtækinu yfir hávertíðina.  Við það þarf að fjölga starfsmönnum, hversu mikið liggur ekki alveg fyrir þessa stundina.

Fyrirtækið Jón Þorsteinsson ehf. er eitt af þeim fyrirtækum hér á Akranesi sem hefur vaxið þó nokkuð á síðustu árum og starfsmönnum hefur verið að fjölga í samræmi við aukninguna á starfsemi fyrirtækisins.

Fyrirtækið Jón Þorsteinsson ehf. er annað fyrirtækið sem formaður félagsins heimsækir í þessari viku en starfsmenn síldarbræðslunnar voru heimsóttir á miðvikudaginn var. 

Eins og fram kom hér á heimasíðunni í síðustu viku þá hefur Verkalýðsfélag Akraness óskað eftir formlegum fundi með forsvarsmönnum Íslenska járnblendifélagsins.   Tilefni fundarins er að fara yfir mælikvarðana í hinu nýja bónuskerfi.  Því miður hefur bónuskerfið ekki verið að skila þeim ávinningi sem samningsaðilar vonuðust til þegar gengið var frá nýjum samningi.

það er sérstaklega einn þáttur í bónusnum sem ekki hefur verið að virka sem skildi, en það er hittni í málhreinsun. Sá þáttur í bónusnum á að geta gefið starfsmönnum allt að 1,5% á mánuði.  Þessi þáttur hefur hins vegar ekki skilað starfsmönnum neinum ávinningi til þessa og er það algerlega óviðunandi.  Það er mat félagsins að mælikvarðinn í þessum tiltekna þætti bónussins sé einfaldlega of hár.

Forsvarsmenn Íj hafa orðið við beiðni félagsins um fund og ákveðið hefur verið að fundurinn verði  föstudaginn 3. mars kl 09.00

Verkalýðsfélag Akraness mun bjóða sínum félagsmönnum uppá aðstoð við gerð skattaframtals með sambærilegum hætti og gert hefur verið á síðastliðnum tveimur árum.

VERKALÝÐSFÉLAG AKRANESS

FRAMTALSAÐSTOÐ

Skattframtalsaðstoð fyrir fullgilda félaga í Verkalýðsfélagi Akraness verður veitt á skrifstofu félagsins að Sunnubraut 13, mánudagana 6. og 13. mars, miðvikudagana 8. og 15. mars og föstudaginn 10. mars nk. frá kl. 17-19.  Þeir félagsmenn sem hafa áhuga á að nýta sér þessa þjónustu þurfa að panta sér tíma.

 TÍMAPANTANIR á skrifstofu VLFA, Sunnubraut 13,

 sími 430-9900.