Samningafundur verður haldinn á morgun vegna kjarasamnings við Norðurál, hefst hann kl. 13.00.  Til umræðu á þessum fundi verður aðallega eitt mál, þ.e.a.s breyting á vaktafyrirkomulagi.  Á undan fundinum eða kl. 11.00, munu trúnaðarmenn og formenn félaganna hittast og fara yfir stöðu mála.

Verkalýðfélag Akraness vill koma þeim skilaboðum á framfæri til sinna félagsmanna sem starfa hjá Norðuráli og  lentu í rútuslysinu á dögunum að lögmaður félagsins er tilbúinn að aðstoða okkar félagsmenn, til að gæta að réttindum sínum telji menn sig hafa orðið fyrir skaða.  Verkalýðsfélag Akraness skorar á sína félagsmenn að nýta sér þessa þjónustu sem er þeim félagsmönnum sem lentu í slysinu að kostnaðarlausu.

Aðaltrúnaðarmaður Íj og formaður félagsins funduðu í dag með forsvarsmönnum Íslenska járnblendifélagsins. Til umræðu á fundinum voru bónusmál starfsmanna vegna fyrri ára.  Ákveðið var að halda kynningarfund  með starfsmönnum þar sem bónusmál fyrri ára verða kynnt.  Fyrirkomulag fundanna verður auglýst fljótlega eða í samráði við forsvarsmenn Íj.

Fjórði samningarfundur um nýjan kjarasamning við forsvarsmenn Norðuráls var haldinn í gær.  Einungis var eitt mál á dagskrá en það var um vaktir og vaktafyrirkomulag.  Fyrirhugað er að funda í næstu viku aftur.

Formaður félagsins fór uppí Norðurál og hitti  vaktavinnufólk í gærkveldi og svo aftur í kvöld.  Hefur formaður félagsins því hitt allar vaktirnar A, B, C og D.  Það er afar mikilvægt, reyndar nauðsynlegt, að vera í góðu sambandi við starfsmenn til að vita hvaða hugmyndir þeir hafa til komandi kjarasamningsgerðar.  Við sem erum í forsvari í þessum samningum,  verðum að vita hvað starfsmenn vilja það er númer 1, 2 og 3.   Formaður VLFA hefur ekki látið sitt eftir liggja í þeim efnum.  Formaður félagsins vill þakka starfsmönnum Norðuráls fyrir frábærar móttökur sem hann fékk í þessum heimsóknum frá öllum vöktunum. 

Formaður Verkalýðsfélags Akraness hefur farið á liðnum vikum og hitt starfsmenn Norðuráls alls 4 sinnum til að vera meðvitaður um hver vilji starfsmanna er.  Á næstu dögum mun formaður heyra í dagvinnumönnum, er búinn að heyra einu sinni í þeim.  Hvað varðar Íslenska járnblendifélagið  þá hefur formaður haldið fundi með öllum verkamönnum Íj, hefur hann líka farið á vinnustaðinn margoft og heyrt í starfsmönnum.  Það er og verður stefna okkar sem stjórnum Verkalýðsfélagi Akraness að vera í nánu sambandi við okkar félagsmenn.

Skoðið myndir úr starfsemi félagsins, nú eru um 700 myndir komnar á síðuna.  Nýjustu myndirnar eru frá ársfundum ASÍ og SGS, eins eru myndir frá 80 ára afmæli félagsins, og frá samningafundi vegna sjómannasamningsins.  Smellið á Myndir.

Áform eru um að stækka Járnblendiverksmiðjuna á Grundartanga og bæta jafnvel við tveimur ofnum. Þetta kemur fram í viðtali í norska blaðinu Aftenposten við Johan Svensson, forstjóra verksmiðjunnar en verksmiðjan er í eigu norska fyrirtækisins Elkem.

Svensson segir í viðtalinu að framleiðslukostnaður á Íslandi sé mun lægri en í Noregi. Þá sé hið pólitíska umhverfi stöðugt. Verið sé að íhuga að bæta fjórða og fimmta ofninum við í verksmiðjunni á Grundartanga og helsta ástæðan fyrir þeim stækkunaráformum sé hagstætt raforkuverð á Íslandi. Þá sé einnig stefnt að því að auka framleiðslu á sérhæfðari vöru í verksmiðjunni.

Frétt Aftenposten

Verkalýðsfélag Akraness er afar ánægt með að rekstur fyrirtækisins gangi jafn vel og segir í fréttinni.  Verkalýðsfélag Akraness telur að þessi góða afkoma muni væntanlega liðka vel fyrir komandi samningum við Íslenska járnblendifélagið.  Næsti fundur vegna nýs kjarasamnings er á þriðjudaginn, og verður fundurinn haldinn í húsakynnum Ríkissáttasemjara, hefst fundurinn kl. 13.00.

Fundur var haldinn í gær í samráðsnefnd Sjúkrahúss Akraness.  Er þetta í 4 sinn sem nefndin kemur saman frá því hún var sett á laggirnar.  Hlutverk samráðsnefndarinnar er að leysa úr ágreiningi sem upp kann að koma á milli starfsmanna og stofnunarinnar í hinum ýmsu málum.  Hefur nefndinni gengið mjög vel að leysa úr þeim málum sem hefur verið vísað til hennar.  

Á fundinum í morgun óskaði VLFA eftir því við forsvarsmenn SHA að hugað yrði að því að  halda  námskeið fyrir starfsmenn.  Tóku þeir afar vel í þessa hugmynd formanns félagsins og til stendur að eftir áramót verði námskeiðin haldin.   Námskeiðin geta hugsanlega veitt starfsmönnum launaflokkahækkun. 

Samningafundur vegna kjaradeilu við Íslenska járnblendifélagið verður haldinn í dag og hefst hann kl. 13.00.  Fundurinn er haldinn í húsakynnum ríkissáttsemjara. 

Samningafundur var haldinn í dag hjá ríkissáttasemjara vegna kjaradeilu við Íslenska járnblendifélagið.  Á fundunum lögðu samningsaðilar fram kröfugerðir sínar.  Ofngæslumenn og dagmenn lögðu fram sínar sérkröfur sem verða síðan til umræðu á  næsta samningafundi, sem verður fimmtudaginn 18. nóvember kl. 09.00.    Eins ræddu menn um gildissvið samningsins og eru samningsaðilar að leita leiða til lausar í því máli.