VERKALÝÐSFÉLAG AKRANESS

Fimmtudaginn 29. apríl 2004, kl. 19:00, að Kirkjubraut 40, 3. hæð.

Dagskrá:

1.                 Fundargerð síðasta framhaldsaðalfundar.

2.                 Skýrsla stjórnar fyrir liðið starfsár.

3.                 Ársreikningar félagsins fyrir 2002 og 2003 lagðir fram.

4.                 Breytingar á reglugerðum félagsins:

Tillögur um breytingar á reglugerð Sjúkrasjóðs félagsins.

5.                 Kosningar sem fram þurfa að fara á aðalfundi:

a)                 Kosning stjórnar Sjúkrasjóðs.

b)                Kosning stjórnar Orlofssjóðs.

c)                 Kosning kjörstjórnar.

d)                Kosning skoðunarmanna reikninga.

6.                 Ákörðun félagsgjalda.

7.                 Önnur mál

Ársreikningar félagsins vegna áranna 2002 og 2003 munu liggja frammi á skrifstofu félagsins eftir kl. 13:00 miðvikudaginn 21. apríl 2004.

Aðalfundur Verkalýðsfélags Akraness verður haldinn fimmtudaginn 29. apríl, að Kirkjubraut 40. 3.hæð.  Dagskrá fundarins verður auglýst síðar, og munu reikningar félagsins vegna áranna 2002 og 2003 liggja frammi á skrifstofu félagsins viku fyrir aðalfund.  Félagsmenn eru eindregnir hvattir til að mæta á fundinn.

Varðandi virkjunarsamninginn þá er allri vinnu við textagerðina lokið en eftir er að ná samkomulagi um uppbyggingu kauptaxtana. Lítið hefur verið rætt um kauptaxta iðnaðarmanna en nokkuð um kauptaxta ófaglærðra. Á næsta fundi mun væntanlega reyna á það hvort hugsanlegt sé að ná samkomulagi um þá þætti sem snúa að ófaglærðum. Gengið var frá bónussamingi fyrr í mánuðinum sem tekur til allra starfsmanna Impregilo.
Samningaviðræður standa yfir við launanefnd sveitarfélaga og hafa þær gengið ágætlega og er fyrirhugaður fundur um miðjan apríl þar sem reyna á að ná sátt um innröðun í taxtakerfið.
Á þessari stundu er engin leið að fullyrða að menn munu ná saman, hvorki um almenna samninginn né virkjunarsamninginn og því mikilvægt að félagsmenn undirbúi sig undir það að skapa þrýsting á launagreiðendur.
(af samidn.is)  

Kjarasamningur milli Sjómannasambands Íslands og LÍÚ rann út um síðastliðin áramót.  SSÍ vísaði kjaraviðræðunum til ríkissáttasemjara þann 14. janúar síðastliðinn.  Fundir hafa verið haldnir á 7 - 10 daga fresti, en ekkert hefur þokast í átt til samkomulags.

Fyrirhugað er að funda með trúnaðarmönnum sem vinna eftir ríkissamningum nú í vikunni.  Þar verður farið yfir nýgerðan kjarasamnig sem gerður var við ríkið. Ennfremur verður til umræðu hvaða hugmyndir trúnaðarmenn telja bestar við gerð nýjs  stofnanasamnings við Sjúkrahús Akraness.  Formaður mun funda fljótlega með framkvæmdastjóra Sjúkrahúss Akraness og ræða við hann um komandi stofnanasamnings en Verkalýðsfélag Akraness bindur miklar vonir við að vel takist til við gerð nýjs stofnanasamnings.

Ákveðið hefur verið að gera einn kjarasamning fyrir allar síldarbræðslurnar í landinu, fyrirhugað er að halda fund í húsakynnum ríkissáttasemjara í þarnæstu viku. Formaður VLFA hefur boðað trúnaðarmenn síldarverksmiðjunnar á fund í vikunni, til að fara yfir þau sérmál sem starfsmenn síldarverksmiðjunnar hafa í sínum sérkjarasamningi.

Segja má að sú öfluga samstaða aðildarfélaga SGS í kjaraviðræðunum við ríkið hafi skilað þeim árangri sem raun ber vitni. Áratuga barátta verkalýðshreyfingarinnar fyrir jöfnun  réttinda almenns verkafólks hjá ríkinu við aðra starfsmenn ríkisins eru í meginatriðum í höfn. Þeim mismun sem verið hefur í kjara- og réttindaumhverfi starfsmanna ríkisins er rutt úr vegi. En það var ekki einungis samstaða aðildarfélaganna sem skilali þessum árangri, heldur hin virka samstaða félagsmannanna um land allt meðan á samningaferlinum stóð. Á öllum þeim starfsmannafundum sem haldnir voru á vinnustöðum kom fram skýlaus vilji félagsmanna til að ljúka þessu verkefni um jöfnun réttindanna. Það var það bakland sem gaf samninganefndinni styrk. Því verður með engum rökum haldið fram, að verkalýðshreyfingin séu úr tengslum við grasrótina, það sannar sú samningalota sem nú er lokið.

Kjarasamningurinn verður birtur í heild hér á vefsíðunni eftir páska. 

Nýr heildarkjarasamningur aðildarfélaga Starfsgreinasambands Íslands við ríkið, var undirritaður á miðnætti kvöld 8. apríl 2004. Samningurinn sem gildir til 31. mars 2008, kemur í stað 14 mismunandi samninga einstakra félaga, sem áður giltu.

• Markmið samningsins er að færa kjaraumhverfi félagsmanna aðildarfélaga SGS nær því sem gildir um aðra starfsmenn ríkisins. Meginatriði í kröfugerð aðildarfélaganna gagnvart ríkinu eru í höfn.
• Mótframlag ríkisins í lífeyrissjóð hækkar til jafns við framlag til starfsmanna ríkisins, úr 6% í 11,5% á samningstímanum. Auk framlags starfsmanna verður framlag í lífeyrissjóð því alls 15,5%
• Ný launatafla tekur gildi 1. mars 2004 og stofnanasamningar verða gerðir á hverri stofnun fyrir sig.

Stíf fundarhöld hafa verið alla helginna vegna ríkissamningsins 

það eru nokkur atriði ennþá sem eru ókláruð.  Boðað hefur verið til fundar í dag kl 17:00, og er næsta víst að það verður reynt til þrautar að klára samninginn fyrir páska.

Verkalýðsfélag Akraness skrifaði undir samkomulag við samninganefnd ríkisins, vegna þeirra sérmála sem starfsmenn sem vinna á Sjúkrahúsi Akraness hafa. Eftir mikinn þrýsting frá þeim félögum sem sérákvæði hafa þá tókst að landa þessum sérmálum.

 Það var krafa frá samningarnefnd ríkisins, að félögin skildu afsala sér öllum þeim sérmálum, sem þau höfðu ef þau ætluðu sér að vera með í þessum nýja sameigilega samningi sem gerður verður við öll félögin. Það er því gríðalegur sigur að hafa tekist að halda nánast öllum þeim sérákvæðum sem eru í kjarasamningi starfsmanna sem starfa við Sjúkrahús Akraness.