Kynningarfundur um ríkissamninginn. verður haldinn mánudaginn 25. maí kl 20:00, að kirkjubraut 40, 3. hæð.

Dagskrá 

1.     Snær Karlsson frá SGS kemur og kynnir ríkissamninginn

2.     Kynntur verður stofnanasamningur við starfsmenn SHA.

3.     Kosningar-kosið verður um ríkissamninginn.

4.     Önnur mál.

Þeir félagsmenn sem vinna eftir ríkissamningum eru eindregið hvattir til að mæta.

Ákveðið hefur verið að hittast í dag  verður reynt til þrautar að ganga frá stofnanasamningi fyrir starfsmann SHA.  Flest félög innan SGS eru að klára sína stofnanasamninga eða eru alveg við það.  Þeir stofnanasamningar sem við höfum séð hjá þeim félögum sem eru nú þegar búin að semja við sínar stofnanir, eru því miður töluvert frá þeim væntingum sem starfsmenn SHA hafa. 

Það verður að segjast alveg eins og er, að við teljum að það hafi verið markmiðið hjá SGS  að jafna launamun okkar félagsmanna við starfsmenn sem eru í opinberum félögum.  En miðað við það sem er verið að bjóða í þeim stofnanasamningum sem nú þegar er búið að gera ,teljum við að launamunur sé ennþá töluverður.  Hefði Verkalýðsfélag Akraness viljað sjá þá miklu samstöðu hjá aðildarfélögum SGS sem  skapast við gerð aðalkjasamningsins, því það fé sem ríkið er að láta heilbrigðissofnanirnar hafa til að gera stofnasamninga við félögin , getur á engan hátt jafnað þann launamun sem er á milli okkar félagsmanna og þeirra sem eru í opinberum félögum.

Verkalýðsfélag Akraness hefur gert samkomulag við HB-Granda um að taka upp  vaktafyrirkomulag í frystihúsi fyrirtækisins vegna nýrrar flæðilínu sem tekin verður í notkun á allara næstu dögum. Þetta breytta fyrirkomulag er með þeim hætti að það verður unnið í 12 tíma á tveimur vöktum sú fyrri byrjar kl 07:00 og stendur til 15:00 og sú síðari stendur frá 15:00 til 19:00.  Starfsmenn HB-Granda samþykktu samkomulagið í morgun í kosningu með yfirgnæfandi meirihluta.  Við þessa breytingu munu skapast allt að 40 ný störf í frystihúsi HB-Granda hér á Akranesi.  Er stjórn Verklýðsfélag Akraness afar ánægð með að þetta samkomulag skuli hafa náðst við stjórnendur HB-Granda og síðan en ekki síst við þá starfsmenn sem munu vinna eftir þessu nýja fyrirkomulagi.  Verkalýðsfélag Akraness mun fylgjast vel með að þetta breytta vaktafyrirkomulag virki sem allra best og mun aðstoða starfsmenn ef einhver vandamál kunni að koma upp.

Við minnum á að þeir sem hafa fengið úthlutað orlofshúsi í sumar, greiði greiðsluseðilinn ekki síðar en 21. maí nk, eða að öðrum kosti hafi samband við skrifstofuna og fái greiðslufrest.  Ef ekki er greitt innan tilskilins frests verður viðkomandi orlofshúsi endurúthlutað.

Lausar vikur verða auglýstar mánudaginn 24. maí hér á síðunni og á skrifstofunni.

Atkvæðagreiðsla um kjarasamning Samiðnar og Samtaka atvinnulífsins sem Verkalýðsfélag Akraness er aðili að hefst mánudaginn 17. maí og lýkur kl. 19:00 þriðjudaginn 18. maí 2004. Atkvæðagreiðsla fer fram á Skrifstofu félagsins að Sunnubraut 13. 

Félagsmenn  sem vinna eftir Kjarasamningi Samiðnar og  eru á kjörskrá, eru  hvattir til að taka þátt í atkvæðagreiðslunni. Kjarasamningurinn liggur frammi á skrifstofu félagsins. 

Í morgun slitnaði upp úr viðræðum um stofnanasamning á milli starfsmanna SHA og stjórnenda Sjúkrahúss Akraness.  Óvíst er með framhaldið á viðræðunum.

Útlitið ekki gott um að vel takist til með nýjan stofnanasamning fyrir starfsmenn SHA allavega ekki eins og staðan er í dag.  Forsvarsmenn SHA lögðu fram tilboð fyrir samninganefnd félagsins, og er það því miður langt í frá að vera ásættanlegt.  Kom fram í máli hjá Guðjóni Brjánssyni  framkvæmdastjóra SHA sem leiðir viðræðurnar fyrir Sjúkrahús Akraness að stofnunin hafi því miður ekki fengið meira fjármagn frá fjármálaráðuneytinu, meðan ekki komi meira fjármagn geti þeir því  ekki boðið betur. 

Trúnaðarmenn HB-Granda ásamt formanni félagsins munu funda með forsvarsmönnum HB-Granda á morgun kl 13:00.  Tilefni fundarins er að til stendur að taka í notkun nýja flæðilínu hjá fyrirtækinu og við það verður komið á tvískiptu vaktarkerfi.  Það er mjög jákvætt að við þessa breytingu mun að öllum líkindum skapast nokkur ný störf hjá HB-Granda.

Framkvæmdastjórn Starfsgreinasambands Íslands fundaði á Egilsstöðum um helgina. Um var að ræða svokallaðan vinnufund vegna ársfundar sambandsins í haust. Fundarmenn töldu fulla ástæðu til að álykta um fjölmiðlafrumvarp stjórnvalda. Ályktunin er svohljóðandi:

Um fjölmiðla verður að ríkja þverpólitísk og þjóðfélagsleg samstaða. Framkvæmdastjórnin telur mikilvægt að efnt verði til víðtækrar umræðu um starfsumhverfi fjölmiðla hér á landi, m.a. með þátttöku þeirra sem starfa við fjölmiðla, fulltrúa aðila vinnumarkaðarins og annarra sem láta sig málið varða. Mikilvægt er treysta og efla vandaðan og sjálfstæðan fréttaflutning fjölmiðla til að tryggja tjáningarfrelsi, fjölbreytni og gagnrýna þjóðfélagsumræðu. 

Fyrsta skóflustungan var í dag tekin að væntanlegri stækkun álvers Norðuráls við Grundartanga úr 90 í 180 þúsund tonna framleiðslugetu. Fulltrúar Century Aluminum, nýs eiganda Norðuráls, og yfirmenn Norðuráls tóku skóflustunguna en viðstaddir voru m.a. starfsmenn og fulltrúar sveitarfélaga. Jarðvegsframkvæmdir hefjast þegar eftir helgina á vegum Íslenskra aðalverktaka og á þeim að verða lokið í haust. Sjálf byggingin verður boðin út í júní. 

Stækkuð álverksmiðja á að taka til starfa vorið 2006 og þegar framkvæmdum lýkur munu 320 manns starfa hjá Norðuráli. Er það 130 störfum meira en nú eru í verksmiðjunni. Áætluð fjárfesting í stækkuninni er 23 miljarðar króna og mun verðmæti útflutnings aukast um 12 milljarða króna á ári. Við framkvæmdirnar skapast um þúsund ársverk á verktímanum.