Tveir kynningarfundir voru haldnir í dag um nýgerðan viðauka við kjarasamning Íslenska járnblendifélagsins. Fyrst voru það E vaktarmenn sem hlýddu á formann félagsins fara yfir samninginn og þann viðauka sem við samninginn var gerður, hófst fyrri kynningin  kl 13:00. Seinni kynningin var kl 16:00 og voru það starfsmenn af  D vaktinni sem þá mættu.  Í gærkveldi voru það dagmennirnir sem fengu sína kynningu.   Allar kynningarnar hafa gengið  mjög vel fyrir sig, og er afar ánægjulegt að sjá hversu  góð mæting starfsmanna er á  kynningarnar.  Síðasta vaktin sem fær kynningu á samningum er C vaktin.   Sú kynning fer fram á sunnudaginn nk, og hefst kl. 16:00.   Talning í kosningunni mun fara fram hjá ríkissáttasemjara á miðvikudaginn kemur og hefst talningin kl.10:00. Niðurstöður úr kosningunni verða birtar hér á heimasíðunni um leið og úrslit verða kunn.   

Verkalýðsfélag Akraness bauð félagsmönnum sínum upp á námskeið um fjármál heimilanna.  Leiðbeinandi á námskeiðinu var starfsmaður frá Ráðgjafastofu heimilanna.  Námskeiðið þóttist takast í alla staði mjög vel.

Mikill fjöldi félagsmanna hefur nýtt sér þjónustu félagsins og fengið aðstoð við gera skattaframtöl sín.  Þessi þjónusta sem núverandi stjórn ákvað að ráðast í hefur mælst mjög vel fyrir hjá félagsmönnum í Verkalýðsfélagi Akraness.   Hefur stjórn félagsins ákveðið að bjóða uppá þessa þjónustu fyrir fullgilda félagsmenn ár hvert. 

Kynningarfundir vegna viðauka sem gerður var við kjarasamning Íslenska járnblendifélagsins var haldinn í dag á skrifstofu félagsins.  Það voru A og B vaktirnar sem komu og hlýddu á kynninguna í dag.  Vel var mætt af hálfu starfsmanna og gekk kynningin mjög vel fyrir sig.  Starfsmenn kusu um samning eftir að kynningunni lauk.  Næsta kynning verður með dagmönnum á morgun og hefst hún kl 20:00 annað kvöld.

Samningsaðilar voru sammála um að fresta kjaraviðræðum vegna kjarasamnings Norðuráls  fram yfir páska.  Eru samningsaðilar að fara yfir stöðuna sitt í hvoru lagi, því ljóst er að  alverulega ber á milli samningsaðila.  Væntingar starfsmanna til nýs kjarasamnings eru eðlilega miklar.  Skilaboðin sem samninganefndin hefur fengið á undanförnum dögum og vikum eru alveg hvell skýr það er jöfnun á við sambærilegar verksmiðjur annað kemur ekki til greina segja starfsmenn og undir það tekur Verkalýðsfélag Akraness . 

Kynningarfundir um viðaukan sem gerður var við kjarasamning Íslenska járnblendifélagsins verða haldnir eftirfarna daga á skrifstofu félagsins að Sunnubraut 13 Akranesi.

• Miðvikudag kl. 13:00 A vaktin - kl. 16:00 er B vaktin
• Fimmtudag kl. 20:00 eru dagmennirnir
• Föstudag    kl. 13:00 er E vaktin - kl. 16:00 er D vaktin
• Sunnudag  kl. 16:00 er C vaktin

Kosið verður um samninginn eftir kynninguna

Samningafundur var haldinn  með forsvarsmönnum Norðuráls í dag.  Fundað var í húsakynninum  ríkissáttasemjara.  Ekkert markvisst gerðist á fundinum í dag en aðilar eru að ræða saman og reyna að finna einhverja lausn sem báðir aðilar geta verið ásáttir með.  Ljóst er samt sem áður að töluvert ber á milli aðila.   Á morgun munu nokkrir úr samninganefnd stéttarfélaganna funda með hagfræðingi ASÍ og fulltrúum Norðuráls.    Eftir þennan fund á morgun mun væntanlega verða ákveðið hvernig framhaldinu verður háttað í þessum viðræðum   

Skrifað var undir viðauka við kjarasamning Íslenska járnblendifélagsins seinni partinn í dag hjá ríkissáttasemjara.   Það sem hefur áunnist frá því að kjarasamningurinn var felldur er að það er búið að flýta róteringu starfmanna milli starfsstöðva niður í einn mánuð.  Starfsmenn fóru fram á að kaupaukar á vissum svæðum yrðu áfram til staðar.   Það er skemmst að  frá því að segja að fyrirtækið samþykkti alla þá staði sem starfsmenn óskuðu eftir að yrðu áfram kaupaukaskildir.   Greiðsla fyrir hvern kaupauka verður 41.72 króna.   Varðandi bónusmálin þá samþykkti fyrirtækið að hafa lágmarksbónus næstu þrjá mánuði uppá 4.2% en samningsaðilar höfðu gert ráð fyrir að meðaltalsbónus þessa árs yrði 2.2%.  Vegna skilatímana þá mun fyrirtækið ekki standa fyrir námskeiðum á sumarorlofstímanum og einnig mun fyrirtækið tilkynna starfsmönnum  með tveggja vikna fyrirvara hvenær námskeiðin verða haldinn.

 Það kemur bókun um að taka upp samvinnu og samráð milli starfsmanna og fulltrúa fyrirtækisins, nefndin verður skipuð þremur fulltrúum starfsmanna og þremur fulltrúum frá fyrirtækinu. 

 Eingreiðsla vegna breytinga á bónuskerfinu hækkar úr 15.000 þúsund í 50.000 þúsund.  Orlofs og desemberuppbótin hækkar úr 92.327 í 96.704. 

Þetta voru helstu atriðin sem breyttust. 

Ákveðið hefur verið að kynna samninginn í þessari viku og verður fyrsta kynningin á miðvikudaginn en þá koma A vaktin og síðan B vaktin.  

Á fimmtudeginum verða það dagmenn sem fá sína kynningu. 

Á föstudaginn verða E vaktin og síðan D vaktin og að endingu á sunnudeginum verður það C vaktin sem fær sína kynningu.  Hægt verður að kjósa um samninginn eftir hverja kynningu fyrir sig.

Samningafundur verður haldinn á morgun vegna kjarasamnings Norðuráls.  Ákveðið hefur verið að funda í húsakynnum ríkissáttasemjara þó svo að ekki sé búið að vísa deilunni til sáttasemjara.  Samningsaðilar eru sammála að gott geti verið að funda hjá sáttasemjara þar er nóg pláss ef aðilar þurfa að funda í sitt í hvoru lagi.  Fundurinn hefst kl. 14:30 

Fundað verður hjá ríkissáttasemjara í dag vegna kjaradeilu stéttarfélaganna við Íslenska járnblendifélagið  fundurinn hefst kl 13.  Eins og áður hefur komið fram hér á síðunni þá var gengið frá samkomulagi um róteringu ofngæslumanna á fundi fyrir helgi.  Það eru nokkur atriði sem starfsmenn vilja einnig sjá breytingu á t.d kaupaukana og bónusinn.  Vonandi tekst að klára þessu deilu í dag og Verkalýðsfélag Akraness sæmilega bjartsýnt á að það geti tekist þó vissulega geti brugðið til beggja vona í þeim efnum.