Gissur Pétursson forstjóri vinnumálastofnunar kom í heimsókn á skrifstofu félagsins ásamt Guðmundi Páli Jónssyni  forseta bæjarstjórnar og Guðrúnu Gísladóttur forstöðumanni Svæðisvinnumiðlunar Vesturlands.  Formaður félagsins ræddi við forstjóra vinnumálastofnunar um þá þróun sem átt hefur sér stað á síðustu misserum og snýr að erlendum starfsmönnum sem eru ráðnir í gegnum erlendar starfsmannalegur.  Formaður félagsins gerði forstjóra Vinnumálastofnunar grein fyrir áhyggjum félagsins með þá  þróun sem er að eiga sér stað í kringum erlendar starfsmannaleigur.   Oft á tíðum er verið að greiða þessum erlendu starfsmönnum sem koma í gegnum erlendar starfsmannaleigur langt undir gildandi kjarasamningum. Gissur Pétursson  sagði að Útlendingastofnun og Vinnumálastofnun hafi ákveðið í samráði við ráðuneyti dómsmála og félagsmála að breyta verklagi við afgreiðslu umsókna frá ríkisborgurum hinna átta nýju aðildarríkja EES samningsins.  Í þessu felst að afgreiðsla umsóknanna mun taka mun skemmri tíma en áður. Þannig er  áréttaður forgangur ríkisborgara þessara landa að íslenskum vinnumarkaði umfram ríkisborgara landa utan EES svæðisins.  Með þessari ráðstöfun er einnig á skemmri tíma en áður unnt að koma til móts við  óskir atvinnulífsins um leyfi  til að ráða erlent vinnuafl.  Verkalýðsfélag Akraness fagnar þessu breyta verklagi Vinnumálastofnunar og Útlendingastofnunar við afgreiðslu á umsóknum um atvinnuleyfi.

Lögmaður Verkalýðsfélags Akraness hefur verið að fara yfir svarið sem yfirlögfræðingur Samtaka atvinnulífsins sendi félaginu vegna dönsku smiðina sem starfa hjá Ístak.  Eins og fram hefur komið hér á heimasíðunni þá hafa forsvarsmenn Ístaks neitað að standa skil á stéttarfélagsgjöldum af dönsku smiðunum eins og kjarasamningar kveða á um.  Einnig neituðu þeir að afhenda launaseðla og ráðningasamninga af dönsku smiðunum.  Í kjölfarið vísaði Ístak málinu til SA.    Eins og fram hefur komið þá hefur yfirlögfræðingur SA svarað Verkalýðsfélagi Akraness, í svarinu frá SA er margt mjög forvitnilegt.  SA vísar í lög nr.54/2001 um réttarstöðu starfsmanna sem starfa tímabundið á Íslandi á vegum erlendra atvinnumiðlunar (starfsmannaleiga)  Samtök atvinnulífsins segja að lög nr. 54/2001 gildi um umrædda starfsmenn og einungis þurfi að tryggja lágmarkslaun, yfirvinnugreiðslur, réttindi til orlofs, hámarksvinnutíma og lágmarksvinnutíma.  Einnig segir í svarbréfinu frá SA

Önnur ákvæði þeirra laga gilda því ekki um þá starfsmenn sem hér er um að ræða og koma hingað tímabundið á vegum vinnuveitanda síns. 

Þessi túlkun SA þýðir að allir erlendir starfsmenn sem koma hingað í gegnum erlendar starfsmannaleigur og vinna hér tímabundið hafa til að mynda ekki veikindarétt, slysarétt, uppsagnarfrest, ásamt ótal öðrum kjaraatriðum sem eru í íslenskum kjarasamningum. 

Það er hins vegar mat Verkalýðsfélags Akraness að allir erlendir starfsmenn sem hingað koma  til starfa vinni eftir íslenskum kjarasamningum að öllu leiti, ekki einungis að litlum hluta eins og SA heldur fram. 

Verkalýðsfélag Akraness trúir ekki að það geti verið að lögin nr. 54/2001 séu með þessu hætti eins SA heldur fram.  Ef það er reyndin þá er  íslenskum launþegum illilega ógnað og er þar vægt til orða tekið