• Þjóðbraut 1, 300 Akranes
  • Mán - Fim: 8:00 - 16:00, Föstudaga 08:00 - 15:15
Subscribe to this RSS feed
19
 Aug

Formaður félagsins heimsækir Norðurál

Formaður félagsins ætlar að heimsækja Norðurál í fyrramálið kl 9.30 og kynna sér starf og starfsumhverfi félagsmanna VLFA.  Eins mun formaður félagsins heyra hljóðið í starfsmönnum.     Teknar verða  myndir af starfsmönnum við hin daglegu störf  og munu þær verða birtar hér á heimasíðunni. Öryggisfulltrúi Norðuráls og formaður stóriðjudeildar VLFA munu verða formanni félagsins innan handar í heimsókn þessari.  Það er stefna stjórnar Verkalýðsfélags Akraness að vera í  eins góðu sambandi við félagsmenn okkar og kostur er,  þessi heimsókn er einn liður í því.

17
 Aug

Sérkjarasamningur í fiskimjölsverksmiðjunni samþykktur í dag

Formaður félagsins fór í dag í fiskimjölsverksmiðju HB Granda og kynnti nýgerðan sérkjarasamning milli Verkalýðsfélags Akraness og HB Granda fyrir starfsmönnum síldarbræðslunnar.  Sérkjarasamningurinn gildir fyrir starfsmenn sem starfa í fiskimjölsverksmiðju HB Granda.  Starfsmenn greiddu einnig atkvæði um samninginn á þessum kynningarfundi og var hann samþykktur með öllum greiddum atkvæðum.  Starfsmenn voru almennt ánægðir með nýja samninginn en gildistími samningsins er 2. maí 2004 og gildir hann til 31. desember 2007.

17
 Aug

Þrjú orlofshús laus næstu viku

Vikuna 20. - 27. ágúst, þ.e. næstu viku, eru þrjú orlofshús félagsins laus til útleigu.  Það er íbúðin í Súðavík, bústaðurinn í Ölfusborgum og bústaðurinn í Hlíð, Hvalfjarðarströnd. 

Nú fer hver að verða síðastur að skella sér í bústað í viku, einungis næstu þrjár vikur tilheyra sumarleigutímabilinu. 

Smellið á Orlofshús hér til hliðar til að sjá hvaða hús eru laus það sem eftir er af sumarleigutímabilinu.

Þann 10. september byrjar vetrarleigan og eru þá leigðar út helgar í vetur, eins og undanfarin ár.

Upplýsingar á skrifstofunni, sími 430-9900. 

13
 Aug

Laust í Ölfusborgum 20. ágúst

Bústaðurinn okkar í Ölfusborgum er laus vikuna  20. - 27. ágúst.  Fyrstur kemur fyrstur fær.  Upplýsingar á skrifstofu félagsins og í síma 430-9900 eða 865-1294.

12
 Aug

Skrifað undir nýjan kjarasamning vegna starfsmanna síldarbræðslunnar

Skrifað var undir nýjan kjarasamning við forsvarsmenn HB Granda í morgun vegna starfsmanna síldarbræðslunnar.  Gildistími samningsins er frá 2. maí 2004 til 1. janúar 2006.  Þeir sem gengu frá samningum fyrir hönd félagsins og starfsmanna síldarbræðslunnar voru, Vilhjálmur Birgisson formaður félagsins Eðvarð  Árnason, og Björgólfur Einarsson, sem eru trúnaðarmenn síldarbræðslunnar 

Samningurinn verður kynntur starfsmönnum fljótlega efir helgi og borinn undir atkvæðagreiðslu til samþykktar eða synjunar  Hægt er að sjá myndir frá undirrituninni með því að smella á myndir og fara í HB-Grandi.

11
 Aug

Hvaða rétt eiga félagsmenn Verkalýðsfélags Akraness úr sjúkrasjóði félagsins?

Félagsmaður sem hefur greitt í sjóðinn í fulla sex mánuði á rétt á eftirfarandi greiðslum úr sjúkrasjóði félagsins:

  1. Sjúkradagpeningum (þegar veikindarétti er lokið hjá vinnuveitenda.)
  2. Fæðingarstyrk.
  3. Endurgreiðslu vegna krabbameinsskoðunar. (1.500 krónur)
  4. 50% endurgreiðslu vegna sjúkranudds (18 þúsund hámark)
  5. Dánarbótum.
  6. Sjúkradagpeningum vegna áfengismeðferðar/fíkniefnameðferðar.

Nánari upplýsingar veita starfsmenn Verkalýðsfélags Akraness.  Sími 430-9900.

Stéttarfélag á hraðri uppleið.

Page 473 of 490

Fréttir

Nýjar fréttir

Verkalýðsfélag Akraness

Verkalýðsfélag Akraness
Kt. 680269-6889

Til skrifstofunnar geta félagsmenn leitað eftir
upplýsingum og annarri aðstoð.

  • Þjóðbraut 1,

    300 Akranes

  • Sími:

    4309900

  • Netfang:

    skrifstofa@vlfa.is

Afgreiðslutími

Mánudag-fimmtudag kl. 08:00-16:00 og föstudaga kl. 8:00-15:15. Utan afgreiðslutíma félagsins er hægt að ná í formann félagsins, Vilhjálm Birgisson, í síma 865-1294.

Nýjar fréttir

Style Switcher
Layout Style
Predefined Colors
Background Image