Fundað var um nýtt bónuskerfi fyrir starfsmenn Íslenska járnblendifélagsins í dag. Forsvarsmenn Íj kynntu fyrir formönnum félaganna og trúnaðarmönnum Íj hugmyndir sínar að nýju bónuskerfi. Eru hugmyndir forsvarsmanna Íj að nýju bónuskerfi nú til skoðunar hjá samninganefnd Íj. Hvað varðar önnur kjaraatriði, þá er það orðið nokkuð ljóst að mikið ber á milli deiluaðila í þeim efnum.
Fundur var haldinn í kvöld með starfsmönnum sem starfa í ræstingu og býtibúri á Sjúkrahúsi Akraness. Til umræðu á fundinum var sú ákvörðun stjórnenda SHA að segja upp núverandi vinnufyrirkomulagi sem starfsmenn telja að leiði af sér aukið vinnuálag sem og skerðingu á launakjörum einstakra starfsmanna. Afar þungt hljóð var í starfsmönnum vegna þessara ákvörðunar forsvarsmanna SHA.
Formaður félagsins ásamt trúnaðarmönnum SHA munu funda með starfsmönnum sem starfa í ræstingu og býtibúri, vegna ákvörðunar stjórnenda SHA að segja núverandi vinnufyrirkomulagi upp en mikil óánægja ríkir meðal starfsmanna með þá ákvörðun. Það liggur orðið nokkuð ljóst fyrir að laun einhverra munu skerðast þegar farið verður að vinna eftir nýja fyrirkomulaginu. Breytingin tekur gildi 1. janúar 2005.
Verkalýðsfélag Akraness skilur gremju starfsmanna mjög vel. Það er óþolandi með öllu að þegar nýbúið er að undirrita nýjan kjarasamning við starfsmenn þá er farið í breytingar á vinnufyrirkomulagi sem hefur í för með sér töluverða skerðingu á launum starfsmanna. Eins er það orðið óþolandi að þegar kemur að hagræðingu hjá fyrirtækjum þá er ræsting eða starfsmenn í mötuneytum það fyrsta sem menn virðast sjá möguleika í að hagræða í. Þessa hluti verður verkalýðshreyfingin í heild sinni að taka föstum tökum.
Samningafundur verður haldinn mánudaginn 6. desember kl. 14:00. Til umræðu verður aðeins eitt mál þ.e bónusmál starfsmanna. Samningsaðilar eru að verða búnir að komast að samkomulagi hvaða atriði skulu notuð til viðmiðunar á nýjum bónus.
Fundað var um nýjan kjarasamning við Norðurál í morgun. Ákveðið var að samningsaðilar myndu fara í þá vinnu að klára þau kröfuatriði sem ekki hafa neinn kostnaðarauka í för með sér fyrir fyrirtækið. Ætla samningsaðilar að ljúka þeirri vinnu í desember. Í janúar ætla samningsaðilar að fara í launaliðina og önnur kjaraatriði. Verkalýðsfélagi Akraness og allri samningsnefndinni hefur borist áskorun frá vaktavinnumönnum, þar sem skorað er á samninganefndina að tryggja að fimmti vakthópurinn komi inn og að laun og önnur kjaraatriði verði jöfnuð við ÍSAL.
Eins var ákveðið á fundinum að formaður VLFA og formaður FIT myndu fara í þá vinnu ásamt lögmönnum félaganna og fyrirtækisins að finna lausn á gildissviði samningsins.
Fundað verður á morgun um nýjan kjarasamning við Norðurál hefst fundurinn kl. 11:00. Formenn félaganna og trúnaðarmenn ætla hinsvegar að hittast kl. 8.30 og fara yfir drög að nýjum samningi sem forsvarsmenn Norðuráls lögðu fram á síðasta fundi. Það er alveg á ljóst að það er himinn og haf á milli samningsaðila, sé miðað við það tilboð sem stjórnendur Norðuráls hafa lagt fram.
Fundað var um nýjan kjarasamning við Íslenska járnblendifélagið í dag. Fundurinn var haldinn í húsakynnum ríkissáttasemjara. Var sáttasemjara gerð grein fyrir þeirri vinnu sem samningsaðilar hafa verið að vinna að, milli þeirra funda sem eru haldnir hjá sáttasemjara. Samningsaðilar hafa rætt lítillega um stóriðjuskólann, bónusmálin, sérmál ofngæslumanna og dagmanna. Ljóst er að nokkuð ber á milli deiluaðila.
Ákveðið var að stefna að því að ljúka við gerð nýs kjarasamnings fyrir áramót. Verður farið á fulla ferð í þessari og næstu viku að ræða saman. Til stendur að næsti fundur verði á föstudaginn og verði haldið áfram þar sem frá var horfið í bónusmálum. Það liggur orðið fyrir hvernig menn vilja sjá fyrir sér hvaða atriði verði notuð til vigtunar í bónusnum.
Starfsmat vegna starfsmanna sem vinna hjá sveitarfélögunum, er lokið og verður að segjast alveg eins og er að félagsmenn Verkalýðsfélags Akraness komu frábærlega út í starfsmatinu. Til að nefna nokkur dæmi þá eru verkamenn í sorphirðu að hækka sem nemur 6 launaflokkum eða um 7%.
Starfsmenn í heimilisþjónustu eru að hækka um 8 launaflokka eða um 7%. Eins komu matráðar mjög vel útúr starfsmatinu. Vill Verkalýðsfélag Akraness benda sínum félagsmönnum á að eftir nýja launakerfinu verður greitt nú um mánaðarmótin. Síðan eiga starfsmenn að fá leiðréttinu greidda aftur í tímann eða frá 2002, þannig að félagsmenn VLFA munu einhverjir fá ágætan jólaglaðning, því samkvæmt upplýsingum frá bæjarskrifstofunni þá á að greiða leiðréttinguna út fyrir jól.
Kynningarfundur um stóriðjuskóla Ísals var haldinn í kvöld. Til að kynna hvernig skólinn virkar hjá Ísal, voru fengnir Kolbeinn Gunnarsson formaður Vlf. Hlífar í Hafnarfirði og Gylfi Ingvarsson aðaltrúnaðarmaður Ísals. Fóru þeir félagar yfir hvernig skólinn varð til og eins hvað hann er að gefa starfsmönnum í launahækkun að loknu námi. Þegar starfsmaður hefur lokið námi fær hann 10.5% launahækkun. Ennfremur upplýstu þeir félagar að stjórnendur Ísals hefðu ákveðið að bjóða uppá framhaldsnám í stóriðjuskólanum sem mun gefa þeim sem ljúka framhaldsnáminu 4% launahækkun.
Samningafundur var í dag um nýjan kjarasamning Íslenska járnblendifélagsins. Til umræðu voru sérmál ofngæslumanna og dagmanna. Krafa stéttarfélaganna og trúnaðarmanna er að það aukna álag sem stafar útaf fækkun starfsmanna á liðnum árum verði bætt starfsmönnum upp, með einum eða öðrum hætti. Sérkröfur eru samtals í 8 liðum hjá ofngæslumönnum en 4 hjá dagmönnum. Eru þær nú til skoðunar hjá forsvarsmönnum ÍJ. Næsti fundur er á morgun kl. 09.00 og er fundurinn haldinn hjá ríkissáttasemjara.
Desemberuppbót - færð þú það sem þér ber? Verkalýðsfélag Akraness hvetur sína félagsmenn til að fylgjast vel með hvort desemberuppbót sé rétt greidd. Endilega að hafa samband við skrifstofu félagsins og fáið upplýsingar séu þið ekki viss hver réttur ykkar er. Hægt að skoða nánar með því að smella á meira.
|
Desemberuppbót - færð þú það sem þér ber? Félagsmenn eru minntir á rétt til þess að fá greidda desemberuppbót samkvæmt kjarasamningum. Mismunandi er eftir samningum hver upphæð desemberuppbótar er og við hvaða tímabil er miðað til skilgreiningar á fullu starfi. Uppbótina skal greiða í einu lagi en ekki reiknast ofan á hana orlof. Það eru komnar inn á heimasíðuna nýjar töflur um rétt manna á desemberuppbót, en þær eru hér neðar á síðunni. Starfsmenn hjá ríkinu eiga að fá desemberuppbót greidda 1. desember, starfsmenn á almennum vinnumarkaði eigi síðar en 15. desember og starfsmenn sveitarfélaga eiga að fá sína desemberuppbót greidda í desember, samanber viðkomandi kjarasamninga.
Samningur við launanefnd sveitarfélaga Upphæð desemberuppbótar samkvæmt kjarasamningi við launanefnd sveitarfélaga er 54.671 krónur miðað við desember 2004. Starfsmaður í fullu starfi skal fá uppbótina greidda en með fullu starfi er átt við 100% starf á tímabilinu frá 1. janúar til og með 30. nóvember. Hafi launþegi gegnt hlutastarfi eða starfað hluta úr ári skal hann fá greitt miðað við starfshlutfall og/eða starfstíma, þó þannig að hann hafi starfað samfellt að minnsta kosti frá 1. september. Starfsmaður sem lætur af starfi á árinu en hafði þá starfað samfellt að minnsta kosti í sex mánuði skal einnig fá greidda uppbót miðað við starfstíma og starfshlutfall á árinu. Hlutfall uppbótar er reiknað sem hlutfall af fullri vinnu í 12 mánuði á almanaksárinu.
Samningar við ríkisvaldið Desemberuppbót samkvæmt samningum Vekalýðsfélags Akraness við ríkið miðast við að starfsmaður í fullu starfi sem var við störf í fyrstu viku nóvembermánaðar skuli fá greidda fulla desemberuppbót að upphæð 38.500 krónur. Með fullu starfi er miðað við tímabilið 1. janúar til 31. október. Hafi starfsmaður gegnt hlutastarfi eða unnið hluta úr ári skal hann fá greitt miðað við starfshlutfall á tilgreindu tímabili. Fyrir hvern mánuð í fullu starfi greiðist 1/10 hluti af fullri uppbót. Starfsmaður sem látið hefur af starfi en starfað hefur samfellt í að minnsta kosti þrjá mánuði eða þrettán vikur á árinu skal fá greidda desemberuppbót miðað við starfstíma og starfshlutfall.
Starfsfólk á almennum vinnumarkaði Samkvæmt kjarasamningum á almennum vinnumarkaði skal starfsmaður, sem verið hefur í fullu starfi allt árið í sama fyrirtæki og er við störf í fyrirtækinu í síðustu viku nóvember eða fyrstu viku desember, fá greidda desemberuppbót að upphæð 38.500 krónur eigi síðar en 15. desember. Starfsmaður í hlutastarfi, sem uppfyllir sömu skilyrði, skal fá greitt hlutfallslega og er miðað við almanaksárið sem uppgjörstímabil. Fullt starf í þessu sambandi telst vera 45 unnar vikur eða meira fyrir utan orlof. Starfsfólk með skemmri starfstíma skal fá greitt hlutfallslega miðað við starfstíma sinn. Þá á starfsmaður sem lætur af starfi á árinu vegna aldurs eða eftir 12 vikna samfellt starf hjá sama vinnuveitanda á árinu rétt á að fá, við starfslok, greidda desemberuppbót miðað við starfstíma og starfshlutfall á árinu.
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Formaður félagsins og trúnaðarmaður funduðu með forsvarsmönnum Sjúkrahúss Akraness í dag. Var fundur haldinn að ósk formanns VLFA vegna þeirrar miklu óánægju starfsmanna með fyrirætlanir forsvarsmanna SHA að breyta vinnufyrirkomulagi starfsmanna. Það liggur orðið nokkuð ljóst fyrir að starfsmenn munu skerðast í launum, að einhverju leiti. Ósk formanns félagsins og trúnaðarmanns starfsmanna var að stjórnendur SHA myndu skoða með opnum hug hvort hægt væri að mæta þessari skerðingu á launum með einhverjum hætti. Það verður starfsmanna vegna að finnast viðunandi lausn á þessu máli sem allra fyrst.
Framkvæmdastjóri SHA lofaði að skoða málið og ætlaði að svara stéttarfélaginu fljótlega eftir helgi. Er það einlæg von Verkalýðsfélags Akraness að forsvarsmenn SHA geri allt sem í þeirra valdi stendur, til að draga úr þeirri gríðarlegu óánægju starfsmanna, sem skapast hefur útaf þessum hugmyndum að breyttu vinnufyrirkomulagi starfsmanna.
Samningafundur var haldinn í dag. Aðeins eitt mál var til umræðu það var um nýtt bónuskerfi starfsmanna Íslenska járnblendifélagsins. Voru menn að velta fyrir sér hugmyndum hvaða þætti eigi að nota í vigtun á nýju bónuskerfi. Komu fram ýmsar hugmyndir fram sem menn eru með til skoðunar. Næsti fundur er á mánudaginn og verða sérmál ofn og dagmanna til umræðu þá.
Formaður félagsins hefur óskað eftir fundi með forsvarsmönnum Sjúkrahúss Akraness og verður hann haldinn á morgun kl. 13:00. Er óskin um fund tilkomin vegna gríðarlegar gremju starfsmanna með breytingu á vinnufyrirkomulagi starfsmanna. Skilur Verkalýðsfélag Akraness reiði starfsmanna mætavel. Þegar nýbúið er að gera kjarasamning, þá eiga starfsmenn öllu jöfnu ekki von á að laun þeirra muni skerðast eins og allt bendir til að hér sé að gerast.
Vissulega er stofnunin að reyna að hagræða og er það vel. En oft vill hagræðingin og niðurskurðarhnífurinn bitna fyrst á þeim tekjulægstu. Hafa ófaglærðir starfsmenn á heilbrigðisofnunum setið illilega eftir í launum á undanförnum árum og var því talsverð von sem starfsmenn SHA höfðu um nýjan kjarasamning.
Verkalýðsfélag Akraness
Kt. 680269-6889
Til skrifstofunnar geta félagsmenn leitað eftir
upplýsingum og annarri aðstoð.
300 Akranes
4309900
skrifstofa@vlfa.is
Mánudag-fimmtudag kl. 08:00-16:00 og föstudaga kl. 8:00-15:15. Utan afgreiðslutíma félagsins er hægt að ná í formann félagsins, Vilhjálm Birgisson, í síma 865-1294.
