Samningur við íslenska járnblendifélagið var felldur með miklum mun. 

Það voru 97 á kjörskrá 82 kusu eða 84.6% 

Já sögðu 18 eða 22%

Nei sögðu 63 eða 76.8% 

1 var auður eða 1.2%

Nú þegar þessi niðurstaða liggur fyrir.  Mun formaður félagsins  setja sig í samband við trúnaðartengiliðina og boða til fundar með þeim eins fljót og verða má.  það þarf að fá á hreint hvaða atriði starfsmenn vilja laga og leggja mestu áherslu á þegar hafnar verða viðræður við forsvarsmenn Íj aftur.   Nú er mjög mikilvægt að samstaða starfsmanna verði góð, reyndar nauðsynlegt. 

Starfsmenn Klafa hafa óskað eftir að funda með formanni Verklýðsfélags Akraness í dag.  Formaður félagsins mun gera starfsmönnum grein fyrir innihaldi á  nýgerðum kjarasamningi við Íslenska járnblendifélagið.  Það liggur alveg ljóst fyrir að nýgerður kjarasamningur Íslenska járnblendifélagsins mun gilda í flestum atriðum  fyrir starfsmenn Klafa, eins og verið hefur.  Samningaviðræður við forsvarsmenn Klafa munu væntanlega hefjast fljótlega.  Fer reyndar dálítið eftir því hvernig atkvæðagreiðslan um kjarasamning Íslenska járnblendifélagsins fer.   Niðurstaða varðandi samninginn við Íj mun skýrast  kl. 13:00 í dag.  Töluverðar líkur eru reyndar á að samningurinn verði felldur, allavega er það mat félagsins eftir þá kynningafundi sem haldnir hafa verið með starfsmönnum.     

Kosningu um nýgerðan kjarasamning við Íslenska járnblendifélagið lýkur í kvöld.  Talning mun fara fram í húskynnum ríkissáttasemjara  á morgun og hefst talning kl. 13:00.  Niðurstöður kosninganna  verða birtar á heimasíðunni annað kvöld. 

Það er ný lokið kynningarfundi með starfsmönnum Norðuráls um breytingu á vaktafyrirkomulagi starfsmanna. Um 40 starfsmenn mættu á fundinn sem er mjög góð mæting og sýnir hversu mikill áhugi starfsmanna er á þessum kjaraviðræðum.   það kom skýrt fram hjá fundarmönnum að starfsmenn vilja fimmta vakthópinn inn, og ekkert annað er til umræðu.  Það er gott að fá skýr fyrirmæli frá starfsmönnum um þessa hluti.  Einnig var ákveðið á fundinum að láta starfsmenn kjósa hvort starfsmenn vilji frekar 12 tíma vaktakerfi eða 8 tíma. Til stendur að senda atkvæðisseðla út strax á morgun til starfsmanna.  Gríðarlega góð samstaða var á meðal starfsmanna og samninganefndin fékk skýr skilaboð frá fundinum, það er sambærileg laun og hinar verksmiðjunnar eru að greiða, annað er ekkert sanngirni.  Verkalýðsfélag Akraness er afar ánægt með að samstaða starfsmanna skuli hafi verið eins og raun bar vitni.  Væntingar starfsmanna eru miklar, því launamunurinn á milli verksmiðjanna er alltof mikil og þennan launamun  þarf að laga.  Því skiptir samstaða starfsmanna mjög miklu máli fyrir samninganefnd félaganna.  Hægt er að skoða myndir frá fundinum með því að smella á myndir og smella síðan á Norðurál.