Rétt í þessu var að ljúka samningafundi hjá ríkissáttasemjara vegna kjarasamnings Norðuráls. Á fundinum lögðu forsvarsmenn Norðuráls fram heildstætt tilboð sem nú er til skoðunar hjá samninganefnd stéttarfélaganna og óskaði ríkissáttasemjari eftir því að ekki yrði fjallað um innihald tilboðsins að svo stöddu opinberlega.

Rétt er að nefna að nokkur ágreiningsatriði sem hafa verið til umræðu að undanförnu hefur nú tekist að leysa en megnið af þessum atriðum lúta ekki að stóra atriðinu sem er að sjálfsögðu sjálfur launaliðurinn.

En það er mat formanns Verkalýðsfélags Akraness að enn sé himinn og haf á milli deiluaðila en ríkissáttasemjari hefur boðað til næsta fundar á þriðjudaginn kemur.