Nú liggur fyrir að fjölmörg fyrirtæki, sérstaklega í ferðaþjónustunni og veitingageiranum munu nýta sér breytingar á lögum nr.54/2006 um atvinnuleysistryggingar eða svokallaðar Hlutabætur.
En þessi lög eiga að hjálpa fyrirtækjum að halda ráðningarsamningi við sitt starfsfólk við þessar fordæmalausu aðstæður sem upp hafa komið vegna COVID 19.
Verkalýðsfélag Akraness vill hvetja félagsmenn sína til þess að kynna sér réttarstöðu sína vel og vandlega en fjölmargar upplýsingar er hægt að finna inná vef ASÍ. Sjá hér.
Reiknivélin virkar þannig að fólk slær inn núverandi starfshlutfall og síðan inn skert starfshlutfall og mánaðarlaun, þá á fólk að geta séð hvernig laun frá atvinnurekenda og frá atvinnuleysistryggingarsjóði koma út í heildina. Rétt er að ítreka það að laun frá 400.000 kr. og niður munu ekki skerðast.
Rafræn atkvæðagreiðsla um nýjan kjarasamning 18 aðildarfélaga Starfsgreinasambands Íslands og fjármálaráðherra f.h. ríkissjóð hófst í dag kl. 12:00 og stendur til kl. 16:00 fimmtudaginn 26. mars. Þeir sem heyra undir kjarasamninginn geta kosið með því að smella hér.
Kæru félagsmenn,
Vegna Covid19 faraldursins mun Verkalýðsfélag Akraness takmarka aðgengi félagsmanna að skrifstofunni og á þeirri forsendu verður skrifstofan lokuð um óákveðin tíma.
Félagið mun hins vegar halda úti fullri þjónustu, en sú þjónusta mun fara fram í gegnum síma og í rafrænu formi.
Ef þið þurfið að skila inn umsóknum vegna greiðslan úr sjúkrasjóði, fá ráðgjöf eða aðrar upplýsingar má senda okkur tölvupóst This email address is being protected from spambots. You need JavaScript enabled to view it.
Einnig er hægt að ná í alla starfsmenn í síma, en símanúmerið er 430-9900 kr.
This email address is being protected from spambots. You need JavaScript enabled to view it. Formaður VLFA s: 430-9902
This email address is being protected from spambots. You need JavaScript enabled to view it. Ráðgjafi Virk s: 430-9904
This email address is being protected from spambots. You need JavaScript enabled to view it. Ráðgjafi Virk s: 430-9907
This email address is being protected from spambots. You need JavaScript enabled to view it. Skrifstofufulltrúi s: 430-9906
This email address is being protected from spambots. You need JavaScript enabled to view it. Skrifstofufulltrúi s: 430-9905
This email address is being protected from spambots. You need JavaScript enabled to view it. Skrifstofufulltrúi s: 430-9900
This email address is being protected from spambots. You need JavaScript enabled to view it. Skrifstofufulltrúi s: 430-9903
Við munum einnig reyna að setja inn fréttir og upplýsingar inn á heimasíðuna okkar www.vlfa.is sem og á facebooksíðu félagsins.
Verkalýðsfélag Akraness hefur skrifað undir nýtt samkomulag við Snók verktaka sem þjónustar m.a. stóriðjufyrirtæki, en þetta samkomulag byggist á því að starfsmenn njóta sambærilegra kjara og starfsmenn stóriðjufyrirtækisins Elkem Ísland á Grundartanga.
Grunnlaun starfsmanna hækka um 4,25% en auk þess eru vaktaálög hækkuð um 3% en það er gert vegna þess að vetrarfrí starfsmanna á vöktum falla inn í vaktaálagið.
Grunnlaun starfsmanna verða frá 332.102 kr. á mánuði uppí 391.880 kr. fyrir starfsmann með 10 ára starfsaldur, en auk þess fá allir starfsmenn 0,90% af grunnlaunum í ferðapening.
Orlofs-og desemberuppbætur verða 234.786 þúsund krónur.
Það er óhætt að segja að COVID 19 hafi áhrif, því ekki verður hægt að kynna og afgreiða samkomulagið eins gert er ráð fyrir en félagið hefur ákveðið að láta samninginn taka gildi strax og verður svo kynntur og afgreiddur þegar færi gefst til.
Rétt er að geta þess að uppundir 100 manns vinna hjá Snók.
Í gær skrifaði formaður Verkalýðsfélags Akraness undir nýjan kjarasamning fyrir gæslumennina sem starfa hjá Faxaflóahöfnum. Kjarasamningurinn byggist á stórum hluta á Lífskjarasamningum á hinum almenna vinnumarkaði en auk þess þá lögðu starfsmenn mikla áherslu á að skipt yrði úr 12 tíma vaktakerfi yfir í 8 tíma vaktakerfi eins og Elkem Ísland er með.
En með því er vinnuskylda færð úr 182 vinnustundum á mánuði niður í 145,6 vinnustundir eða með öðrum orðum starfsmenn taka 6 vaktir á 5 dögum og eiga svo 5 daga í frí.
Það er skemmst frá því að segja að forsvarsmenn Faxaflóahafna hafi tekið afar vel í þessa hugmynd enda er það mat samningsaðila að það sé lýðheilsumál að draga úr vinnuskyldu vaktamanna og ekki sé hollt að vinna á 12 tíma vöktum.
Samið var um að skipa starfshóp þar sem viðræður verða teknar upp við að koma þessu nýja vaktakerfi á og stefnt er að því að nýtt kerfi taki gildi eigi síðar en 1. september 2020.
Samningurinn gildir afturvirkt frá 1. apríl 2019 en samningstíminn er til 30. september 2023. Laun hækka um 17.000 kr. frá 1.apíl 2019, næst kemur 24.000 kr hækkun þann 1. apríl 2020, sem þýðir að þann 1. Apríl 2020 verður lægsti grunntaxti starfsmanna komin í 387.473 krónur og eftir 12 ára starfsreynslu í 423.680 krónur.
Hér má sjá nýjar launatöflur og kjarasamningurinn er hér
Þrettándi kjarasamningsfundurinn var haldinn með forsvarsmönnum Norðuráls í gær en núna má segja að aðeins örfá mál standi útaf svo hægt sé að ganga frá nýjum kjarasamningi.
Í gær voru kláruð þau atriði sem laut að styttingu á vinnutíma dagvinnumanna. Stytting vinnutíma dagvinnumanna er þá til viðbótar atriðinu sem búið var að klára er laut að því að skipt verði úr 12 tíma vaktakerfi yfir í 8 tíma vaktakerfi eins og allar aðrar verksmiðjur í sambærilegum iðnaði eru með.
Eins og áður sagði eru einungis þrjú atriði eftir að mati formanns VLFA en allt eru það mjög veigamikil atriði þar sem brugðið getur til beggja vona. En þau atriði sem standa útaf eru:
-Að launavísitalan verði áfram grunnur að launabreytingum starfsmanna eins og var í síðasta kjarasamningi.
-Ósamið er um hve margar ferðir verður greitt fyrir í 8 tíma vaktakerfinu.
-Hækkun vaktarálags á tímabilinu 17:00 til 24:00 á virkum dögum úr 30% í 33%.
En nú er ekkert annað en að vona að það takist að klára þessi atriði á næsta fundi, en eins og áður sagði þá getur brugðið til beggja vona í þeim efnum.
En það er óhætt að segja að COVID 19 sé að setja mark sitt á þessar viðræður því allir fundir sem eftir eru verða í gegnum fjarfundarbúnað en næsti fundur er áætlaður á næsta þriðjudag.
Verkalýðsfélag Akraness
Kt. 680269-6889
Til skrifstofunnar geta félagsmenn leitað eftir
upplýsingum og annarri aðstoð.
300 Akranes
4309900
skrifstofa@vlfa.is
Mánudag-fimmtudag kl. 08:00-16:00 og föstudaga kl. 8:00-15:15. Utan afgreiðslutíma félagsins er hægt að ná í formann félagsins, Vilhjálm Birgisson, í síma 865-1294.
