• Þjóðbraut 1, 300 Akranes
  • Mán - Fim: 8:00 - 16:00, Föstudaga 08:00 - 15:15
Subscribe to this RSS feed
1. maí 2023
27
 Apr

1. maí 2023

Stéttarfélögin VLFA, FIT, Sameyki, VR, Kennarasamband íslands og Sjúkraliðafélag Íslands  standa saman að hátíðardagskrá :

Þann 1. maí kl. 14:00 verður safnast saman við skrifstofu VLFA að Þjóðbraut 1, þar sem hin frábæra trommusveit TOSKA undir stjórn Heiðrúnar Hámundsdóttur mun leiða kröfugöngu .

Gengið verður hringur sem endar við Bæjarskrifstofur Akraness, þar munum við fagna saman í sal eldri borgara á Akranesi.

Boðið verður upp á veitingar ásamt söngatriðum og ræðuhöldum.

Félögin bjóða upp á tvær sýningar á myndinni Super Mario Bros, fyrri kl 13:00 og seinni kl. 16:00

mariobros

 

Hér er hægt að nálgast frímiðana :)  

Aðalúthlutun orlofshúsa er lokið
25
 Apr

Aðalúthlutun orlofshúsa er lokið

Í gær þann 24. apríl fór fram fyrri úthlutun orlofshúsa sumarsins.

Félagsmenn ættu að kíkja í tölvupóstinn sinn  ef þeir sóttu um hjá okkur, en búið er að senda bæði staðfestingabréf sem og höfnunarbréf í tölvupósti til allra umsækjenda.

Ef ekkert hefur komið en sótt var um má endilega hafa samband við okkur á skrifstofunni til að kanna hvort að heppnin hafi verið með ykkur.

Eindagi fyrri úthlutunar er 2. maí, en endurúthlutun fer fram þann 3. maí.  

Endurúthlutun fer þannig fram að allar þær vikur sem eru ógreiddar eftir 2. maí eru settar aftur í úthlutun og kerfið okkar sér um að allar þær umsóknir sem ekki fengu í fyrri úthlutun raðast niður á ógreiddar viikur.

Við munum senda staðfestingarbréf í tölvupósti á þá sem fá í endurúthlutun.

Ef eitthvað er óljóst hvetjum við ykkur að hafa samband við okkur.

Orlofshús sumar 2023
21
 Apr

Orlofshús sumar 2023

Nú fer hver að verða síðastur að sækja um orlofshús fyrir sumarið.

Úthlutun fer fram mánudaginn 24. apríl.

Hægt er að sækja um á félagavefnum

picture1

Aðalfundur VLFA haldinn í gær
19
 Apr

Aðalfundur VLFA haldinn í gær

Aðalfundur Verkalýðsfélags Akraness var haldinn í gær, miðvikudaginn 18. apríl á Gamla kaupfélaginu. Í skýrslu stjórnar fór formaður yfir helstu atriði í starfsemi félagsins á liðnu ári og kom fram í máli hans að félagið stendur gríðarlega vel jafnt félagslega sem fjárhagslega. 

Rekstrarafgangur samstæðunnar var 232 milljónir og nemur eigið fé félagsins rétt rúmum 2 milljörðum. Formaður fór yfir kjarasamninga liðins árs og jafnframt yfir þau verkefni sem framundan eru.  

Félagsmenn hafa verið afar duglegir að nýta sér þá þjónustu sem félagið býður þeim upp á og sýnir öll tölfræði það. Sem dæmi má nefna að 1378 félagsmenn fengu greiðslu úr sjúkrasjóði, 381 keyptu afsláttarkort og 305 fengu greidda menntastyrki. Samtals eru þetta um 70% félagsmanna og er það fyrir utan alla aðra þjónustu sem félagið veitir dag hvern. Það er einnig afar ánægjulegt að heyra að félagsmenn séu ánægðir og stoltir af félaginu sínu.  

Eins og alltaf þá er það regla stjórnar að láta félagsmenn njóta góðs af góðri afkomu félagsins og í ár var svo sannarlega engin undantekning þar á. En vegna góðrar afkomu var heilsueflingarstyrkurinn hækkaður úr 45.000 kr. í 50.000 kr. og heilsufarskoðunarstyrkurinn hækkaður úr 35.000 kr. í 50.000 kr. Einnig var gleraugnastyrkur hækkaður úr 50.000 kr. í 70.000 kr. Heyrnatækjastyrkur hækkar úr 40.000 kr. í 100.000 kr. og fæðingarstyrkur fer úr 150.000 kr. í 155.000 kr.  Þessar hækkanir taka gildi frá og með 1. maí 2023.

Formaður fór einnig yfir að í mars 2023 var tekin upp sú nýjung að bjóða félagsfólki upp á afslætti í gegnum gjafabréf hjá bæði Icelandair og Play en félagsfólk getur sparað sér allt að 30.000 kr. í gegnum þessa nýjung sem félagið bíður upp á. Viðtökurnar hafa verið gríðarlega góðar á þeim stutta tíma sem liðinn er og þetta mun svo sannarlega nýtast félagsfólki vel.

Að fundi loknum bauð félagið fundargestum upp á ljúffengt lambakjöt með öllu tilheyrandi að hætti Gamla Kaupfélagsins.

 

 

thumbnail IMG 5351thumbnail_IMG_5352.jpgthumbnail_IMG_5362.jpgthumbnail_IMG_5354.jpg

Sumarúthlutun
11
 Apr

Sumarúthlutun

Opið er fyrir umsóknir um orlofshús til 21. apríl, en úthlutun fer fram þann 24. apríl.

Í boði eru 13 vikur og skiptidagar eru á miðvikudögum.  Einfalt er að senda inn umsókn á félagavefnum, en þar þarf að skrá sig inn með rafrænum skilríkjum 

Hér er umsóknareyðublað og bæklingur :)  

Þau hús sem eru í úthlutuninni eru : 

Fjögur hús í Húsafelli: 

BIrkihlíð 6, Hraunbrekkur 2, Ásendi 9 og Ásendi 10 

Eitt hús í Kjósinni, þrjú í næsta nágrenni við Akranes;  Bláskógar, Efstiás og við Hótel Glym

Þrjár íbúðir á Akureyri og ein í Stykkishólmi

Að ógleymdum bæði  Hraunborgum og Ölfusborgum

 

Svo viljum við einnig minna félagsmenn okkar á að félagsskírteinin eru nú orðin rafræn, en ýmis fyrirtæki hér á Akranesi bjóða félagsmönnum VLFA upp á sérkjör.

Það er einnig frítt fyrir félagsmenn okkar að veiða í hluta af vötnunum í Svínadal. 

 

 

Aðalfundur VLFA verður haldinn þriðjudaginn 18. apríl kl. 17
05
 Apr

Aðalfundur VLFA verður haldinn þriðjudaginn 18. apríl kl. 17

 

Aðalfundur Verkalýðsfélags Akraness verður haldinn

þriðjudaginn 18. apríl 2023 kl. 17

á Gamla Kaupfélaginu, Kirkjubraut 11

Dagskrá:

  1. Skýrsla stjórnar fyrir liðið starfsár.
  2. Endurskoðaðir reikningar félagsins lagðir fram til afgreiðslu.
  3. Kosningar sem þurfa að fara fram á aðalfundi samkvæmt 28. grein laga félagsins.
  4. Kynning á hækkun á greiðslum úr sjúkrasjóði.
  5. Breyting á lögum félagsins (greinar 3, 6-8, 14, 17, 20-24, 27-28 og 30).
  6. Önnur mál.

Á aðalfundi verða ekki afgreiddar með atkvæðagreiðslu aðrar tillögur og ályktanir en þær sem borist hafa til skrifstofu félagsins 5 dögum fyrir aðalfund eins og 28. grein laga félagsins kveður á um.

Ársreikningur félagsins mun liggja frammi á skrifstofu félagsins 10 dögum fyrir aðalfund. Komi tillögur eða ályktanir fram þá munu þær liggja frammi á skrifstofu félagsins og verða einnig kynntar á heimasíðu félagsins.

Félagsmenn eru eindregið hvattir til að mæta.

Boðið verður upp á kvöldverð eftir fundinn.

Page 9 of 482

Fréttir

Nýjar fréttir

Verkalýðsfélag Akraness

Verkalýðsfélag Akraness
Kt. 680269-6889

Til skrifstofunnar geta félagsmenn leitað eftir
upplýsingum og annarri aðstoð.

  • Þjóðbraut 1,

    300 Akranes

  • Sími:

    4309900

  • Netfang:

    skrifstofa@vlfa.is

Afgreiðslutími

Mánudag-fimmtudag kl. 08:00-16:00 og föstudaga kl. 8:00-15:15. Utan afgreiðslutíma félagsins er hægt að ná í formann félagsins, Vilhjálm Birgisson, í síma 865-1294.

Nýjar fréttir

Style Switcher
Layout Style
Predefined Colors
Background Image