Síðustu kynningarfundirnir voru haldnir í dag það voru B og D vaktirnar sem fengu sína kynningu í dag.  Það fór ekki á milli mála í þessum kynningum að væntingar starfsmanna til nýs kjarasamnings voru töluverðar.   Það eðlilegt að starfsmenn hafi haft væntingar til þessa samnings þar sem  kjarasamningur starfsmanna Norðuráls frá árinu 1998 var mun lakari heldur en aðrir stóriðjusamningar.   Eins og áður hefur komið fram hér á heimasíðu félagsins þá er það aðallega breytingin á vaktafyrirkomulagi sem leggst illa í starfsmenn.   Það er samt sem áður mat Verkalýðsfélags Akraness að það hafi verið stígið mikilvægt skref í átt til jöfnunar á launum starfsmanna Norðuráls á við aðrar verksmiðjur.   Þó vissulega hefði félagið viljað jafna launin að fullu við Ísal í þessum samningum.  Lengra varð því miður ekki komist í þessari samningalotu.

Verkalýðsfélag Akraness vill þakka Ólafi Darra hagfræðingi Así kærlega fyrir aðstoðina við gerð þessa kjarasamnings, og einnig aðstoðina við kynningarnar á kjarasamningum, hún var ómetanleg. 

Kynningarfundirnir héldu áfram í morgun á nýgerðum kjarasamningi við Norðurál.  Það voru iðnaðarmenn, starfsmenn í Kerfóðrun, skautsmiðju og skrifstofufólk sem fengu sína kynningu í morgun og stóð kynningin til hádegis.  Það er ljóst að það eru nokkuð skiptar skoðanir með samninginn og er það sérstaklega vaktakerfið sem starfsmenn eru ekki á eitt sáttir með.  Hvað varðar launaliðina í kjarasamningum þá virðast starfsmenn almennt vera nokkuð sáttir með þann þátt samningsins.  Hagfræðingur ASÍ hefur látið það koma skýrt fram á öllum kynningarfundunum að þessi kjarasamningur sé einn sá besti sem gerður hefur verið í þessari samningalotu.  Vissulega hefði samninganefnd stéttarfélaganna viljað ná lengra í þessum áfanga en lengra var ekki komist og miðað við aðstæður er Verkalýðsfélag Akraness ánægt með samninginn.  Eitt lítið dæmi sem náðist í þessum kjarasamningi er hækkun á  orlofs og desemberuppbótum.  Fyrir samning voru þær.  40.458 kr. eða samtals 80.916 kr.  Eftir kjarasamning verða þær 96.704 kr. eða samtals 193.404 kr. sem er hækkun upp á 112.488 kr við undirskrift samningsins, hækkun sem nemur 139%