Formaður vill fyrir hönd stjórnar óska öllum félagsmönnum Verkalýðsfélags Akraness innilega til hamingju með daginn því í dag er félagið 97 ára en það var stofnað 14. október 1924.
Í sögunni um stofnun félagsins segir orðrétt:
„Það var fimmtudaginn 9. okt. 1924, að allmargir sjómenn og verkamenn og ein kona, komu saman til fundar í Báruhúsinu á Akranesi, í þeim tilgangi að vinna að undirbúningi að stofnun verkalýðsfélags á Akranesi.
Það fólk sem hér var samankomið, var hert í miskunnarlausri baráttu fyrir lífshagsmunum sínum og heimila sinna. Þetta voru menn, sem sóttu sjóinn á litlum vélbátum og sumir á opnum árabátum, af miklu kappi, - verkamenn sem báru daginn út og daginn inn, og kona sú, sem getið er í fundargerðinni, vann við fiskþvott, en slíkt starf var að mestu unnið í óupphituðu húsnæði, og stundum undir beru lofti, og kom fyrir að brjóta þurfti ís af þvottakörunum áður en fiskþvottur gæti hafist.
Fundarstjóri á þessum fundi var kjörinn Sveinbjörn Oddsson, og fundarritari Sæmundur Friðriksson. Frummælandi á þessum undirbúningsfundi var Oddur Sveinsson á Akri.
Hann flutti snjallt erindi um alþýðuhreyfinguna í Evrópu, og lýsti starfi hennar og stefnu, og hversu miklu hún gæti komið til leiðar með starfsemi sinni. Hvatti Oddur eindregið til stofnunar verkalýðsfélags hér á Akranesi.
Þá ræddi Sæmundur Friðriksson, um stofnun verkalýðsfélags, og lýsti því hversu mikla þýðingu slíkur félagsskapur gæti haft fyrir verkalýðinn á sjó og landi, bæði í kaupgjalds- og atvinnumálum.
Sveinbjörn Oddsson kvað ekki hægt á einu kvöldi, að sýna fram á hvernig best væri ráðin bót á öllu því sem umbóta þurfti með, og lýsti á hvern hátt hann hyggði, að verkalýðsfélag gæti náð árangri ef stofnað yrði.
Auk þess töluðu þeir Þorsteinn Benediktsson og Sigurður Jörundsson, og mæltu þeir báðir með stofnun verkalýðsfélags. Þess ber að geta, að bræðurnir frá Teig, Ásgrímur, Sigurjón og Stefán, stuðluðu mjög að stofnun félagsins.
Á fundi þessum var kosin 5 manna nefnd, til þess að vinna að frekari undirbúningi. Kosningu hlutu eftirtaldir menn: Sveinbjörn Oddsson, Sæmundur Friðriksson, Jörgen Hansson, Indriði Jónsson og Oddur Sveinsson.
Þá var kosin 9 manna nefnd til þess að gera tillögur um stjórn fyrir væntanlegt félag og hlutu kosningu eftirtaldir: Indriði Jónsson, Sigurjón Sigurðsson, Sigurður Björnsson, Eiríkur Guðmundsson, Jónas Guðmundsson, Ólafur Kristjánsson, Gísli Einarsson, Halldór Sigurðsson og frú Sveinsína Sveinsdóttir. Síðan var fundi frestað og framhaldsfundur boðaður hinn 14. okt. 1924.
Framhaldsfundur var haldinn boðaðan fundardag, og þá lagt fram frumvarp að lögum fyrir félagið og það samþykkt samhljóða á fundinum. Stofndagur Verkalýðsfélags Akraness er því 14. október 1924. Stofnendur munu hafa verið alls 108 að tölu.
Félagið heitir: Verkalýðsfélag Akraness. Starfssvið: Ytri-Akraneshreppur.
Tilgangur félagsins er að efla og styðja hag og menningu alþýðunnar á því svæði, sem félagið nær yfir, með því að vinna að sjálfsbjargarviðleitni almennings, ákveða vinnutíma og kaupgjald, og með sjálfstæðri þátttöku alþýðunnar í stjórnmálum lands og sveitarfélags, allt í samræmi við önnur verkalýðsfélög og Alþýðusambandið.
Fyrsta stjórn félagsins var skipuð eftirtöldum mönnum: Formaður: Sæmundur Friðriksson; ritari: Oddur Sveinsson og féhirðir Eiríkur Guðmundsson, Tungu. Meðstjórnendur: Jörgen Hansson og Ágúst Ásbjörnsson; varaformaður: Sveinbjörn Oddsson; vararitari: Gísli Gíslason og varaféhirðir: Jónas Guðmundsson.
Nú hefur þriðja stýrivaxtahækkun Seðlabankans litið dagsins ljós en á nokkrum mánuðum hafa stýrivextir bankans hækkað úr 0,75 prósentum í 1,5 prósent.
Það liggur fyrir að svona vaxtahækkun þegar hún hefur skilað sér út að fullu hefur mikil áhrif á hag og ráðstöfunartekjur heimilanna. Í því samhengi er rétt að vekja athygli á því sem fram kemur í Tíund blaði frá ríkisskattstjóra að íslensk heimili og einstaklingar skulduðu 2.266 milljarða króna árið 2019. Það er gríðarlega mikilvægt að almenningur átti sig á því að vaxtahækkanir eru ekkert annað en eignarfærsla frá skuldsettum heimilum yfir til fjármálakerfisins og 0,75% vaxtahækkun þýðir eignartilfærslu sem nemur tæpum 17 milljörðum á ári þegar og ef öll stýrivaxtahækkunin skilar sér í formi hækkunar á vöxtum fjármálakerfisins.
Ástæðan fyrir þessari vaxtahækkun er vegna aukinnar verðbólgu en 12 mánaða verðbólgan í dag er 4,4% en takið eftir að verðbólgan án húsnæðisliðar í vísitölunni er einungis 2,9%. Það liggur fyrir að ástæða fyrir mikilli hækkun húsnæðisverðs sem rekja má til trega sveitarfélaganna til að úthluta lóðum sem hefur leitt til framboðsskorts. Það undarlega í þessu er að við hækkun á fasteignaverði skapast sjálfkrafa hækkun á fasteignagjöldum sem sveitarfélögin fá. Með öðrum orðum lóðaskortur sem leiðir til hækkunar á fasteignaverði skilar sveitafélögunum umtalsvert auknum tekjum og því má segja að sveitarfélögin hafi nánast hvata til að viðhalda lóðaskorti til að ýta undir hækkun á fasteignaverði enda skilar það þeim hærri fasteignagjöldum eins og áður sagði.
Tímabundin hækkun í séreignarsjóði betri lausn?
Nú segir Seðlabankastjóri að stýrivaxtahækkun sé stýritæki sem þeir beita m.a til að draga úr einkaneyslu til að ná niður verðbólgu. Það má vera rétt, en er nauðsynlegt að gera það með því að ástunda miskunnarlausa eignatilfærslu frá skuldsettum heimilum yfir til fjármálakerfisins. Getum við tekið upp nýtt fyrirkomulag sem Seðlabankinn hefði til að draga úr einkaneyslu almennings til að ná verðbólgu niður. Mitt mat er, já það er svo sannarlega hægt að gera án þess að fjármagn renni ekki í milljarða vís í hvert sinn sem stýrivextir eru hækkaðir til fjármagnseigenda.
Ég tel að það eigi að breyta þessu þannig að ekki sé verið að draga úr einkaneyslu almennings með þeim hætti að flytja jafnvel 16 milljarða frá heimilunum eins og þessar vaxtahækkanir munu leiða af sér. Það væri miklu skynsamlegra að breyta þessu þannig að Seðlabankinn hefði heimild til að hækka framlag í séreignasjóði af launatekjum til að draga tímabundið úr einkaneyslu.
Það er ljóst að mun meiri sátt myndi ríkja um það ef Seðlabankinn hefði heimild til að gefa það út að allt launafólk myndi t.d auka framlag sitt tímabundið í séreignasjóð um 0,75% af sínum heildarlaunum til að slá tímabundið á einkaneysluna. Upphæðin færi inn á séreignareikning viðkomandi launamanns, en með því væri ekki verið að færa milljarða frá almenningi yfir til fjármálakerfisins heldur inn á reikning hjá einstaklingum sem myndi draga úr einkaneyslu. Fjármunirnir væru eftir sem áður eign fólksins.
Hvaða sanngirni er í því að það séu bara skuldsett heimili og fyrirtæki sem verða fyrir barðinu á vaxtahækkunum sem á að draga úr einkaneyslu en þeir sem skuldlausir eru leggja ekkert til málanna við að ná verðbólgunni niður.
Ég tel það í það minnsta fráleitt að verið sé að færa milljarða til fjármálakerfisins þegar það liggur fyrir að hægt væri að finna önnur stýritæki til að draga úr einkaneyslu almennings án þess að verið sé að færa milljarða frá þeim yfir til fjármálaelítunnar.
Það er morgunljóst að þessi leið myndi tryggja að ekki sé ástunduð grimmileg eignartilfærsla frá skuldsettum heimilum yfir til fjármálakerfisins í skjóli þess að draga þurfi tímabundið úr einkaneyslu almenningsins til að kveða niður verðbólguna.
Eina sem þarf til að breyta þessu er kjarkur, vilji og þor, en að sjálfsögðu mun fjármálaelítan leggjast gegn svona hugmyndum þar sem komið yrði í veg fyrir að fjármálakerfið myndi fá að vaða ofan í vasa vinnandi fólks og skuldsettra heimila með skítugum krumlum sínum í hvert sinn og Seðlabankinn ákveður að hækka stýrivextina.
Finnum nýja leið til þess þar sem hagsmunir launafólks og heimilanna verða hafðir í forgrunni en ekki enn og aftur hagsmunir fjármálaelítunnar eins og núverandi fyrirkomulag kveður á um.
Munum að þetta fyrirkomulag Seðlabankans um að draga úr einkaneyslu launafólks til að ná niður verðbólgu er ekkert náttúrulögmál heldur mannanna verk sem auðveldlega er hægt að breyta.
Í gær var formaður Verkalýðsfélag Akraness með kynningu á réttindum fyrir starfsmenn í búsetuþjónustu fyrir fatlaða á Beykiskógum en um 20 starfsmenn sinna þeirri mikilvægu þjónustu.
Laut kynningin að stórum hluta um þær breytingar sem urðu við svokallaða vinnutímastyttingu enda nokkuð flókið fyrir almennt starfsfólk að átta sig á þeim breytingum sem áttu sér stað.
En eins og flestir vita var verið að stytta vinnuvikuna úr 40 vinnustundum niður í 36 vinnustundir og ýmsar nýjungar teknar inn eins og breyting á vaktarálagi, vaktahvata, breytingargjaldi og yfirvinnu 1 og 2.
Þetta var mjög góður kynningarfundur og fjölmargar spurningar komu til formanns VLFA en hann fór einnig yfir þá þjónustu og styrki sem VLFA býður sínum félagsmönnum uppá.
Á skrifstofuna komu í dag Sigmundur Davíð Gunnlaugsson og frambjóðendur í Norðvesturkjördæmi en núna hafa fulltrúar frá Sjálfstæðisflokki, Framsóknarflokknum, Vinstri grænum og Miðflokknum komið og hlustað á brýnustu hagsmunamál sem Verkalýðsfélag Akraness leggur áherslu á.
Þetta var fín heimsókn þar sem formaður kom áherslum verkafólks og hagsmunum okkar Akurnesinga vel á framfæri.
Formaður fór yfir starfsemina á Grundartanga og þá miklu þýðingu sem sú starfsemi hefur fyrir okkur Akurnesinga sem og þjóðina í heild sinni.
En Elkem Ísland og Norðurál skapa uppundir eitt þúsund fjölskyldum lífsviðurværi en með afleiddum störfum eru uppundir 3 þúsund fjölskyldur sem byggja lífsafkomu sína á starfsemi þessara fyrirtækja með einum eða öðrum hætti.
Það er mat formanns að tækifærin á Grundartanga eru gríðarlega mikil enda liggur fyrir að Norðurál er núna að fara að ráðast í 15 milljarða framkvæmd við stækkun á steypuskála fyrirtækisins. Þessi fjárfesting mun skapa uppundir 200 störf á byggingartímanum og 40 varanleg.
Það er mat formanns að það verður „nóg til“ ef okkur ber gæfa til að skapa fleiri öflugar gjaldeyrisskapandi atvinnugreinar því það er með öflugum útflutningsatvinnugreinum sem við þurfum til að standa undir því velferðasamfélagi sem við viljum búa í.
Það er t.d. fyrirtæki sem hefur skrifað undir viljayfirlýsingu við Faxaflóahafnir um land á Grundartanga sem hefur í hyggju að reisa vetnisverksmiðju á Grundartangasvæðinu. Svona byltingarkennd verksmiðja sem gengur út á að framleiða nýja byltingarkenndan orkugjafa til að skipta út mengandi orkugjöfum eins og kolum og öðrum mengandi orkugjöfum. Ef tekst að láta þetta verkefni verða að veruleika þá myndi þetta leiða til þess að framleiðsla þess yrði að öllum líkindum seld út til lands í Evrópu sem myndi spara losun gróðurhúsalofttegunda eins og nemur allri losun Íslands í því landi sem myndi kaupa umrætt vetni.
Þessi umhverfisvæna vetnisverksmiðja þarf um 900 MW og hafa þeir sem standa að þessum hugmyndum í hyggju að nota vindorkuna til að knýja verksmiðjuna áfram. Til að framleiða slíka orku með vindi þyrfti rétt rúmlega 200 vindmyllur. Ávallt yrði um nokkra smærri vindmyllugarða að ræða sem rúmuðust á stöðum þar sem náttúru yrði ekki ógnað og ásýnd væri ásættanleg í samanburði við ábatann sem af slíkum görðum stafar.
Þessi vetnisverksmiðja myndi skapa uppundir 300 manns atvinnu og skila tugum milljarða í útflutningstekjur og því ljóst að þjóðhagslegur ávinningur er gríðarlegur fyrir Ísland. En aðal ávinningur er þessi vistvæna og byltingarkenndu orkuskipti sem þessi verksmiðja framleiðir sem er vetnið og nemur sparnaðurinn hennar eins og losun Íslands af CO2 eins og áður hefur komið fram.
Hvaða umhverfissinni getur verið á móti því að nota vindorkuna til að spara losun á gróðurhúsaáhrifum sem nemur 4 milljónum tonna á ári og um leið skapa 300 varanleg störf og milljarða tekjur fyrir íslenskt samfélag?
Ef þessi vetnisverksmiðja yrði að veruleika þá er þetta langstærsta framlag okkar Íslendinga til umhverfismála til þessa, svo mikið er víst og það eru svona brýn þjóðhags- og umhverfisvæn atriði sem komandi kosningar eiga að snúast um.
Því við þurfum að tryggja öflug umhverfisvæn og gjaldeyrisskapandi atvinnutækifæri íslensku samfélagi til hagsbóta og það er þannig sem nóg verður til fyrir okkur öll.
Þetta voru allt mál sem formaður átti samtal við formann Miðflokksins og frambjóðendur flokksins í kjördæminu.
Einn af vinsælustu styrkjum sem Verkalýðsfélag Akraness býður sínum félagsmönnum er uppá er svokallaður fæðingarstyrkur sem foreldrar sem eru félagsmenn VLFA eiga rétt á. Styrkur félagsmannsins nemur 150.000 kr. með barni og ef báðir foreldrar eru félagsmenn VLFA nemur styrkurinn 300.000 kr.
Það er ljóst að þessi styrkur kemur foreldrum vel enda ýmsir nýir kostnaðarliðir sem koma til þegar foreldrar eignast barn.
Fyrstu 7 mánuði þessa árs hafa félagsmenn VLFA eignast 61 barn og nemur fæðingarstyrkurinn rétt tæpum 10 milljónum til þeirra foreldra sem eru félagsmenn VLFA.
Einnig er heilsueflingarstyrkurinn afar vinsæl meðal okkar félagsmanna en um 250 félagsmenn hafa nýtt sér þann styrk fyrstu 7 mánuði þessa árs en styrkurinn nemur 50% af reikningi að hámarki 40 þúsund á ári.
Félagið hefur greitt fyrstu 7 mánuði þessa árs yfir 40 milljónir í sjúkradagpeninga til félagsmanna en sjúkradagpeningar eru góð trygging fyrir félagsmenn eftir að veikindarétti félagsmanna er lokið hjá atvinnurekenda.
Rétt er að geta þess að sjúkrasjóður VLFA býður sínum félagsmönnum uppá 13 styrki og hvetur félagið félagsmenn sína til að kynna sér vel styrkina og þjónustu sem félagið býður sínum félagsmönnum uppá.
Rétt er að geta þess að orlofssjóður VLFA kom með nýjan styrk inn í sumar sem laut að því að styðja félagsmenn að ferðast innanlands með því að niðurgreiða fyrir félagsmenn hótelgistingu og dvöl á tjaldsvæðum. Hámarksstyrkur er 10.000 kr en aldrei meira en 50% af hverjum greiddum reikningi.
Verkalýðsfélag Akraness vill minna félagsmenn VLFA sem voru á faraldsfæti vítt og breitt um landið í sumarfríum að þeir eiga rétt á endurgreiðslu vegna hótelgistingar og dvalar á tjaldsvæðum og nemur endurgreiðslan 50% af reikningi að hámarki 10.000 kr. eins og áður hefur komið fram.
Afar mikilvægt er að félagsmenn passi uppá kvittanir og komi með þær þegar sótt er um umrædda niðurgreiðslu. VLFA hvetur félagsmenn sína að nýta sér þessa niðurgreiðslu sem félagið bíður uppá.
Til þessa hafa rúmlega 50 félagsmenn nýtt þennan nýja styrk.
Í gær komu á skrifstofu félagsins frambjóðendur Framsóknarflokksins sem eru á lista flokksins í Norðvesturkjördæmis.
Þetta var fín heimsókn enda er formaður VLFA afar ánægður með að geta komið áherslum launafólks, heimilanna og hagsmunum okkar Akurnesinga vel á framfæri.
Formaður VLFA fór yfir hvernig fyrirkomulagið í sjávarútvegsmálum hefur leikið okkur Akurnesinga og stóran hluta af landsbyggðinni grátt. VLFA hefur áður bent á þessa hörmungarsögu sem tengist hruni sjávarútvegs hér á Akranesi og má eiginlega segja að sjárútvegur sem á stóran þátt í að byggja upp okkar góða samfélag hafi verið rænt af okkur nánast á einni nóttu.
En árið 2004 fyrir sameiningu Haraldar Böðvarssonar við Granda störfuðu um 400 manns við veiðar og vinnslu sjávarafurða og árið 2004 var 170 þúsund tonnum landað hér á Akranesi og fyrirtækið greiddi núvirt um 4,3 milljarða í laun. Í dag er allt farið þökk sé handónýtu fyrirkomulagi í sjávarútvegi þar sem auðlindir sjávarins hafa færst á örfár hendur.
Það verður að breyta fyrirkomulagi fiskveiðistjórnarkerfisins með þeim hætti að einstaka útgerðamenn eða stórútgerðir geti labbað út með jafnvel milljarða og skilið byggðarlögin og fólkið eftir án atvinnu og lífsafkomumissi.
Formaður fór yfir starfsemina á Grundartanga og þá miklu þýðingu sem sú starfsemi hefur fyrir okkur Akurnesinga, sérstaklega í ljósi þess að búið er að ræna frá okkur aðalatvinnutækifæri.
En Elkem Ísland og Norðurál skapa uppundir þúsund fjölskyldum lífsviðurværi en með afleiddum störfum eru það uppundir 3 þúsund fjölskyldur sem byggja lífsafkomu sína á starfsemi þessara fyrirtækja með einum eða öðrum hætti.
Það er mat formanns að tækifærin á Grundartanga eru gríðarlega mikil enda liggur fyrir að Norðurál er núna að fara að ráðast í 15 milljarða framkvæmd við stækkun á steypuskála fyrirtækisins. Þessi fjárfesting mun skapa uppundir 200 störf á byggingartímanum og 40 varanleg störf.
Það er mat formanns að það verður „nóg til“ ef okkur ber gæfa til að skapa fleiri öflugar gjaldeyrisskapandi atvinnugreinar því það er með öflugum útflutningsatvinnugreinum sem við þurfum til að standa undir því velferðasamfélagi sem við viljum búa í.
Það er t.d. fyrirtæki sem hefur skrifað undir viljayfirlýsingu við Faxaflóahafnir um land á Grundartanga sem hefur í hyggju að reisa vetnisverksmiðju á Grundartangasvæðinu. Svona byltingarkennd verksmiðja sem gengur út á að framleiða nýjan byltingarkenndan orkugjafa til að skipta út mengandi orkugjöfum eins og kolum og öðrum mengandi orkugjöfum. Ef tekst að láta þetta verkefni verða að veruleika þá myndi þetta leiða til þess að framleiðsla þess yrði að öllum líkindum seld út til lands í Evrópu sem myndi spara losun gróðurhúsalofttegunda eins og nemur allri losun Íslands í því landi sem myndi kaupa umrætt vetni.
Þessi umhverfisvæna vetnisverksmiðja þarf um 900 MW og hafa þeir sem standa að þessum hugmyndum í hyggju að nota vindorkuna til að knýja verksmiðjuna áfram. Til að framleiða slíka orku með vindi þyrfti rétt rúmlega 200 vindmyllur. Ávallt yrði um nokkra smærri vindmyllugarða að ræða sem rúmuðust á stöðum þar sem náttúru yrði ekki ógnað og ásýnd væri ásættanleg í samanburði við ábatann sem af slíkum görðum stafar.
Þessi vetnisverksmiðja myndi skapa uppundir 300 manns atvinnu og skila tugum milljarða í útflutningstekjur og því er ljóst að þjóðhagslegur ávinningur er gríðarlegur fyrir Ísland. En aðal ávinningurinn er þessi vistvæna og byltingarkenndu orkuskipti sem þessi verksmiðja framleiðir, sem er vetnið og nemur sparnaðurinn hennar eins og losun Íslands af CO2 eins og áður hefur komið fram.
Hvaða umhverfissinni getur verið á móti því að nota vindorkuna til að spara losun á gróðurhúsaáhrifum sem nemur 4 milljónum tonna á ári og um leið skapa 300 varanleg störf og milljarða tekjur fyrir íslenskt samfélag?
Ef þessi vetnisverksmiðja yrði að veruleika þá er þetta langstærsta framlag okkar Íslendinga til umhverfismála til þessa, svo mikið er víst og það eru svona brýn þjóðhags- og umhverfisvæn atriði sem komandi kosningar eiga að snúast um.
Því við þurfum að tryggja öflug umhverfisvæn og gjaldeyrisskapandi atvinnutækifæri íslensku samfélagi til hagsbóta og það er þannig sem nóg verður til fyrir okkur öll.
Þetta voru allt mál sem formaður ræddi við frambjóðendur Framsóknarfloksins
Þann 1. maí á þessu ári tók gildi nýtt vaktakerfi sem byggðist á því að Norðurál hætti með svokallað 12 tíma vaktakerfi og tók upp 8 tíma kerfi eins og tíðakast í nánast í öllum stóriðjum á Íslandi.
Í ljósi þess að verið var að fara úr 12 tíma í 8 tíma kerfi þurfti að tryggja að það umfram orlof vegna fastrar yfirvinnu sem ávannst inn á 12 tíma vaktakerfinu vegna orlofsársins 2020-2021 skilaði sé að fullu til þeirra sem voru búnir að ávinna sé það inn.
Á þeirri forsendu mun starfsmönnum bjóðast að fá 36 stundir sem er þetta umfram orlof greitt út á núverandi yfirvinnukaupi eða taka út 36 sundir í orlofi sem jafngilda 4,5 vöktum í samráði við sinn yfirmann.
Úttekt á 4,5 orlofsvöktum eða greiðsla á 36 yfirvinnutímum miðast við fullt starf á orlofsárinu 2020-2021. Þeir starfsmenn sem unnu tímabundið eða skiluðu ekki 100% starfi fá hlutfallslega orlofstíma eða greitt miðað við mánuði í starfi.
Rétt er að geta þess að starfsmenn sem eiga þennan valmöguleika þurfa að fylla út eyðublað og skila til vaktastjóra fyrir 15. September 2021. Það er einnig rétt að geta þess að þeir sem skila ekki inn umræddu eyðublaði inn fyrir 15 september næstkomandi fá greidda 36 yfirvinnutíma eða í samræmi við starfshlutfall með september laununum.
Fyrir 100% starf eru 36 tíma umfram orlofið að skila frá 150.000 kr. uppí 183.000 kr. eins og sjá má að töflunni hér að neðan.
Á skrifstofuna komu í dag þau Kolbrún Reykfjörð Gylfadóttir iðnaðar-og nýsköpunarráðherra og Teitur Björn Einarsson en þau eru á lista Sjálfstæðisflokksins í Norðvesturkjördæmis.
Þetta var fín heimsókn þar sem formaður kom áherslum verkafólks og hagsmunum okkar Akurnesinga vel á framfæri.
Formaður fór yfir starfsemina á Grundartanga og þá miklu þýðingu sem sú starfsemi hefur fyrir okkur Akurnesinga sem og þjóðina í heild sinni.
En Elkem Ísland og Norðurál skapa uppundir 1000 þúsund fjölskyldum lífsviðurværi en með afleiddum störfum eru uppundir 3 þúsund fjölskyldur sem byggja lífsafkomu sína á starfsemi þessara fyrirtækja með einum eða öðrum hætti.
Það er mat formanns að tækifærin á Grundartanga eru gríðarlega mikil enda liggur fyrir að Norðurál er núna að fara að ráðast í 15 milljarða framkvæmd við stækkun á steypuskála fyrirtækisins. Þessi fjárfesting mun skapa uppundir 200 störf á byggingartímanum og 40 varanleg.
Það er mat formanns að það verður „nóg til“ ef okkur ber gæfa til að skapa fleiri öflugar gjaldeyrisskapandi atvinnugreinar því það er með öflugum útflutningsatvinnugreinum sem við þurfum til að standa undir því velferðasamfélagi sem við viljum búa í.
Það er t.d. fyrirtæki sem hefur skrifað undir viljayfirlýsingu við Faxaflóahafnir um land á Grundartanga sem hefur í hyggju að reisa vetnisverksmiðju á Grundartangasvæðinu. Svona byltingarkennd verksmiðja sem gengur út á að framleiða nýja byltingarkenndan orkugjafa til að skipta út mengandi orkugjöfum eins og kolum og öðrum mengandi orkugjöfum. Ef tekst að láta þetta verkefni verða að veruleika þá myndi þetta leiða til þess að framleiðsla þess yrði að öllum líkindum seld út til lands í Evrópu sem myndi spara losun gróðurhúsalofttegunda eins og nemur allri losun Íslands í því landi sem myndi kaupa umrætt vetni.
Þessi umhverfisvæna vetnisverksmiðja þarf um 900 MW og hafa þeir sem standa að þessum hugmyndum í hyggju að nota vindorkuna til að knýja verksmiðjuna áfram. Til að framleiða slíka orku með vindi þyrfti rétt rúmlega 200 vindmyllur. Ávallt yrði um nokkra smærri vindmyllugarða að ræða sem rúmuðust á stöðum þar sem náttúru yrði ekki ógnað og ásýnd væri ásættanleg í samanburði við ábatann sem af slíkum görðum stafar.
Þessi vetnisverksmiðja myndi skapa uppundir 300 manns atvinnu og skila tugum milljarða í útflutningstekjur og því ljóst að þjóðhagslegur ávinningur er gríðarlegur fyrir Ísland. En aðal ávinningur er þessi vistvæna og byltingarkenndu orkuskipti sem þessi verksmiðja framleiðir sem er vetnið og nemur sparnaðurinn hennar eins og losun Íslands af CO2 eins og áður hefur komið fram.
Hvaða umhverfissinni getur verið á móti því að nota vindorkuna til að spara losun á gróðurhúsaáhrifum sem nemur 4 milljónum tonna á ári og um leið skapa 300 varanleg störf og milljarða tekjur fyrir íslenskt samfélag?
Ef þessi vetnisverksmiðja yrði að veruleika þá er þetta langstærsta framlag okkar Íslendinga til umhverfismála til þessa, svo mikið er víst og það eru svona brýn þjóðhags- og umhverfisvæn atriði sem komandi kosningar eiga að snúast um.
Því við þurfum að tryggja öflug umhverfisvæn og gjaldeyrisskapandi atvinnutækifæri íslensku samfélagi til hagsbóta og það er þannig sem nóg verður til fyrir okkur öll.
Þetta voru allt mál sem formaður átti samtal við iðnaðarráðaherra um enda heyra orkumál undir hennar ráðuneyti.
Það er óhætt að segja að atvinnuástandið meðal félagsmanna VLFA á félagssvæði Verkalýðsfélags Akraness sé bara mjög gott um þessar mundir, enda hefur atvinnuleysið minnkað jafnt og þétt síðustu mánuði.
Í júní í fyrra voru 178 félagsmenn VLFA atvinnulausir samkvæmt Atvinnuleysistryggingasjóði en í júní í ár eru 83 félagsmenn án atvinnu sem er lækkun upp á 46,6% milli ára sem er um 3% félagsmanna VLFA. Í janúar á Þessu ári voru 170 félagsmenn VLFA án atvinnu og hefur þeim því fækkað frá byrjun árs um 49%
Frá því Covid faraldurinn byrjaði fór atvinnuleysi meðal félagsmanna VLFA hæst í 317 félagsmenn í apríl í fyrra sem nemur um 12% félagsmanna VLFA og er þetta afar ánægjuleg þróun. En mikil uppbygging á sér stað á Akranesi um þessar mundir enda fjölmörg verkefni tengd byggingariðnaði í gangi sem og jákvæður viðsnúningur hjá stóriðjufyrirtækjunum á Grundartanga.
Sá viðsnúningur samanstendur af hækkandi afurðaverðum bæði á áli sem og afurðum járnblendifélagsins og nú liggur fyrir að Norðurál hefur náð samningum við Landsvirkjun um raforkuverð sem gerir það að verkum að Norðurál mun í haust eða byrjun næsta árs hefja framkvæmdir upp á 12 milljarða sem lúta að stækkun á steypuskála fyrirtækisins.
Á byggingartímanum munu uppundir 200 störf skapast og 40 varanleg að framkvæmdum loknum og því má segja að framtíðarhorfur í atvinnumálum hér á Akranesi séu mjög góðar eins og staðan er í dag.
Kæru félagsmenn
Vikuna 26.-30 júlí er skrifstofa félagsins lokuð vegna sumarleyfa. Við opnum aftur þriðjudaginn 3. ágúst.
Hér á heimasíðunni er hægt að nálgast umsóknareyðublöð, kjarasamninga og fleira.
Leigusamninga vegna orlofshúsa er hægt að nálgast á félagavef.
Ef erindið er mjög brýnt má senda okkur tölvupóst á This email address is being protected from spambots. You need JavaScript enabled to view it. eða This email address is being protected from spambots. You need JavaScript enabled to view it. og við munum reyna svara eftir bestu getu.
Verkalýðsfélag Akraness vill minna þá hundruð félagsmanna VLFA sem eru á faraldsfæti vítt og breitt um landið í sumarfríum að þeir eiga rétt á endurgreiðslu vegna hótelgistingar og dvalar á tjaldsvæðum og nemur endurgreiðslan 50% af reikningi að hámarki 10.000 kr.
Orlofsstjórn Verkalýðsfélags Akraness ákvað á fundi sínum að styðja félagsmenn í sumar að ferðast innanlands með því að niðurgreiða fyrir félagsmenn hótelgistingu og dvöl á tjaldsvæðum um 50% að hámarki 10.000 kr.
Afar mikilvægt að félagsmenn passi uppá kvittanir og komi með þær þegar sótt er um umrædda niðurgreiðslu. VLFA hvetur félagsmenn menn sína að nýta sér þessa niðurgreiðslu sem félagið bíður félagsmönnum uppá
Það eru gjörsamlega frábærar fréttir fyrir okkur Akurnesinga og nærsveitunga sem og fyrir þjóðarbúið allt að Norðurál og Landsvirkjun hafi náð nýjum raforkusamningi sem mun leiða til þess að fyrirtækið mun ráðast í 15 milljarða fjárfestingu í nýjum steypuskála.
Það er ekki bara að þessi fjárfesting muni skapa 100 störf á uppbyggingartímanum heldur mun þessi stækkun skapa 40 varanleg störf sem og tryggja framtíð fyrirtækisins um komandi ár. En það er löngu ljóst að framleiðslugeta núverandi steypuskála hefur torveldað fráflæði frá kerskálanum og væntanlega mun þessi stækkun steypuskálans leiða til þess að álagið á bæði kerskála og steypuskála mun verða minna. Einnig mun þessi nýja fjárfesting tryggja framtíð Norðuráls til næstu ára ef ekki áratuga.
Það er morgunljóst að þessi framkvæmd mun auka útflutningstekjur og um leið styrkja rekstrarstöðu fyrirtækisins enn frekar en í nýja steypuskálanum verða framleiddir 150 þúsundtonn af svokölluðum álboltum sem eru mun verðmeiri en sú framleiðsla sem unnin er hjá Norðuráli í dag
Fjárhagslegur ávinningur þjóðarbúsins er ótvíræður en formaður myndi áætla að nýr raforkusamningur og 20 MW viðbót við raforkusamninginn muni skila Landsvirkjun auknum tekjum sem nema á bilinu 2 til 3 milljörðum á ári. Eftir að nýr raforkusamningur við Landsvirkjun má áætla að NA sé að greiða uppundir 7 milljarða til LV á ári fyrir raforkuna. En síðan er Norðurál með raforkusamning við Orkuveitu Reykjavíkur og nemur kostnaður við þann samning milli 7 til 8 milljörðum á ári. Samtals mun Norðurál því greiða uppundir 15 milljarða á ári fyrir raforkuna og ljóst að munar um minna fyrir umrætt orkufyrirtæki sem eru í eigu ríkis og sveitafélaga.
Það er ekki bara að tekjur Landsvirkjunar muni aukast heldur mun staðgreiðsla til ríkis og sveitafélaga aukast um allt að 100 milljónir á ári vegna þess að 40 ný varanleg störf munu skapast.
Það hefur enginn barist eins kröftuglega fyrir atvinnuöryggi starfsmanna stóriðjufyrirtækja eins og Verkalýðsfélag Akraness eins sagan sýnir. Formaður hefur barist fyrir því að bæði Norðurál og Elkem Ísland á Grundartanga næðu samningum við Landsvirkjun sem myndi leiða til þess að rekstarforsendur þessara fyrirtækja myndu ekki ógna atvinnuöryggi starfsmanna stóriðjufyrirtækjanna á Grundartanga. Hefur formaður VLFA m.a. fundað með forstjóra Landsvirkjunar og ráðamönnum vegna þeirra alvarlegu stöðu sem upp var komin um tíma en nú sér loksins fyrir endann á þessari ógn og nú er bara að vona að Elkem nái einnig nýjum raforkusamningi við LV.
Rétt er að geta þess að í dag vinna um 600 manns hjá Norðuráli fyrir utan afleidd störf og um 200 manns hjá Elkem og eru þar einnig afleidd störf undanskilin og því eru þessi fyrirtæki gríðarlega mikilvæg fyrir okkur Akurnesinga og Verkalýðsfélag Akraness en um 80% starfsmanna þessara fyrirtækja tilheyra VLFA.
Eins og áður sagði eru þetta frábærar fréttir enda er þessi fjárfesting í stækkun á steypuskálanum að tryggja og festa atvinnuöryggi minna félagsmanna sem og tryggja búsetuöryggi okkar Akurnesinga og nærsveitunga.
Verkalýðsfélag Akraness hefur gert kauptilboð Í sumarbústað í Hvalfirði, en um er að ræða einn af þeim sex bústöðum sem eru beint fyrir neðan hótel Glym. Um er að ræða afar glæsilegan bústað sem byggður var árið 2010, en bústaðurinn er með tveimur svefnherbergjum sem bæði eru með aðgengi að salerni og sturtu. Bústaðurinn er með heitum potti og er með svefnaðstöðu fyrir sex manns.
Rétt er að geta þess að aðsókn félagsmanna í sumarbústaði sem Verkalýðsfélag Akraness á hefur verið mjög góð og er langt umfram eftirspurn og á þeirri forsendu ákvað stjórn orlofssjóðs VLFA að festa kaup á þessum bústað til að mæta umræddri eftirspurn félagsmanna.
Félagið nær að koma bústaðnum í útleigu frá og með 28 júlí og eru því 5 vikur sem koma til úthlutunar á þessu sumri. En hægt verður að sækja um eftirfarandi vikur til hádegis á næsta fimmtudag en þeir sem sækja um og eiga flesta orlofspunkta munu fá þær vikur sem eru í boði.
Umsóknir: sendið okkur tölvupóst á This email address is being protected from spambots. You need JavaScript enabled to view it., þar sem fram kemur kennitala félagsmanns, símanúmer og sú vika sem óskað er eftir. Einnig er hægt að hringja í okkur í síma 430-9900 eða koma við á Þjóðbraut 1
Eftirfarandi vikur er hægt að sækja um en leigutímabilið er frá miðvikudegi til miðvikudags.
Vikurnar eru:
Eftir að sumarúthlutun lýkur mun taka við hefðbundin vetrarúthlutun en þar gildir fyrstur kemur fyrstur fær. Við minnum félagsmenn á sem hafa í hyggju að sækja um í þessum nýja valkosti sem félagið býður uppá, að frestur til að sækja um er eins og áður hefur komið fram til hádegis á fimmtudaginn 22. júlí.
Þegar lífskjarasamningurinn var undirritaður kom yfirlýsing frá stjórnvöldum í 6 liðum sem laut að því að draga jafnt og þétt úr vægi verðtryggingar hjá almennum neytendum. Því miður hunsuðu og sviku stjórnvöld umrædda yfirlýsingu.
Það vita allir sem vita vilja að vextir og verðtrygging hafa verið eitt af baráttumálum verkalýðshreyfingarinnar á liðnum árum enda ljóst að mikill fjármagnskostnaður heimilanna hefur gríðarleg áhrif á ráðstöfunartekjur heimilanna.
Það hefur verið afar erfitt að brjóta á bak aftur þetta skefjalausa dekur stjórnvalda og Seðlabankans í þágu fjármálakerfisins.
Almennt hafa stjórnvöld á hverjum tíma fyrir sig komið í veg fyrir að almenningur njóti sambærilegra vaxtakjara og án verðtryggingar eins og tíðkast í þeim löndum sem við viljum einna helst bera okkur saman við.
Seðlabankastjóri var í viðtali við Viðskiptablaðið á dögunum þar sem hann sagðist ekki sjá tilgang með því að banna verðtryggingu á neytendalánum til heimilanna. Svo skýtur hann á verðalýðshreyfinguna og segir að hún ætti frekar að leggja lóð á vogarskálarnar við að tryggja stöðugt verðlag.
Formaður verður að spyrja seðlabankastjóra hvort hann sé virkilega að halda því fram að það hafi verið íslensku launafólki að kenna að hér varð bankahrun sem gerði það að verkum að verðbólgan fór upp í 20% nánast á einni nóttu. Afleiðingarnar voru að verðtryggðar skuldir heimilanna stökkbreyttust um 400 milljarða, í dag nemur þessi upphæð núvirt rúmum 600 milljörðum. Það voru þúsundir fjölskyldna sem misstu heimili sín með skelfilegum afleiðingum.
Rétt að minna Seðlabankastjóra á að sérfræðingahópur um afnám verðtryggingar sem skilaði skýrslu árið 2014 komst að þeirri niðurstöðu að 40 ára jafngreiðslulán væru baneitraður kokteill sem banna þyrfti tafarlaust enda gera slík lán ekkert annað en að hækka fyrstu 20 til 25 árin frá því þau eru tekin.
Formaður spyr seðlabankastjóra eftirfarandi spurninga:
Formaður VLFA gæti svo sem haldið áfram með spurningar en þetta eilífa dekur stjórnvalda og seðlabankans við fjármálaelítuna er orðið óþolandi, enda er dekrið allt á kostnað almennings og heimilanna.
Verkalýðsfélag Akraness
Kt. 680269-6889
Til skrifstofunnar geta félagsmenn leitað eftir
upplýsingum og annarri aðstoð.
300 Akranes
4309900
skrifstofa@vlfa.is
Mánudag-fimmtudag kl. 08:00-16:00 og föstudaga kl. 8:00-15:15. Utan afgreiðslutíma félagsins er hægt að ná í formann félagsins, Vilhjálm Birgisson, í síma 865-1294.
