Play og Icelandair
Verkalýðsfélag Akraness býður félagsmönnum upp á að kaupa gjafabréf hjá Play og Icelandair.
Verð fyrir gjafabréf er 19.000 krónur og gildir það sem 25.000 kr. greiðsla upp í farseðil eða pakkaferð í beinu áætlunarflugi til allra áfangastaða, innanlands og erlendis. Gjafabréfin má nýta til að greiða skatta og gjöld þegar keypt er samkvæmt almennu flugfargjaldi. Heimilt er að nota fleiri en eitt gjafabréf upp í almennt fargjald.
Hver félagsmaður getur keypt allt að 5 gjafabréf á hverju almanaksári. Fyrir hvert gjafabréf dregst frá einn orlofspunktur.
Gjafabéfin er hægt að kaupa á skrifstofu félagsins og í síma 4309900. Gjafabréfin eru send á netfang kaupanda að greiðslu lokinni.
Icelandair - gildistími gjafabréfa er 5 ár. Frekari upplýsingar má lesa hér Icelandair
Play - gildistími gjafabréfa er 4 ár. Frekari upplýsingar má lesa hér Play
Verkalýðsfélag Akraness (VLFA) er endursöluaðili gjafabréfanna og er gildistími þeirra frá kaupum VLFA á gjafabréfum.
Gjafabréfum er ekki heimilt að skila eða skipta. Komi sú staða upp að félagsmaður geti ekki nýtt gjafabréf af ástæðum sem ekki varða hann sjálfan, t.d. ef viðkomandi flugfélag verður gjaldþrota eftir að gjafakort er keypt en áður en það er nýtt, á félagsmaðurinn því aðeins rétt á endurgreiðslu að því marki sem VLFA sjálft fær kostnað endurgreiddan vegna gjafakortsins. Skal VLFA endurgreiða félagsmanni innan 30 daga frá því að VLFA hefur móttekið endurgreiðslu vegna gjafabréfsins.
Páskavikan sem er 5.-11. apríl er leigð út í heilu lagi .
Þar sem alltaf er mikil ásókn í dvöl í orlofshúsum þessa viku er sá háttur hafður á að þeir sem hafa áhuga á dvöl þessa viku leggja inn umsókn í pott. Einn pottur er fyrir hvert orlofshús og hægt er að sækja um á ákveðnum stöðum eða þeim öllum. Dregið er úr pottunum af handahófi, punktastaða skiptir ekki máli og ekki eru dregnir af punktar við úthlutun. Hringt er í þann sem dreginn er út og geti hann ekki nýtt sér vikuna, er dregið aftur. Greiða þarf leigu strax.
Tekið er á móti umsóknum til 18. mars á skrifstofu félagsins Þjóðbraut 1 og í síma 430-9900
Einnig er hægt að senda nafn, kennitölu, símanúmer og hvaða orlofshúsi óskað er eftir, á netfangið This email address is being protected from spambots. You need JavaScript enabled to view it.
Dregið verður þann 22. mars 2023 og hringt verður strax í þá sem dregnir eru út.
Kosningu lauk um nýgerðan kjarasamning Sjómannasambands Íslands við útgerðarmenn fyrir síðustu helgi. Félagsmenn Sjómannasambandsins felldu samninginn með 67,43% greiddra atkvæða. 31,52% greiddu atkvæði með samningnum en 1,05% sat hjá. Alls voru 1.200 sjómenn á kjörskrá og greiddu 571 atkvæði og kjörsókn því 47,58%.
Sjómannafélag Grindavíkur og VM felldu einnig með svipuðum mun en Skipstjórafélagið samþykkti samninginn með 55% atkvæða.
Það er morgunljóst að sjómenn eru alls ekki sáttir við þann samning sem undirritaður var og nú þarf að reyna að greina það sem þeir voru ósáttir með. En heyrst hefur að það sé tímalengd samningsins sem veldur óánægju en hann átti að gilda í 10 ár.
Einnig voru sjómenn ósáttir við að lækka ætti skiptaprósentu vegna hækkunar á framlagi í lífeyrisssjóð. Því til viðbótar hefur heyrst að grein 1.39.1 í samningnum sem snertir á að semja þurfi sérstaklega um það ef fram koma ný skip eða nýjar veiði- eða verkunaraðferðir hafi farið illa í sjómenn.
Framkvæmdastjórn Sjómannasambandsins fundar fljótlega til að ákveða næstu skref - en fátt virðist í stöðunni annað en að hefja undirbúning verkfalla. Samningar runnu út árið 2019 og hafa sjómenn verið samningslausir síðan.
Óskað var eftir að formaður Verkalýðsfélags Akraness mætti á fund með starfsmönnum í félagsþjónustunni á Beykiskógum og gerði formaður það í byrjun síðasta mánaðar. Þar fór hann yfir réttindi og skyldur þeirra sem starfa við félagsþjónustu fatlaðra. Fundurinn var mjög góður þar sem var farið yfir helstu atriði í kjarasamningnum, atriði eins og vaktahvata, breytingargjald og nýjar hækkanir á kauptöxtum starfsmanna Akraneskaupstaðar sem og félagsmannasjóðinn. Fram kom í máli starfsmanna að almenn ánægja ríki með félagsmannasjóðinn og það fyrirkomulag sem gildir um hann. En fjölmargar spurningar komu fram á þessum fundi og er alltaf gott og mikilvægt að fá tækifæri til þess að hitta starfsmenn til að fara yfir þeirra réttindi.
Kosning um kjarasamninginn sem undirritaður var þann 9. febrúar síðastliðinn verður opnuð kl. 14:00 í dag (17. febrúar 2023) og stendur til kl. 15:00 þann 10. mars 2023.
Hver einstaklingur sem er á kjörskrá getur aðeins kosið einu sinni.
Kynningarefni vegna nýja samningsins er HÉR
Samninginn er hægt að skoða HÉR
Sjómannasamband íslands sér um sameiginlega kosningu en hún rafræn, skráið ykkur inn með rafrænum skilríkjum og veljið já eða nei.
Ef einhver vandamál koma upp varðandi innskráningu eða kjörskrá endilega hafið samband við skrifstofu VLFA og við finnum út úr því.
HÉR er linkur á kosninguna.
Grunnlaun verkamanna sem starfa hjá Elkem hækka með hæfnisálagi að meðaltali um 48.463 kr. frá 1. Janúar 2023
En heildarlaun ofngæslumanna munu hækka um 80.967 kr. að meðaltali á mánuði.
Einnig er rétt að geta þess að orlofs- og desemberuppbætur fara úr 244.896 kr. í 273.622 kr. hvor fyrir sig og er sú hækkun 28.726 kr. eða samtals 57.452 kr.
Rétt er að geta þess að þetta er hækkun sem nemur 11,74% en þessar hækkanir eru í samræmi við kjarasamning sem gerður var 1. Janúar 2020 og rennur hann út í árslok 2024
Í síðasta kjarasamningi Verkalýðsfélags Akraness við Samband íslenskra sveitarfélaga var samið um svokallaðan félagsmannasjóð. Sá sjóður byggist á því að samningsaðilar sem eru í þessu tilfelli Akraneskaupstaður, Hvalfjarðarsveit og hjúkrunar- og dvalarheimlið Höfði greiða sem nemur 1,5% af heildarlaunum starfsmanna inn í þennan sérstaka sjóð. Í samningnum var síðan kveðið á um að útgreiðsla úr sjóðnum skyldi eiga sér stað einu sinni á ári eða í febrúar ár hvert og núna er komið að því að greiða úr sjóðnum.
Þetta er í þriðja sinn sem greitt er úr sjóðnum til þeirra félagsmanna sem tilheyra umræddum samningi og mun útborgun nema rétt tæpum 30 milljónum og nemur meðaltals greiðsla rétt rúmum 50.000 kr. Í heildina eru það 593 félagsmenn sem starfa hjá Akraneskaupstað, Hvalfjarðarsveit og hjúkrunar- og dvalarheimlinu Höfða sem eiga rétt á greiðslu og kemur hún inn á reikning þeirra þann 1. febrúar næstkomandi.
Á síðasta mánudag var bréf póstlagt til þeirra félagsmanna sem fá endurgreiðslu þar sem fram kemur upphæð sem viðkomandi fær inn á reikning sinn um mánaðarmótin.
Rétt er að geta þess eins og áður hefur komið fram að þetta er í þriðja sinn sem greitt er út úr sjóðnum og nemur heildargreiðslan á þessum 3 árum um 75 milljónum sem tilheyra umræddum kjarasamningi við Samband íslenskra sveitarfélaga.
Grunnlaun verkamanna sem starfa hjá Norðuráli hækka með hæfnisálagi að meðaltali um 49.376 kr. frá 1. Janúar 2023
En heildarlaun verkamanna í kerskála munu hækka um 82.500 kr. að meðaltali á mánuði, en í kerskálanum er fjölmennasti hópurinn sem starfar hjá Norðuráli
Einnig er rétt að geta þess að orlofs- og desemberuppbætur fara úr 244.896 kr. í 273.622 kr. hvor fyrir sig og er sú hækkun 28.726 kr. eða samtals 57.452 kr.
Rétt er að geta þess að þetta er hækkun sem nemur 11,74% en þessar hækkanir eru í samræmi við kjarasamning sem gerður var 1. Janúar 2020 og rennur hann út í árslok 2024
Það er einnig rétt að geta þess að laun hjá Elkem Ísland, Klafa og Snók þjónustu munu einnig hækka um 11,73% en öll þessi fyrirtæki eru með starfsemi á stóriðjusvæðinu á Grundartanga.
Verkalýðsfélag Akraness vill minna félagsmenn sína sem starfa hjá Akraneskaupstað, Hvalfjarðasveit og Hjúkrunar-og dvalarheimilisins Höfða á nýja launatöflu sem tók gildi 1. Janúar 2023.
Lágmarkshækkun á töflunni er 35.000 kr. en hægt er að sjá nýja launatöflu hér eða undir klipanum kjaramál / Kauptaxtar.
Verkalýðsfélag Akraness býr yfir öflugum sjúkrasjóði þar sem félagsmönnum okkar er boðið upp á margvíslega styrki úr sjóðnum. Á árinu 2022 greiddi sjúkrasjóður um 100 milljónir í formi sjúkradagpeninga og styrkja til félagsmanna en tæplega 1400 félagsmenn notfærðu sér þá styrki sem VLFA býður sínum félagsmönnum uppá, sem er 46% félagsmanna.
Eins og alltaf þá eru hæðstu greiðslurnar úr sjúkrasjóðnum vegna sjúkradagpeninga og námu þær greiðslur um 52 milljónum í fyrra, en rétt til greiðslu sjúkradagpeninga eiga þeir félagsmenn sem lokið hafa veikindarétti hjá sínum atvinnurekanda og eru áfram veikir.
Það er ánægjulegt að segja frá því að hæsti einstaki styrkurinn sem VLFA greiddi út er fæðingarstyrkurinn. Félagsmaður í VLFA sem eignast barn á rétt á slíkum styrk sem nemur 150.000 kr. og ef báðir foreldrar eru í félaginu þá nemur styrkurinn samtals 300.000 kr. En 94 foreldrar eignuðust barn á árinu 2022 og nam heildarupphæð fæðingarstyrks rétt tæpum 13,3 milljónum í fyrra.
410 félagsmenn nýttu sér heilsufarskoðunarstyrkinn en hann nemur 50% af reikningi að hámarki 35 þúsund og nam heildarupphæðin tæpri 8,6 milljón á árinu 2022. Fyrir nokkrum árum var þessi styrkur útvíkkaður þannig að félagsmenn gátu komið með reikning vegna tannlæknakostnaðar og eru um 65% af öllum endurgreiðslum vegna þessa styrks vegna tannlæknakostnaðar.
Einnig er rétt að upplýsa að heilsueflingarstyrkurinn er alltaf mjög vinsæll hjá félagsmönnum VLFA en um 365 félagsmenn þáðu þann styrk, en hann nemur 50% af reikningi að hámarki 45 þúsund og nam heildarupphæð heilsueflingarstyrksins rúmum 9,4 milljónum.
Sem betur fer er sjúkrasjóður Verkalýðsfélags Akraness öflugur og stendur vel fjárhagslega og það er stefna stjórnar félagsins að láta félagsmenn ætíð njóta góðs af góðri afkomu félagsins með því að bæta við styrkjum eða hækka fjárhæðir einstakra styrkja og verður engin undantekning þar á í ár.
En slíkar breytingar eru alltaf tilkynntar á aðalfundi félagsins og taka gildi næstu mánaðarmót eftir aðalfund.
Sjómannadeild Verkalýðsfélags Akraness minnir félagsmenn sem tilheyra deildinni á aðalfund sjómannadeildar sem haldinn verður fimmtudaginn 29. desember klukkan 14:00 í fundarsal félagsins að Þjóðbraut 1.
Dagskrá:
Félagsmenn í sjómannadeild Verkalýðsfélags Akraness eru eindregið hvattir til að mæta
Kosningu um nýgerðan kjarasamning milli Starfsgreinasambands Íslands og Samtaka atvinnulífsins á hinum almenna vinnumarkaði lauk á hádegi þann 19. desember.
Niðurstöður kosninganna voru afgerandi en kjarasamningurinn var samþykktur hjá þeim 17 félögum sem eiga aðild að honum og yfir heildina kusu tæp 86% þeirra sem greiddu atkvæði með samningnum. Hjá Verkalýðsfélagi Akraness urðu niðurstöður kosninga þannig að samningurinn var samþykktur með tæplega 92% greiddra atkvæða sem er gríðarlega hátt hlutfall.
Þessi niðurstaða sýnir svo ekki verður um villst að þeir sem vinna eftir samningnum eru ánægðir með hvernig til tókst og það er það sem skiptir máli. Þessi niðurstaða fékkst þrátt fyrir ítrekaðar tilraunir forystumanna Eflingar til að hafa neikvæð áhrif á kosningarnar með því að tala samninginn niður og dreifa villandi upplýsingum um hann í ýmsum fjölmiðlum.
Eins og áður hefur komið fram er um að ræða skammtímasamning sem gildir til 31. janúar 2024 og er mikill kostur að þessi nýi samningur nær að taka við í beinu framhaldi af þeim kjarasamningi sem rann út þann 1. nóvember síðastliðinn. Nýja kauptaxta má sjá hér.
Verkalýðsfélag Akraness
Kt. 680269-6889
Til skrifstofunnar geta félagsmenn leitað eftir
upplýsingum og annarri aðstoð.
300 Akranes
4309900
skrifstofa@vlfa.is
Mánudag-fimmtudag kl. 08:00-16:00 og föstudaga kl. 8:00-15:15. Utan afgreiðslutíma félagsins er hægt að ná í formann félagsins, Vilhjálm Birgisson, í síma 865-1294.
