Orlofshús og íbúðir á Akureyri
Verkalýðsfélag Akraness á 11 orlofshús og þrjár íbúðir á Akureyri.
Hægt er að skoða lausar helgar yfir vetrartímann og bóka beint á félagavefnum.
Leigjandi fær afhentar moppur og tuskur við útleigu og ber ábyrgð á að skila húsinu hreinu að dvöl lokinni. Moppum og tuskum má skila óhreinu á skrifstofu við lok leigutíma.
Sérstök úthlutun fer fram vegna sumartímabils sem og páskavikunnar.
Ein íbúð félagsins á Akureyri er allajafna í lantímaleigu yfir vetrartímann til félagsmanna sem stunda nám fyrir norðan - nánari upplýsingar fást á skrifstofu félagsins.
Kynntu þér orlofshúsin
-
Efstiás 11, Svínadal
-
Bláskógar 12, Svínadal - ekki í útleigu sumar 2024 -
-
Hornsteinn, Hvalfirði
-
Hraunborgir
-
Kjós
-
Illugastaðir, Fnjóskadal - sumar 2024 -
Orlofseignir eru leigðar frá miðvikudegi til miðvikudags á tímabilinu 29. maí - 4. september.
Á sumrin er boðið upp á dvöl í orlofshúsum félagsins í Húsafelli (5), Svínadal (1), Hraunborgum (1), Illugastöðum í Fnjóskadal, Ölfusborgum (1), Kjós (1) og íbúðir á Akureyri (3).
Opnað er fyrir rafrænar umsóknir þann 1. apríl 2024 og umsóknarfrestur er til 15. apríl.
Hægt er að sækja um á félagavefnum eða skila inn útfylltu umsóknareyðublaði á skrifstofu, Þjóðbraut 1.
Nánari upplýsingar um orlofshúsin má sjá í bæklingnum.
Verð fyrir vikuleigu sumarið 2024
- Efstiás í Svínadal - 22.000 kr.
- Illugastaðir Fnjóskadal - 22.000 kr. - NÝTT -
- Ásendi 10 í Húsafelli - 22.000 kr.
- Hraunbrekkur 2 í Húsafelli - 22.000 kr.
- Ásendi 9 í Húsafelli - 25.000 kr.
- Birkihlíð 6 í Húsafelli - 25.000 kr.
- Birkihlíð 11 í Húsafelli - 25.000 kr. - NÝTT -
- Ölfusborgir - 22.000 kr.
- Hraunborgir - 22.000 kr.
- Kjós - 25.000 kr.
- Hornsteinn við Glym í Hvalfirði - 25.000 kr.
- Íbúð á Akureyri - 22.000 kr.
Helstu dagsetningar 2024:
15. apríl - Síðasti dagur til að skila inn umsóknum um orlofshús
16. apríl - Fyrri úthlutun fer fram, allir umsækjendur fá svar í tölvupósti (einnig er hægt að sjá strax hvort bókun hafi myndast inni á Félagavefnum)
1. maí - Eindagi fyrri úthlutunar. Þær vikur sem ekki eru greiddar á eindaga er úthlutað aftur
2. maí - Endurúthlutun fer fram, þeir sem fá úthlutað fá það staðfest í tölvupósti (einnig hægt að sjá strax hvort bókun hafi myndast inni á félagavefnum).
- Kl. 12:00 - Fyrstir koma, fyrstir fá! Hægt að bóka lausar vikur á Félagavefnum og á skrifstofu (athugið að eftir eindaga endurúthlutunar getur lausum vikum fjölgað)
6. maí - Eindagi endurúthlutunar, ógreiddar vikur verða lausar til bókunar á Félagavefnum.
Úthlutun fer þannig fram að allar umsóknir eru skráðar inn í tölvukerfi félagsins. Kerfið raðar öllum umsóknum í röð eftir punktastöðu, þ.e. þeir umsækjendur sem flesta hafa punktana eru fremstir í röðinni og svo koll af kolli. Ef punktar tveggja eru jafnir fær sá eldri úthlutað. Kerfið vinnur sig síðan í gegnum umsóknirnar og úthlutar vikum eftir punktastöðu.
Þeir sem ekki fá úthlutað í fyrri úthlutun lenda sjálfkrafa í endurúthlutun þar sem þeim vikum er úthlutað sem ekki voru greiddar á eindaga fyrri úthlutunar. Fyrir endurúthlutun er heimilt að breyta umsóknum og leggja inn nýjar. Eftir eindaga endurúthlutunar verða lausar vikur auglýstar hér á heimasíðunni og hægt verður að bóka þær á Félagavefnum og á skrifstofu félagsins. Gildir þá hin ágæta regla: Fyrstur kemur, fyrstur fær.
Reikningsupplýsingar orlofssjóðs
Reikningsnúmer:
0186-05-570355
Kt. 680269-6889
Annað
Gistimiðar
Gjafabréf gildir fyrir gistingu í tveggja manna herbergi með morgunverði í eina nótt á þriggja stjörnu Íslandshóteli.
Gjafabréf flug
Verkalýðsfélag Akraness býður félagsmönnum upp á að kaupa gjafabréf hjá Play og Icelandair.
Veiði- og útilegukort
Orlofssjóður VLFA niðurgreiðir Veiðikortið og Útilegukortið til félagsmanna. Kortin eru á um 50% af almennu söluverði.
Veiðileyfi
Veiðileyfi í þremur vötnum í Svínadal: Norðanvert Eyrarvatn, Þórisstaðavatn og Geitabergsvatn.
Úthlutunarreglur
Á sumrin eru orlofshús félagsins leigð félagsmönnum til vikudvalar í senn, en á öðrum tímum eftir samkomulagi.
Reglugerð Orlofssjóðs
Tilgangur sjóðsins er að eiga og reka að hluta eða öllu leyti og eftir nánari samþykktum félagsins orlofshús þess.
