Réttindi hjá Sjúkrasjóði Verkalýðsfélags Akraness
Félagsmenn í Verkalýðsfélagi Akraness njóta fjölbreyttra réttinda hjá sjúkrasjóðnum í samræmi við reglugerð hans. Helstu réttindi eru:
- Fullgildir félagsmenn eiga rétt á sjúkradagpeningum eftir að samningsbundinni kaupgreiðslu lýkur frá atvinnurekenda. Dagpeningar skulu að viðbættum bótum almannatrygginga, greiðslum úr slysatryggingu launafólks eða annarri lögbundinni tryggingu, ekki nema lægri fjárhæð en 80% af meðaltali þeirra heildarlauna sem iðgjald hefur verið greitt af á síðustu 6 mánuðum, þó aldrei lægri fjárhæð en kr. 182.000 miðað við fullt starf en ella hlutfallslega. Hámark dagpeninga er kr. 280.000.
- Ef um veikindi maka eða barna er að ræða er hægt að sækja um styrk til stjórnar sjúkrasjóðs vegna vinnutaps af þeim völdum.
- Sjúkradagpeningar vegna áfengismeðferðar eða fíkniefnameðferðar í allt að 100 daga.
- Fæðingarstyrkur greiðist til félagsmanna sem eignast börn. Fæðingarstyrkurinn er nú kr. 35.000. Séu báðir foreldrar félagsmenn er styrkurinn greiddur með 50% álagi.
- Styrkur vegna glasa-, tæknifrjóvgunar eða ættleiðingar kr. 100.000, þó aðeins í eitt sinn.
- Greiðsla vegna Heilsufarsskoðunar (t.d. krabbameinsskoðun, skoðun hjá Hjartavernd, speglanir) 50% af kostnaði að hámarki 15.000 á 12 mánaða tímabili.
- Gleraugnastyrkur pr. félaga á 24 mánaða tímabili 50% af reikningi þó að hámarki 40.000. Skilyrði er að greitt hafi verið í sjóðinn samfellt í a.m.k. 12 síðustu mánuði. Heimilt er að nýta þennan styrk vegna augnaðgerða, linsukaupa og sjónþjálfunar auk gleraugnakaupa. Gleraugnastyrk er hægt að nýta fyrir barn félagsmanns 50% af reikningi á hámarki kr. 10.000 á 12 mánaða tímabili.
- Heyrnartækjastyrkur pr. félaga á 36 mánaða tímabili 50% af reikningi þó að hámarki 40.000,- Skilyrði er að greitt hafi verið í sjóðinn samfellt í a.m.k. 12 síðustu mánuði.
- Heilsueflingarstyrkur pr. félaga á 12 mánaða tímabili 50% af reikningi þó að hámarki 20.000. Skilyrði er að greitt hafi verið í sjóðinn samfellt í 12 síðustu mánuði.
- Félagsmenn sem fara í sjúkraþjálfun/sjúkranudd hjá löggiltum sjúkraþjálfara/sjúkranuddara fá endurgreiddan helming kostnaðar, allt að 50.000 kr. á 12 mánaða tímabili.
- Sama rétt eiga elli- og örorkulífeyrisþegar vegna sjúkraþjálfunar/sjúkranudds, þ.e. allt að 50.000 kr. en aðeins einu sinni. Heimilt er að nýta þennan rétt í eitt skipti til greiðslu dvalar á heilsu- og hjúkrunarheimilum sem bjóða upp á sjúkraþjálfun/ sjúkranudd.
- Sjúkrasjóður veitir dánarbætur kr. 180.000 vegna fráfalls félagsmanns. Rétthafar bóta eru maki félagsmanns og að honum frágengnum börn hans undir 18 ára.
- Styrkur vegna viðtalsmeðferðar hjá sálfræðingum / fjölskylduráðgjöfum. Endurgreiddar eru kr. 3.000 pr. viðtalstíma í allt að 15 skipti. Hámark 45.000 á hverjum 12 mánuðum.
- Styrkur vegna göngugreiningar og innleggjakaupa, kostnaður greiddur allt að kr. 5.000 á hverjum 12 mánuðum.
Hægt er að lesa reglugerð sjúkrasjóðs í heild sinni hér og bótareglur sjóðsins hér
Sótt er um greiðslur á sérstökum eyðublöðum sem hægt er að fá hér eða hjá skrifstofu félagsins.