Hús nr. 11 - Ölfusborgum 

Ölfusborgir	Séð inn í eldhúsið

Notaleg sólstofa var byggð við húsið 2010	Orlofshúsabyggðin Ölfusborgum. Hveragerði í baksýn.

Bústaðurinn er um 40m2 með tveimur svefnherbergjum. Í öðru herberginu eru tvö rúm, annað tvíbreitt og hitt einbreitt, en í hinu herberginu er eitt tvíbreitt rúm. Auk þess er tvíbreiður svefnsófi í stofunni. Sólstofa byggð 2010. Barnarúm er í húsinu. Sængur og koddar eru fyrir 7 manns. Í húsinu er afruglari frá 365 miðlum og hægt að kaupa skammtímaáskrift þegar komið er í húsið, nánari upplýsingar um það eru í húsinu.

Bústaðurinn var allur tekinn í gegn vorið 2010 og endurnýjaður í hólf og gólf.

Góður pallur er við bústaðinn, heitur pottur, gasgrill og garðhúsgögn.

Umhverfið er barnvænt, bílaumferð um svæðið er takmörkuð og á svæðinu eru opin leiksvæði fyrir börnin. Á svæðinu er þjónustumiðstöð sem opin er allan ársins hring. Allt dýrahald í húsunum er með öllu óleyfilegt.

Orlofshverfið er örstutt frá Hveragerði þar sem hægt er að fá alla þjónustu og þar er ágætis sundlaug.  Einnig er stutt á Selfoss og ýmislegt að sjá í sveitunum í kring,  t.d. sjávarþorpin  Þorlákshöfn, Eyrarbakka og Stokkseyri og marga sögufræga staði í Árnessýslu.

Skrifstofa félagsins sér um útleigu en lyklar eru afhentir í þjónustumiðstöðinni gegn framvísun leigusamnings. 

Gestir þurfa sjálfir að fara með rúmföt, handklæði og diskaþurrkur.

Hægt er að sjá fleiri myndir hér.

Kort