http://www.vlfa.is/ Nepal vefumsjón - www.nepal.is http://www.vlfa.is/nr/128712 http://www.vlfa.is/nr/128712 Tue, 15 May 2012 10:46:00 GMT Atvinnurekendur geta ráðskast með lífeyri launafólksEins og fram kom í frétt hér á heimasíðunni þá var ársfundur Lífeyrissjóðs Festu haldinn í gær og eðli málsins samkvæmt var staða sjóðsins og úttektarskýrsla sem Landssamband lífeyrissjóða lét gera umtalsvert til umræðu á þessum ársfundi. Formaður félagsins lagði eins og áður hefur komið fram hér á heimasíðunni fram þrjár tillögur en tvær þeirra voru hins vegar felldar. Í úttektarskýrslunni kom fram að Lífeyrissjóðurinn Festa tapaði tæpum 20 milljörðum króna eða sem nam tæpum 36% af heildareignum sjóðsins. Það var einnig ýjað að því í úttektarskýrslunni að lög um verðbréfaviðskipti er lúta að innherjaupplýsingum hafi verið brotin og á þeirri forsendu lagði formaður félagsins fram tillögu um að fengið yrði óháð lögfræðilegt álit um hvort lög um verðbréfaviðskipti nr. 108/2007 hafi verið brotin. Tillagan hljóðaði með eftirfarandi hætti: Tillaga um óháð lögfræðilegt álit Ársfundur Lífeyrissjóðs Festu samþykkir að fengið verði óháð lögfræðilegt álit á því hvort lög um verðbréfaviðskipti nr. 108 26. júní 2007 sem lúta að innherjaupplýsingum hafi verið brotin eins og ýjað er að í úttektarskýrslunni um Festu á bls. 97. Þegar lögfræðiálitið liggur fyrir mun það verða sent öllum aðildarfélögum Lífeyrissjóðs Festu. -- Í þessu samhengi er rétt að benda á að einn stjórnarmaður í Lífeyrissjóði Festu var einnig stjórnarmaður í Sparisjóði Keflavíkur en Lífeyrissjóðurinn Festa tapaði tæpum 2 milljörðum króna vegna Sparisjóðs Keflavíkur. Um þessi mál er ítarlega fjallað í úttektarskýrslunni á bls. 90, 91, 96 og 97. Og á þessum grunni var áðurnefnd tillaga lögð fram. Það er skemmst frá því að segja að þessi tillaga var felld og það er formanni hulin ráðgáta í ljósi þess að úttektarskýrslan ýjar sterklega að því að þarna hafi lög verið brotin, að fundurinn skyldi ekki vilja fá það á hreint hvort að slíkt lögbrot hafi átt sér stað eður ei. Í atkvæðagreiðslunni kom skýrt fram sá gríðarlegi lýðræðishalli sem er við stjórnun lífeyrissjóða en hjá lífeyrissjóðum á hinum almenna vinnumarkaði fara atvinnurekendur með 50% vægi inni á fundunum og því er nánast útilokað fyrir hinn almenna sjóðsfélaga að koma nokkrum tillögum í gegn ef atvinnurekendur eru þeim mótfallnir. Hin tillagan sem lögð var fram lýtur að gjaldmiðlasamningum en Lífeyrissjóðurinn Festa tapaði uppundir 4 milljörðum króna vegna gjaldmiðlasamninga. Formaður rakti það ítarlega á fundinum sem fram kemur í úttektarskýrslunni að framkvæmdastjóri sjóðsins var andvígur gjaldmiðlasamningunum strax árið 2006 en einhverra hluta vegna juku menn gjaldmiðlavarnir sjóðsins um 5 milljarða á árinu 2007 og það kemur einnig fram hjá skýrsluhöfundum að sjóðnum mátti vera það ljóst að gríðarleg áhætta var af þessum gjaldmiðlasamningum. Það er einnig rétt að vekja athygli á því að það tapaðist álíka mikið á gjaldmiðlasamningum og skuldabréfum fyrirtækja. Tillagan hljóðaði með eftirfarandi hætti: Tillaga um óháð lögfræðilegt álit Ársfundur Lífeyrissjóðs Festu samþykkir að fá óháð lögfræðilegt álit á því hvort samþykktir sjóðsins og lög um skyldutryggingu lífeyrisréttinda og starfsemi lífeyrissjóða (1997 nr. 129) hafi verið brotin vegna gjaldmiðlasamninga sem sjóðurinn gerði. Það liggur fyrir að tap Lífeyrissjóðs Festu vegna gjaldmiðlasamninga er umtalsvert og einnig er rétt að benda á að þessir samningar voru harðlega gagnrýndir, bæði í Rannsóknarskýrslu Alþingis og Úttektarskýrslu um starfsemi lífeyrissjóðanna. Á þeirri forsendu er mikilvægt að fá óháð álit á því hvort þessir samningar hafi staðist samþykktir sjóðsins og áðurnefnd lög. Þegar lögfræðiálitið liggur fyrir mun það verða sent öllum aðildarfélögum Lífeyrissjóðs Festu. -- Enn og aftur er það formanni hulin ráðgáta að þessi tillaga skyldi hafa verið felld. Sérstaklega í ljósi þess að hér var einungis verið að kalla eftir því að fá óháð lögfræðilegt álit á því hvort sjóðurinn hafi farið eftir sínum eigin samþykktum og hvort lög um skyldutryggingu lífeyrisréttinda og starfsemi lífeyrissjóðanna hafi verið brotin. Það er rétt að benda á enn og aftur að Lífeyrissjóðurinn Festa tapaði 4 milljöðrum króna á gjaldmiðlasamningum sem er ekkert annað en gjaldeyrisbrask. Það liggur fyrir að lífeyrissjóðirnir hafa heimild til að dreifa sinni áhættu með því að fjárfesta erlendis og er það gert til þess að mæta til dæmis gengissveiflum. Þess vegna var með ólíkindum hversu miklu sjóðurinn varði í þessar gjaldmiðlavarnir en þær námu 75% af heildar erlendum eignum sjóðsins. Í þessu fólst stórkostleg áhætta sem nú hefur birst sjóðsfélögum með skelfilegum afleiðingum. Því er eðlileg spurning fyrir hinn almenna sjóðsfélaga hvort samþykktir og áðurnefnd lög hafi verið brotin. Enn og aftur komu fulltrúar atvinnurekenda ríðandi fram með atkvæðaspjöld sín en á fundinum í gær voru 6 fulltrúar atvinnurekenda sem höfðu 50% vægi á fundinum þannig að hvert atkvæði frá einum fulltrúa atvinnurekenda virkaði sem 10 atkvæði en fulltrúar sjóðsfélaga voru 60 talsins þannig að það var útilokað og er útilokað fyrir hinn almenna sjóðsfélaga að fá eina einustu tillögu samþykkta ef að atvinnurekendur eru henni andvígir. Þennan lýðræðishalla og þetta lýðræðisofbeldi verður að stöðva í eitt skipti fyrir öll því það er ljóst að iðgjöld sem eru greidd í lífeyrissjóð eru eign sjóðsfélagans og því hefur atvinnurekandinn ekkert með það að gera að vera að ráðskast með fjármuni hins almenna sjóðsfélaga. Það eru ugglaust til dæmi þess að fulltrúi atvinnurekanda sé ekki einu sinni sjóðsfélagi í þeim sjóði sem hann er stjórnarmaður í. Formaður sagði einnig á þessum fundi að það færi um hann kaldur hrollur að heyra orð eins og framkvæmdastjórinn lét falla um að það væri mikil ábyrgð fólgin í því að stjórna lífeyrissjóði þegar hann rökstuddi launahækkun til stjórnar. Formaðurinn spurði hvar þessi ábyrgð lægi en nú liggur fyrir að lífeyrissjóðskerfið tapaði 500 milljörðum króna og ekki einn einasti framkvæmdastjóri eða forstjóri lífeyrissjóðs hefur borið eina einustu ábyrgð og virðast ekki ætla að bera hana. Hann ítrekaði því þá skoðun sína að allir framkvæmdastjórar og forstjórar lífeyrissjóða eigi að axla sína ábyrgð á þessu grímulausa tapi sem lífeyrissjóðirnir urðu fyrir og segja af sér. Hann sagði einnig að það hafi verið nöturlegt þegar að lífeyrissjóðselítan hafi keypt heilsíðuauglýsingar til að koma því á framfæri að lífeyrissjóðskerfið stæði traustum fótum og ætti heila 2.100 milljarða í eignum. Formaðurinn sagði að það hafi vantað inn í þessa auglýsingu að lífeyrissjóðskerfið vantar 700 milljarða til þess að geta staðið við sínar framtíðarskuldbindingar samkvæmt tryggingafræðilegri stöðu lífeyrissjóðskerfisins í heild sinni. Hvernig í ósköpunum geta menn þá sagt að þetta sé besta kerfi sem til er? Formaðurinn sagði einnig að hann gerði orð Stefáns Ólafssonar, prófessors í félagsfræði við HÍ, að orðum sínum en Stefán sagði í útvarpsviðtali að þegar að þessir menn sem stjórna lífeyrissjóðunum fara að segja að þetta sé besta lífeyrissjóðskerfi í heimi þá eigi allar aðvörunarbjöllum að hringja hjá hinum almenna sjóðsfélaga. Og það er full ástæða til þess að skoða þetta kerfi algjörlega frá grunni og er forgangsverkefni að koma í veg fyrir það að það lýðræðisofbeldi sem birtist með atkvæðagreiðslu atvinnurekenda inni í lífeyrissjóðunum verði stöðvað án tafar. http://www.vlfa.is/nr/128702 http://www.vlfa.is/nr/128702 Tue, 15 May 2012 10:40:00 GMT Í gær var haldinn ársfundur Lífeyrissjóðs Festu á Grandhóteli. Formaður Verkalýðsfélags Akraness lagði fram þrjár tillögur á þessum fundi og verður gert betur grein fyrir öllum tillögunum í annarri frétt sem birtist hér á heimasíðunni. Í þessari frétt verður gerð grein fyrir þeirri tillögu sem var samþykkt en það er skemmst frá því að segja að ein tillaga fékkst samþykkt en tvær voru hins vegar felldar. Sú tillaga sem var samþykkt laut að þeirri ótrúlegu launahækkun sem ársfundur Framtakssjóðs Íslands samþykkti ekki alls fyrir löngu en sú hækkun nam 80% og voru stjórnarlaun hækkuð úr 100 þúsund krónum í 180 þúsund krónur. Rétt er að geta þess að Festa er aðili að Framtakssjóði Íslands og því ber okkur skylda til þess að mótmæla slíkum ofurlaunahækkunum eins og þær sem samþykktar voru hjá Framtakssjóði Íslands. Ályktunin sem var samþykkt hljóðaði með eftirfarandi hætti: Ályktun Ársfundur Lífeyrissjóðs Festu krefst þess að stjórn Framtakssjóðs Íslands dragi tafarlaust til baka ákvörðun ársfundar sjóðsins um að hækka stjórnarlaun sjóðsins um 80% eða úr 100 þúsund krónum í 180 þúsund krónur. Þessi hækkun er sem blaut tuska framan í íslenskt launafólk og er ekki í nokkru samræmi við það sem er að gerast á íslenskum vinnumarkaði og ber skýran vott um alvarlegan siðferðisbrest og græðgi af hálfu þeirra sem samþykktu áðurnefnda hækkun. Þessi ofurhækkun er ekki í neinu samræmi við þær þrengingar sem launafólk hefur mátt þola á undanförnum mánuðum og árum sem meðal annars hafa birst í skerðingu á lífeyrisréttindum þeirra sem eru aðilar að Framtakssjóði Íslands. Þetta getur ekki verið hið nýja siðferði sem taka átti upp við stjórnun lífeyrissjóða með því að dengja framan í íslenskt launafólk 80% launahækkun fyrir stjórnarsetu í Framtakssjóði sem gerir það að verkum að stjórnarmenn sjóðsins eru með sem nemur grunnlaunum almenns fiskvinnslumanns. http://www.vlfa.is/nr/128565 http://www.vlfa.is/nr/128565 Fri, 11 May 2012 08:45:00 GMT Aukaþing Starfsgreinasambands Íslands var haldið í gær en Verkalýðsfélag Akraness átti 6 fulltrúa á þinginu. Meginverkefni þingsins voru lagabreytingar en eins og allir vita þá hafa staðið yfir deilur í SGS um alllanga hríð og voru þessar lagabreytingar að hluta til ætlaðar til þess að lægja þær öldur. Það liggur alveg fyrir að þessar lagabreytingar eru sniðnar til að friða stærsta félagið innan SGS en það liggur alveg ljóst fyrir að Flóabandalagið hefur oft ýjað að því að fara út úr SGS. Þessar lagabreytingar sem samþykktar voru í gær eru að mati fulltrúa Verkalýðsfélags Akraness veruleg skerðing á lýðræði innan SGS enda er verið að fækka í framkvæmdastjórn úr 13 manns niður í 7. Vissulega tókst þó á fundinum í gær að auka fjölda formannafunda en þeir verða fjórir þegar ekki er þingað en það er þingað annað hvert ár en þrír formannafundir verða þegar þing er. http://www.vlfa.is/nr/128400 http://www.vlfa.is/nr/128400 Tue, 08 May 2012 10:46:00 GMT Það er óhætt að segja að þolinmæði smábátasjómanna sé löngu þrotin en þeir eru eina starfsstéttin hér á landi sem ekki nýtur þeirra lágmarksmannréttinda að hafa kjarasamning sem tryggir þeim hin ýmsu réttindi og kjör eins og allir kjarasamningar gera. Rétt er að geta þess að smábátasjómenn hafa aldrei haft í gildi kjarasamning sem er verkalýðshreyfingunni, smábátaeigendum og samfélaginu öllu til ævarandi skammar. Eins og áður sagði þá eru smábátasjómenn orðnir æfir yfir því hversu hægt gengur að semja um kjarasamning fyrir þá og þeir geta ekki stundinni lengur sætt sig við að hafa ekki gildandi kjarasamning. Fjölmargir smábátasjómenn hafa haft samband við Verkalýðsfélag Akraness að undanförnu og líst vanþóknun sinni á þeim seinagangi sem viðgengst hjá Landssambandi smábátaeigenda og Sjómannasambandi Íslands en þessir aðilar hafa verið í viðræðum í marga mánuði án nokkurs árangurs. Það voru uppundir 40 smábátasjómenn sem óskuðu eftir inngöngu í sjómannadeild Verkalýðsfélags Akraness fyrir nokkrum mánuðum síðan og óskuðu eftir að félagið myndi aðstoða þá við að ganga frá nýjum kjarasamningi. VLFA óskaði eftir viðræðum við Landssamband smábátaeigenda og hafði í hyggju að afturkalla samningsumboðið frá SSÍ. En þar sem Landssamband smábátaeigenda hafnaði viðræðum á meðan þeir væru í viðræðum við SSÍ var ekki grundvöllur fyrir félagið að draga samningsumboðið til baka að svo stöddu. Íslensk stjórnvöld eiga að sjá til þess að smábátaeigendur fái alls ekki úthlutað aflaheimildum á næsta fiskveiðiári sem tekur gildi 1. september næstkomandi ef ekki verður kominn á samningur á milli aðila. Á fundi sem formaður VLFA sat með Steingrími J. Sigfússyni atvinnumálaráðherra, lýsti hann þessum áhyggjum sínum vegna samningsleysis smábátasjómanna og hvatti Steingrím til að tryggja í núverandi frumvarpi með afgerandi hætti að ekki kæmi til úthlutunar aflaheimilda til smábátaeigenda ef ekki væri búið að ganga frá kjarasamningi. Það var að heyra á ráðherranum að það væri algjörlega óásættanlegt að ekki væri í gildi kjarasamningur og nefndi Steingrímur það að ef ekki tækist að semja um nýjan kjarasamning þá væri ekkert annað í stöðunni fyrir stjórnvöld en að setja lög sem tryggja meðal annars skiptaprósentur smábátasjómanna. Sumir smábátasjómenn segja að það eina sem smábátaeigendur geti komið sér saman um sé hvað eigi ekki að greiða smábátasjómönnum. Ugglaust koma flestir smábátaeigendur vel fram við sína sjómenn en það er bláköld staðreynd að innan um í þessari grein sem og öðrum eru bikasvartir einstaklingar sem víla sér ekki við að kolbrjóta á sínum starfsmönnum. Það er einnig ömurlegt til þess að vita að smábátasjómönnum er stundum tilkynnt þegar þeir fara á sjó að búið sé að breyta skiptaprósentu og öðrum kjörum og vegna þess að þeir hafa engan kjarasamning í gildi þá geta þeir lítið sem ekkert sagt og ef að þeir segja eitthvað þá eru meiri en minni líkur á því að viðkomandi þurfi að taka pokann sinn. Það er alveg ljóst að Sjómannasamband Íslands verður að hysja upp um sig buxurnar í þessum samningaviðræðum og ef þeir ekki treysta sér til þess að klára kjarasamning þá verða þeir að hleypa öðrum að samningaborðinu. Og það er einnig gríðarlega mikilvægt að smábátasjómennirnir sjálfir sýni sterka samstöðu við að láta þetta grímulausa óréttlæti, sem birtist í því að hafa ekki kjarasamning eins og allir aðrir íslenskir launþegar, yfir sig ganga. http://www.vlfa.is/nr/128289 http://www.vlfa.is/nr/128289 Fri, 04 May 2012 12:00:00 GMT Endurúthlutun orlofshúsa er nú lokið. Af þeim 53 vikum sem lausar voru eftir fyrri úthlutun, gengu 33 vikur út í endurúthlutun. Sömu úthlutunarreglur gilda í báðum úthlutunum, ef fleiri en einn sækja um sömu vikuna fær sá úthlutað sem á fleiri punkta. Það eru því 20 vikur eftir í pottinum og um þær gildir hér eftir reglan: Fyrstur kemur, fyrstur fær. Eindagi endurúthlutunar er 15. maí. Eftir þann tíma verða ógreiddar bókanir felldar niður og bætast í pottinn. Hægt er að bóka lausar vikur á skrifstofu félagsins og á FÉLAGAVEFNUM. http://www.vlfa.is/nr/128188 http://www.vlfa.is/nr/128188 Wed, 02 May 2012 13:00:00 GMT Frá kröfugöngu á Akranesi í gærUm 200 manns tóku þátt í hátíðarhöldum vegna 1. maí á Akranesi í gær. Dagskráin hófst með kröfugöngu kl. 14:00, og annaðist Skólahljómsveit Akraness hljóðfæraleik í göngunni af miklum myndarskap. Að göngu lokinni safnaðist fólk saman á Kirkjubraut 40, þar sem hátíðar- og baráttufundur var settur. Ræðumaður dagsins, Vilhjálmur Birgisson, kom víða við í sinni ræðu og féll hún vel í kramið hjá fundargestum. Kvennatríóið Stúkurnar sá um tónlistarflutning og sungu nokkur lög. Að venju sameinuðust fundargestir í fjöldasöng í lok dagskrár og sungu Maístjörnuna og Internasjónalinn. Það var Lionsklúbburinn Eðna sem sá um glæsilegar kaffiveitingar sem fundargestum var boðið upp á að dagskrá lokinni. Hægt er að lesa ræðu Vilhjálms Birgissonar með því að smella hér. http://www.vlfa.is/nr/128133 http://www.vlfa.is/nr/128133 Mon, 30 Apr 2012 14:40:00 GMT Hátíðarhöld á Akranesi vegna 1. maí verða með hefðbundnum hætti. Safnast verður saman við Kirkjubraut 40 kl. 14:00 og genginn hringur á neðri-Skaga. Að göngu lokinni verður hátíðardagskrá í sal Verkalýðsfélags Akraness á 3ju hæð Kirkjubrautar 40. Ræðumaður dagsins er Vilhjálmur Birgisson. Kvennatríóið Stúkurnar munu syngja nokkur lög og boðið verður upp á veglegar kaffiveitingar. Félagsmenn eru hvattir til að fjölmenna og taka þátt í dagskránni. http://www.vlfa.is/nr/128076 http://www.vlfa.is/nr/128076 Fri, 27 Apr 2012 14:34:00 GMT Fréttabréf Verkalýðsfélags Akraness er komið út og verður því dreift á öll heimili á Akranesi og í nágrenni í dag og á mánudaginn. Þeir félagsmenn sem búa utan póstnúmera 300 og 301 fá fréttabréfið sent heim til sín. Meðal efni blaðsins er viðtal við Sigurð Guðjónsson, formann Iðnsveinadeildar VLFA, pistill um sögu 1. maí og ýmsar upplýsingar um þjónustu og starfsemi félagsins. Hægt er að lesa fréttabréfið með því að smella hér. Undir hnappinum "Fréttabréf" hér hægra megin á síðunni má sjá öll Fréttabréf Verkalýðsfélags Akraness frá upphafi. http://www.vlfa.is/nr/128022 http://www.vlfa.is/nr/128022 Thu, 26 Apr 2012 15:38:00 GMT Í dag féll dómur í Héraðsdómi Vesturlands í máli félagsmanns Verkalýðsfélags Akraness vegna brota á hvíldarákvæði í kjarasamningi. Málavextir voru þeir að starfsmaður sem var að vinna á veitingastað hér í bæ árið 2009 leitaði til félagsins vegna brota á hvíldarákvæðum. Eftir að félagið hafði farið yfir málið og reynt að ná niðurstöðu við eiganda veitingastaðarins án árangurs var málinu vísað til lögmanns félagsins. Krafa lögmannsins fyrir hönd starfsmannsins var að hún fengi greidda hvíldartímana eins og kjarasamningar kveða á um og nam sú krafa rúmum 256 þúsund krónum. Það er skemmst frá því að segja að dómurinn tók kröfur lögmanns félagsins allar til greina og voru starfsmanninum dæmdar rúmar 256 þúsund krónur auk dráttarvaxta sem þýðir að starfsmaðurinn mun fá rúmar 320 þúsund krónur greiddar vegna þessa brota fyrirtækisins. Einnig var rekstraraðili veitingastaðarins dæmdur til að greiða málskostnað starfsmannsins að fjárhæð 650 þúsund krónur. Það er stefna stjórnar Verkalýðsfélags Akraness að fara í öll mál af fullri hörku þegar um kjarasamningsbrot er að ræða gagnvart okkar félagsmönnum. Og það var gert í þessu máli, eftir að búið var að leita allra leiða til að ná sátt við viðkomandi atvinnurekanda án árangurs eins og áður sagði. Það er líka morgunljóst að félagið mun ekki horfa í krónur og aura þegar réttindi okkar félagsmanna eru í húfi. Hægt er að lesa dóminn með því að smella hér. http://www.vlfa.is/nr/128008 http://www.vlfa.is/nr/128008 Thu, 26 Apr 2012 11:29:00 GMT Nú um helgina, 27. til 29. apríl, fer fram svokölluð Atvinnu- og nýsköpunarhelgi á Akranesi í húsnæði Fjölbrautaskóla Vesturlands. Tilgangurinn með þessum viðburði er að hjálpa hugmyndum fólks að verða að veruleika. Umsjónaraðili verkefnisins er Innovit nýsköpunar- og frumkvöðlasetur og er viðburðurinn haldinn í samstarfi við Akraneskaupstað. Viðburðurinn er að erlendri fyrirmynd sem reynst hefur vel og eru viðlíka helgar haldnar um allan heim. Markmið helganna er að virkja fólk til athafna og er hver helgi hugsuð sem vettvangur fyrir þá sem langar að koma eigin viðskiptahugmynd í framkvæmd eða taka þátt í uppbyggingu hugmynda annarra. Viðburðirnir standa yfir frá föstudegi til sunnudags og þar fá þátttakendur tækifæri til að vinna að hugmyndum sínum og njóta leiðsagnar og innblásturs frá sérfróðum aðilum. Vegleg verðlaun verða veitt fyrir bestu verkefnin, enginn kostnaður er við þátttöku og aldurstakmark er 18 ára. Á viðburðunum fá þátttakendur tækifæri til þess að vinna saman að frumgerð vöru eða þjónustu sem síðar getur orðið að fullvaxta fyrirtæki. Þetta er því kjörið tækifæri fyrir þá sem langar að koma hugmynd sinni í framkvæmd og fá til þess aðstoð sér að kostnaðarlausu. Hér má sjá auglýsingu um atvinnu- og nýsköpunarhelgina. http://www.vlfa.is/nr/127973 http://www.vlfa.is/nr/127973 Wed, 25 Apr 2012 13:35:00 GMT Vilhjálmur Birgisson, formaður VLFA og Sigurður Guðjónsson, formaður iðnsveinadeildar á aðalfundi félagsins í gær. Aðalfundur Verkalýðsfélags Akraness var haldinn í gær og er óhætt að segja að afkoma félagsins á síðasta ári hafi verið mjög góð en rekstrarafgangur var á félaginu sem nemur 73 milljónum króna. Félagstekjur jukust um tæp 7% á milli ára sem má að hluta til rekja til þess að fjöldi fólks vítt og breitt um landið hefur gengið í félagið á síðastliðnu ári. Formaður rifjaði það upp að þegar ný stjórn tók við Verkalýðsfélagi Akraness þann 19. nóvember 2003 þá var félagið fjárvana og í algjörri tilvistarkreppu. Sem dæmi var félagssjóður rekinn á 2,5 milljóna króna yfirdrætti eða með öðrum orðum, félagssjóður átti ekki fyrir daglegum rekstri. Sem betur fer hefur nýrri stjórn tekist að byggja félagið upp fjárhagslega sem félagslega því ekkert stéttarfélag getur veitt góða þjónustu nema vera fjárhagslega og félagslega sterkt. Þessi góða afkoma hefur verið notuð í að bæta þjónustu við félagsmenn og auka hin ýmsu réttindi þeirra. Þetta birtist meðal annars í 9 nýjum styrkjum úr sjúkrasjóði frá því núverandi stjórn tók við ásamt fjölmörgum öðrum réttindum sem félagsmönnum nú býðst. Einnig fjárfesti félagið í nýjum og glæsilegum bústað í Kjós í Hvalfirði vegna fjölgunar félagsmanna og er óhætt að segja að þessi nýi bústaður hefur fallið vel í kramið hjá félagsmönnum enda afar glæsilegur eins og áður sagði. Formaður gerði grein fyrir starfseminni á síðasta ári en óhætt er að segja að síðasta ár hafi verið afar yfirgripsmikið enda voru allir kjarasamningar félagsins lausir á síðasta ári. Gríðarleg barátta var vegna margra þeirra samninga sem félagið var með og nægir að nefna í því samhengi að félagið lét kjósa um verkfallsheimild í tveimur þessara samninga en það var annars vegar í Síldarbræðslunni og hins vegar hjá starfsmönnum Klafa á Grundartanga. Einnig voru mikil átök við kjarasamningsgerðina fyrir starfsmenn Elkem Ísland og Norðurál. Formaður fór á fundinum yfir samræmdu launastefnuna sem mótuð hafði verið hjá Samtökum atvinnulífsins og ASÍ, launastefnu sem byggðist á því að samið yrði um sömu launahækkanir fyrir alla launþega, algjörlega óháð getu hverrar atvinnugreinar fyrir sig. Það kom fram í máli formanns að vegna samræmdu launastefnunnar hafi félagið slitið sig alfarið frá kjarasamningsgerð með ASÍ með því að taka samningsumboðið til félagsins. Sem betur fer náðist að brjóta samræmdu launastefnuna á bak aftur hvað varðar stóriðjufyrirtækin á Grundartanga en hins vegar tókst það ekki á hinum almenna vinnumarkaði. Það kom einnig fram í máli formanns að það sé nöturlegt til þess að vita að ASÍ skuli hafa lagt stein í götu þess að lagfæra og leiðrétta laun fiskvinnslufólks á grundvelli sterkrar stöðu útgerðarinnar vegna gengisfalls íslensku krónunnar. En á þeim bænum vildu menn að fiskvinnslufólk yrði inni í svokallaðri samræmdri launastefnu. Það var afar ánægjulegt fyrir starfsmenn og stjórn félagsins að heyra þau hlýju orð sem fundarmenn létu falla í garð félagsins enda gerir slíkt ekkert annað en að hvetja okkur enn frekar til dáða við að bæta réttindi og hagsmunagæslu fyrir okkar félagsmenn enda er það stefna stjórnar Verkalýðsfélags Akraness að vera það stéttarfélag sem býður félagsmönnum sínum upp á bestu þjónustu sem völ er á. http://www.vlfa.is/nr/127779 http://www.vlfa.is/nr/127779 Fri, 20 Apr 2012 10:21:00 GMT Aðalfundur Verkalýðsfélags Akraness verður haldinn þriðjudaginn 24. apríl kl. 18:00 á Gamla Kaupfélaginu, Kirkjubraut 11, Akranesi, eins og áður hefur verið auglýst. Dagskrá: 1. Skýrsla stjórnar fyrir liðið starfsár. 2. Endurskoðaðir reikningar félagsins lagðir fram til afgreiðslu. 3. Kosningar sem þurfa að fara fram á aðalfundi samkvæmt 28. grein laga félagsins. 4. Ákvörðun félagsgjalda. 5. Breytingar á grein 12.4 í reglugerð sjúkrasjóðs. 6. Breytingar á 1. og 2. gr. laga félagsins 7. Önnur mál. Á aðalfundi verða ekki afgreiddar með atkvæðagreiðslu aðrar tillögur og ályktanir en þær sem borist hafa til skrifstofu félagsins 5 dögum fyrir aðalfund eins og 28. grein laga félagsins kveður á um. Ársreikningur félagsins mun liggja frammi á skrifstofu félagsins viku fyrir aðalfund. Komi tillögur eða ályktanir fram þá munu þær liggja frammi á skrifstofu félagsins og verða einnig kynntar á heimasíðu félagsins. Félagsmenn eru eindregið hvattir til að mæta. Boðið verður upp á kvöldverð eftir fundinn. http://www.vlfa.is/nr/127726 http://www.vlfa.is/nr/127726 Wed, 18 Apr 2012 14:18:00 GMT Notum svigrúmið sem útgerðin hefur til að lagfæra launakjör fiskvinnslufólks.Stjórn Verkalýðsfélags Akraness getur ekki undir nokkrum kringumstæðum stutt lagafrumvörp um stjórn fiskveiða og um veiðileyfagjald á meðan ekki hefur farið fram ítarleg rannsókn á hvaða áhrif þessi frumvörp hafa á atvinnuöryggi og kjör fiskvinnslufólks, sjómanna og síðast en ekki síst á byggðir þessa lands. Rétt er geta þess að hundruð félagsmanna VLFA starfa í sjávarútvegsgreinum bæði til sjós og lands og því eru miklir hagsmunir í húfi fyrir félagsmenn VLFA að ekki sé verið að gera þannig breytingar á stjórnun fiskveiða að þær ógni atvinnuöryggi þeirra sem starfa í greininni. Því ítrekar stjórn VLFA það að félagið getur ekki stutt þessi frumvörp og telur það í raun og veru ámælisvert að leggja þau fram án þess að kanna hver áhrifin eru á atvinnuöryggi og kjör þeirra sem starfa í greininni. Það er mat félagsins að það svigrúm sem útgerðin hefur, verði notað til að lagfæra og leiðrétta launakjör fiskvinnslufólks, en þau eru verkalýðshreyfingunni, Samtökum atvinnulífsins og útgerðinni til ævarandi skammar. Rétt er að upplýsa að heildarlaun sérhæfðs fiskvinnslumanns eftir 15 ára starf eru einungis 230.000 kr. Formaður Verkalýðsfélags Akraness veltir því fyrir sér hvort fyrirhugað auðlindagjald sé af sama meiði og kolefnisskatturinn sem átti m.a að leggja á Elkem Ísland fyrir áramót, en sú skattlagning stefndi atvinnuöryggi þeirra sem þar störfuðu í algjöra óvissu eins og frægt var. Að þessu sögðu þá krefst félagið þess að fram fari ítarleg óháð rannsókn á því hver áhrifin af þessum frumvörpum verða á atvinnuöryggi og kjör fiskvinnslufólks og sjómanna í byggðum þessa lands. http://www.vlfa.is/nr/127615 http://www.vlfa.is/nr/127615 Mon, 16 Apr 2012 13:12:00 GMT Járnblendiverksmiðja Elkem á GrundartangaElkem Ísland greiddi í dag fastráðnum starfsmönnum sínum 150 þúsund króna eingreiðslu, væntanlega vegna góðrar afkomu fyrirtækisins. Greiðslan miðast við þá starfsmenn sem hafa verið í starfi hjá Elkem frá 1. apríl 2011 til marsloka 2012 og greiðist í hlutfalli við starfstíma. Rétt er að geta þess að greiðslan nær ekki til þeirra sem eru lausráðnir eins og t.d sumarafleysingamenn. Rétt er einnig að geta þess að þegar gengið var frá kjarasamningi við Elkem Ísland í fyrra, 19. apríl 2011, þá ákváðu eigendur Elkem Ísland að greiða starfsmönnum sínum eingreiðslu sem nam föstum mánaðarlaunum hvers starfsmanns vegna góðrar afkomu. Er óhætt að segja að samningurinn sem gerður var við Elkem í fyrra hafi verið gríðarlega góður enda nam eingreiðslan og afturvirkni samningsins um 500 þúsund krónum fyrir hvern starfsmann. Núna hafa þeir eins og áður sagði komið með 150 þúsund króna eingreiðslu til viðbótar sem væntanlega miðast við góða afkomu fyrirtækisins á síðasta ári og verður þetta að teljast afar jákvætt fyrir starfsmennina. Það er ánægjulegt að sjá þegar fyrirtæki taka þá ákvörðun að láta starfsmenn sína sem jú skapa velferð hvers fyrirtækis fyrir sig njóta ávinnings þegar vel árar í fyrirtækjum. Það hefur Elkem Ísland nú gert í tvígang og nema þessar eingreiðslur síðustu tveggja ára um 500 þúsund krónum hjá starfsmanni með 10 ára starfsreynslu og ljóst að starfsmenn munar um minna. Þessar eingreiðslur eru svo sannarlega til eftirbreytni fyrir önnur fyrirtæki sem eru starfrækt í útflutningi og hafa verið að njóta góðs af gengisfalli íslensku krónunnar enda hefur launahlutfall fyrirtækja sem starfa í útflutningi hríðlækkað í kjölfar falls íslensku krónunnar. http://www.vlfa.is/nr/127499 http://www.vlfa.is/nr/127499 Thu, 12 Apr 2012 12:25:00 GMT Hús félagsins í Svínadal Á morgun rennur út frestur til að skila umsóknum um dvöl í orlofshúsum Verkalýðsfélags Akraness sumarið 2012 og strax eftir helgi verður úthlutað. Úthlutun fer þannig fram að allar umsóknir eru skráðar inn í tölvukerfi félagsins. Kerfið raðar öllum umsóknum í röð eftir punktastöðu, þ.e. þeir umsækjendur sem flesta hafa punktana eru fremstir í röðinni og svo koll af kolli. Ef punktar tveggja eru jafnir fær sá úthlutað sem fyrr sótti um. Kerfið vinnur sig síðan í gegnum umsóknirnar og úthlutar vikum eftir punktastöðu. Þeir sem ekki fá úthlutað í fyrri úthlutun lenda sjálfkrafa í endurúthlutun þar sem þeim vikum er úthlutað sem ekki voru greiddar á eindaga fyrri úthlutunar. Leyfilegt er að breyta umsóknum fyrir endurúthlutun. Helstu dagssetningar: 13. apríl - Frestur til að skila inn umsóknum um orlofshús 16. apríl - Fyrri úthlutun fer fram, allir umsækjendur fá svarbréf í pósti (einnig er hægt að sjá strax inni á félagavefnum) 02. maí - Eindagi fyrri úthlutunar, þeim vikum sem ekki eru greiddar á eindaga er úthlutað aftur 04. maí - Endurúthlutun fer fram, þeir sem fá úthlutað fá það staðfest með bréfi 04. maí - Kl. 12:00 - Fyrstir koma, fyrstir fá! Þeir sem fyrstir koma geta bókað lausar vikur (athugið að eftir eindaga endurúthlutunar getur lausum vikum fjölgað) 11. maí - Eindagi endurúthlutunar http://www.vlfa.is/nr/127478 http://www.vlfa.is/nr/127478 Thu, 12 Apr 2012 08:17:00 GMT Útilegukortið 2012 er komið í sölu á skrifstofu félagsins. Orlofssjóður VLFA niðurgreiðir kortið til félagsmanna svo félagsmenn geta keypt kortið á kr. 8.000. Fullt verð á kortinu er kr. 14.900 svo afslátturinn er rétt tæp 50%. Kortið veitir félagsmönnum aðgang að 44 tjaldsvæðum um allt land og gildir fyrir tvo fullorðna og allt að fjögur börn upp að 16 ára aldri. Eftirfarandi tjaldsvæði hafa bæst í hópinn frá því í fyrra: Mosfellsbær, Skagaströnd, Steingrímsstaðir, Lundur í Öxarfirði, Horn - Höfn í Hornafirði og Sandgerði. Athugið að gistináttaskattur er ekki innifalinn í Útilegukortinu og þurfa handhafar þess því að greiða aukalega kr. 100 fyrir gistinóttina. Aðeins er greitt eitt gjald fyrir hvert kort, en ekki gjald á hvern einstakling, svo fimm manna fjölskylda þarf aðeins að greiða kr. 100 fyrir gistinóttina. Nánari upplýsingar um Útilegukortið, tjaldsvæðin og nánari reglur er að finna á heimasíðu Útilegukortsins: www.utilegukortid.is. http://www.vlfa.is/nr/127418 http://www.vlfa.is/nr/127418 Tue, 10 Apr 2012 13:01:00 GMT Á föstudaginn næstkomandi mun Starfsgreinasamband Íslands halda fund með aðildarfélögum sínum þar sem kvótafrumvörpin verða til umræðu og á þeim fundi á að móta afstöðu SGS til fyrirliggjandi frumvarpa. Það eru miklir hagsmunir í húfi fyrir Verkalýðsfélag Akraness þegar að sjávarútvegsmálum kemur, einfaldlega vegna þess að fjölmargir félagsmenn þess vinna við sjómennsku og fiskvinnslu. Afstaða Verkalýðsfélags Akraness hefur ætíð verið hvellskýr þegar kemur að umræðu um breytingar á fiskveiðistjórnunarkerfinu en krafa félagsins hefur verið að hagsmunir sjómanna, fiskvinnslufólks og þjóðarinnar allrar skyldu hafðir að leiðarljósi þegar kemur til breytinga á þessari mikilvægu auðlind okkar. Formaður hefur verið að kynna sér fyrirliggjandi frumvörp vegna áðurnefndra hagsmuna því það má ekki undir nokkrum kringumstæðum skattleggja þessa grein með þeim hætti að það ógni starfsöryggi og kjörum fiskvinnslufólks og sjómanna. En því miður er æði margt sem bendir til að svo geti orðið en það er himinn og haf sem skilur að þegar kemur að því að meta áhrifin af veiðileyfagjaldinu. Á meðan stjórnvöld halda því fram að auðlindagjaldið sé vel innan viðráðanlegra marka fyrir útgerðina þá segja útgerðarmenn að það muni leiða til fjölda gjaldþrota í greininni og vitna meðal annars í úttekt sem Deloitte gerði á áhrifum veiðileyfagjaldsins. Það er gríðarlega mikilvægt að það verði fenginn óháður aðili til að meta áhrifin af þessum frumvörpum því eins og áður sagði þá má alls ekki ógna starfsöryggi sjómanna og fiskvinnslufólks. Afstaða Verkalýðsfélags Akraness hefur einnig verið sú að eðlilegt sé að útgerðir greiði eðlilegt og sanngjarnt gjald fyrir afnot af auðlindinni og einnig að tryggt sé að auðlindin sé sameign íslensku þjóðarinnar. Það er öllum ljóst að afar vel árar nú í íslenskum sjávarútvegi og því er það sorglegt að í síðustu kjarasamningum hafi ekki verið notað það svigrúm sem útgerðin hefur til að lagfæra laun fiskvinnslufólks umtalsvert. Það mátti ekki vegna þess að Alþýðusamband Íslands og Samtök atvinnulífsins voru búin að móta og meitla í stein svokallaða samræmda launastefnu þar sem ekki mátti taka tillit til sterkrar stöðu útflutningsfyrirtækja eins og til dæmis sjávarútvegsfyrirtækja. Þarna var kjörið tækifæri til að lagfæra kjör fiskvinnslufólks enda eru þau íslenskri verkalýðshreyfingu og fiskvinnslufyrirtækjum til háborinnar skammar. En sérhæfð fiskvinnslukona sem starfað hefur í 15 ár er einungis með grunnlaun upp á 197.500 krónur og því til viðbótar er hún með um 300 krónur á klukkustund þannig að heildarlaun fiskvinnslukonu eftir 15 ára starf eru um 230 þúsund krónur á mánuði. Þetta eru laun sem eru til ævarandi skammar og hafi ASÍ og SA einnig skömm fyrir að hafa ekki notað tækifærið þegar vel árar hjá útgerðinni til að lagfæra laun þessa hóps sem á það svo sannarlega skilið. Eins og áður sagði þá er mikill ágreiningur um áhrifin af þessu auðlindagjaldi en formaður spyr sig hvort þetta auðlindagjald geti hugsanlega verið af sama meiði og kolefnisskatturinn sem átti meðal annars að leggja á Elkem Ísland, skattur sem hefði gert það að verkum að ekki hefði verið einn einasti möguleiki fyrir Elkem að skila neinum hagnaði því skatturinn var langt umfram þann hagnað sem fyrirtækið hefur skilað árlega. Enda voru forsvarsmenn fyrirtækisins búnir að tilkynna að fyrirtækið myndi flytja starfsemi sína erlendis ef af þessum skatti yrði. Á þessari forsendu óttast formaður VLFA að þessi skattlagning geti ógnað starfsöryggi sjómanna og fiskvinnslufólks. En eins og áður sagði þá eiga útgerðarmenn að sjálfsögðu að greiða eðlilegan og sanngjarnan skatt fyrir afnot af sameiginlegri auðlind þjóðarinnar. Hvert það hlutfall er liggur ekki fyrir á þessari stundu en mjög mikilvægt er að finna hver sé eðlileg og sanngjörn auðlindarenta sem renni til samfélagsins í heild sinni. http://www.vlfa.is/nr/127210 http://www.vlfa.is/nr/127210 Fri, 30 Mar 2012 15:17:00 GMT Það er óhætt að segja að umfjöllun Kastljóss undanfarin kvöld um verðlagningu og verðmyndun á sjávarafurðum hafi vakið verðskuldaða athygli, enda komu þar fram alvarlegar ásakanir og athugasemdir um hvernig á þessum málum er haldið í íslenskum sjávarútvegi. Formaður Sjómannasambandsins sagði m.a í þessari umfjöllun að verðmyndun á sjávarafurðum væri í molum, aðkoma sjómanna að verðmyndun væri engin og Verðlagsstofa skiptaverðs sem sér um að ákveða verð á botnfiski væri liðónýt og eftirlitið væri nánast ekkert. Nú liggur fyrir að stór hluti þess sjávarafla sem veiddur er við Íslandsstrendur er á sömu hendi það er að segja veiðar, vinnsla og sala og það kom fram í umfjöllun Kastljóssins að útgerðin er að færa hagnaðinn af skipunum inn í vinnsluna til að koma sér hjá því að þurfa að greiða sjómönnunum hlutaskiptin. Þetta eru grafalvarlegar ásakanir sem þarna komu fram á hendur útgerðafyrirtækjum og þetta snýst alls ekki bara um að sjómenn séu ekki að fá rétt uppgert, heldur er hér um að ræða ef rétt reynist hagsmuni þjóðarinnar í heild sinni. Allt á sömu hendi Hvað þýðir það ef útgerðarfyrirtækin sem eru með veiðar, vinnslu og sölu á sömu hendi eins og t.d í uppsjávarveiðunum færa hagnaðinn í auknum mæli inn í vinnsluna og greiða sjómönnum lægra fiskverð en þeim í raun ber? Jú, tekjur sjómanna verða lægri sem þýðir að ríkissjóður verður af tekjuskatti, sveitafélögin fá minni útsvarstekjur og hafnargjöld og síðan hefur þetta áhrif á auðlindagjaldið enda reiknast það út frá aflaverðmæti skipanna. En eru útgerðafyrirtækin að færa hagnaðinn af skipunum inn í vinnsluna? Já, það er æði margt sem bendir til þess að svo sé. Ef litið er á nýlokna loðnuvertíð þá kemur í ljós að útgerðarmenn og framkvæmdastjóri LÍÚ tala um að vertíðin hafi skilað um 30 milljörðum í útflutningstekjur af tæplega 600 þúsund tonna loðnukvóta sem veiddur var á yfirstaðinni vertíð. Einnig kom fram í viðtali á RUV við Ingimund Ingimundarson hjá HB Granda að þumalputtareglan sé sú að 50 krónur fáist fyrir loðnukílóið að meðaltali og samtals hafi því loðnuvertíðin gefið um þrjátíu milljarða. Þetta er afar athyglisvert því að þegar skoðað er hvað útgerðin var að borga skipunum fyrir hvert kíló þá kemur í ljós að það er að meðaltali í kringum 26 krónur að teknu tilliti til þess sem fer í bræðslu, frystingu og hrognatöku. Þetta þýðir að aflaverðmæti skipana af 581 þúsund tonna veiði er 15,1 milljarður, en loðnuvertíðin gaf útgerðinni sem bæði á skipin og vinnsluna rúma 29 milljarða. Með öðrum orðum þá er vinnslan að skila útgerðinni 14 milljörðum sem er álíka mikið og aflaverðmæti skipanna var. Formaður spyr, getur þetta staðist einhverja skoðun? Hvernig má það vera að verðið til sjómanna sé einungis 26 krónur á kíló á meðan þeir geta selt það að jafnaði á 50 krónur. Formaður félagsins gerir sér algerlega grein fyrir því að það þarf að vera framlegð í vinnslunni en að vinnslan sé að skila nánast jafn miklu og aflaverðmæti skipanna stenst ekki nokkra skoðun að mínu áliti. Formaður getur ekki séð annað en að útgerðin sé að færa hagnaðinn inní vinnsluna af skipunum til að komast hjá því að greiða hærri laun til sjómanna, sveitafélögum hærri hafnargjöld, ríkinu hærra auðlindagjald og þessu til viðbótar verða ríki og sveitarfélög af skattatekjum vegna þess að laun sjómanna verða lægri fyrir vikið. Samningaviðræður hvað? Í Kastljósþættinum var Friðrik J. Arngrímsson framkvæmdastjóri LÍÚ spurður hví Norðmenn gætu greitt rúmar 40 krónur fyrir loðnukílóið á meðan útgerðin hér á landi greiddi sínum skipum 26 krónur og einnig var Friðrik spyrður hvers vegna vinnslan hér væri að greiða erlendu skipunum langtum hærra verð en íslensku skipunum svo tugum prósenta munar. Friðrik sagði að ástæðan fyrir hærra verði í Noregi væri sú að þar eru veiðar og vinnsla ekki á sömu hendi og því væri það verkefni útgerðarinnar að semja við sjómenn um verðið á hverjum tíma fyrir sig. Málið er einfalt - í langflestum tilfellum fara engar samningaviðræður fram um verð heldur ákveður útgerðin þetta algerlega einhliða. Það kemur skeyti um borð í skipin frá útgerðinni sem kveður á um verð. Þetta vita allir sem eru á þessum skipum en eðli málsins samkvæmt þora sjómenn ekki að andmæla þessu á nokkurn hátt af ótta við að vera sagt upp plássinu. Það er rétt að geta þess að þetta sama á við um makríl og síldveiðar á uppsjávarskipunum, ekki bara loðnuveiðarnar. Það er morgunljóst í mínum huga að þessu fyrirkomulagi verður að breyta tafarlaust og það eiga að vera stéttarfélögin sem semja við útgerðirnar fyrir hönd sinna félagsmanna um fiskverð. Það er alla vega afar ójafn leikur að ætla sjómönnum að semja um fiskverð við sinn vinnuveitenda, því ef þeir eru óánægðir þá eiga þeir svo sannarlega á hættu á að verða reknir. Formaður félagsins vil taka það skýrt fram að laun sjómanna eru mjög góð núna vegna stöðu íslensku krónunnar en þau hafa alls ekki alltaf verið það og nægir að fara aftur til ársins 2006 þegar gengi íslensku krónunnar var afar óhagstætt sjómönnum. Þjóðarhagsmunir Þetta snýst ekki eingöngu um laun sjómanna heldur þjóðarhagsmuni því með því að færa hagnaðinn frá skipunum yfir á vinnsluna er verið að hafa af samfélaginu öllu gríðarlegar upphæðir. Nú hefur verið lagt til á Alþingi að kannað verði hvaða áhrif fyrirhugað auðlindagjald hefur á bankakerfið. Í því samhengi telur formaður fulla ástæðu til að þessi verðlagsmál á sjávarafurðum verði rannsökuð opinberlega og það kannað hversu miklu þjóðarbúið tapar á því að útgerðin skuli færa hagnaðinn inn í vinnsluna til að koma sér hjá því að borga meira til þjóðarbúsins eins og áður hefur verið rakið. http://www.vlfa.is/nr/127096 http://www.vlfa.is/nr/127096 Wed, 28 Mar 2012 11:16:00 GMT Í fréttum í fyrradag kom fram að ekki hafi náðst samstaða á Alþingi um að draga úr vægi verðtryggingarinnar á skuldsett heimili. Það er óhætt að segja að þetta séu sorgartíðindi, því það er alveg ljóst að verðtryggingarvítisvélin er að ganga af íslenskum heimilum dauðum. Nú síðast í morgun kom fram að verðbólgan hækkaði um 1,05% á milli mánaða og hefur verðbólgan á síðustu þremur mánuðum hækkað um 2,4%. Í skýrslu Hagfræðistofnunar um skuldavanda heimilanna sem stjórnvöld létu gera á síðasta ári kom fram að heildar verðtryggðar skuldir heimilanna nema um 1.271 milljarði króna sem þýðir að þær hækkuðu á milli mánaða um 13,3 milljarða og frá áramótum hafa þær hækkað sem nemur 30,5 milljörðum, bara vegna verðtryggingarinnar. Nú er nýlokinni einni albestu loðnuvertíð sem verið hefur við Íslandsstrendur í áratugi, en áætlað er að heildaraflaverðmætið hafi numið 30 milljörðum. Þetta er jafnhá upphæð og verðtryggðar skuldir íslenskra heimila hafa hækkað um á síðustu 3 mánuðum. Á þessu sést hvernig verðtryggingin leikur íslensk heimili miskunnarlaust, því er það algjörlega óásættanlegt að Alþingi Íslendinga ætli ekki að taka á þessum grímulausa óréttlæti sem íslensk heimili mega þola vegna verðtryggingarvítisvélarinnar. http://www.vlfa.is/nr/127048 http://www.vlfa.is/nr/127048 Tue, 27 Mar 2012 10:30:00 GMT Trúnaðarmenn VLFAMikil ánægja ríkti með Trúnaðarmannanámskeiðið sem lauk á föstudaginn síðastliðinn. Bæði höfðu kennarar orð á því hversu gríðarlega sterkur og góður hópur þetta væri og einnig var að heyra á nemendum að þeir hafi ekki síður verið ánægðir með góða og uppörvandi fræðslu. Sterkir trúnaðarmenn eru ómetanlegir í starfi stéttarfélaganna, og kjarni þeirra er alltaf að þéttast og verða virkari. Stefnt er að því að halda framhaldsnámskeið í haust til að halda áfram á þessari braut.